Ɉaan 5:30 - Yálá laawoo hɛɓɛ (dc)

³⁰ Vá pɛli mɛ̨nį ta kɛi gbɔ́ɔ́ ɓa, yii ŋį́ mąn Ną́n na, ya ɓə ŋą kiti tee la, ɛlɛɛ, nwɔ́ kiti haŋąąi. Mąąhɔlɔɓo, vá nííɓa kwɛli, kɛlaa nui dɔ́ɔ́ nííɓa ɓə ŋą gwɛli.

Yálá laawoo hɛɓɛ

³⁰ Vá pɛli mɛ̨nį ta kɛi gbɔ́ɔ́ ɓa, yii ŋį́ mąn Ną́n na, ya ɓə ŋą kiti tee la, ɛlɛɛ, nwɔ́ kiti haŋąąi. Mąąhɔlɔɓo, vá nííɓa kwɛli, kɛlaa nui dɔ́ɔ́ nííɓa ɓə ŋą gwɛli.

Bible

³⁰ “Fa mɛni da kélee kɛ̀ a ŋ́gbɔɔi-wala-wala. Berei ŋa mɛ̀ni lai, berei nɔ́ ƃe ŋa mɛni ŋá tèe la, ǹyaŋ ŋámɛni-ŋa-teɛɛi sã́âi, kpɛ́ni fêi, fa ŋ́gbɔɔi-nia-mɛnii kɛ́, fɛ̂ɛ nyii ńdɛ̀ɛi ǹîa-mɛni.

Ɉaan 5:30 Referans Kwoze

Ɉaan 6:38

Mąąhɔlɔɓo, Və́ həɠə li yələi və́ pa nííɓa kɛ mɛ̨nį ɓa, kɛlaa nui dɔ́ɔ́ niiɓa kɛ mɛ̨nį ɓə.

Ɉaan 5:19

Kɛlaa Jesus ə pənə ə mo diɛ yɛ diɛ: «A tɛ̨ą, tɛ̨ą kpɔkpɔɔ, gaa moi kaa: Lon va pɛli mɛ̨nį lɔpee ta kɛi bɔɔ ɓa, yii hvo nąn gaa li yɛ gɛ; mąąhɔlɔɓo, yii lɔpee Nąn a gɛ, Non yaa kpɛli mąn a ɲɔ̨nwɔ̨mąn gɛ lɔ.

Ɉaan 4:34

Jesus ə mo diɛ yɛ diɛ: «Gɔ́nɔ́n mąą: Yálá ŋɛ̨i dɔ́ɔ́ ŋį́ niiɓa kɛ, ə lɛɛ, gólói ŋɛ̨i ə dɛɛ bɔ́, ŋą gɛ ŋį́ naa kulɔ.

Ɉaan 14:10

Hvo laa li ná yɛ diɛ kwa Ną́n ku kaa tɔ̨nɔ̨n? Nwooɠaa ŋɛ̨i ŋį́ kɛ moi kaa, ɲą́ą́ gbinįi váá woo hvəli. Kɛlaa, kwa Ną́n Yálá ku yee lɔɔi gee hu, yɛ nwɔ kólói kɛ ɲą́ą́ ɲéé hu.

Maafîu 26:39

Ə mo lɔ tii, ə həɠə nu haaɓai tii kwɛlɛ ə mąą tɛ tɔwɔ. Ə pɛlɛ nɔi ɓa, yɛ Yálá hvɛli yɛ kɛ mą: «Ną́n, akɛ ya hvaa mą, ə́ mɔ̨nɔ̨ kpələ kɔ́wɔi ŋɛ̨i mąą kwɛa mą́ą́; kɛlaa, və́ bɔ hvo nííɓa kɛ, ə́ liiɓa ɓə gáá bɔ.»

Ɉaan 8:28

Jesus, yɛ diɛ: «Ɓɛlɔwai ka káá pai Nu Lon tɛi la yələi, nąąlɔwai ɓə ka káá pai gɔlɔn ɉii la, kaa kɛ diɛ: Ɲą́ą́ ɓə gáá a Yaai Gaa Lɔ Laa. Ka káá pai gɔlɔn ɉii kaa diɛ: Və́ mɛ̨nį ta lɔpee kɛi gbɔ́wɔ́ ɓa, ɛlɛɛ, yii Ną́n ə mąąkwɛli mą, ya ɓə ŋą́ mo.

Lomaŋ 15:3

Mąąhɔlɔɓo, Kristə hvo kɛ gbɔwɔ liiɓa kɛ li yɛnɛ̨ɛ̨, kɛlaa, yɛ pələi bɛ̨ɛ̨ la Yálá lawoo hɛɓɛ́ hu yɛ mą: «Ə lalan di mo, ɲą́ą́ ɓə di kɛ mą́ą́.»

Ɉaan 8:50

Və́ pa li gbɔ́wɔ́ nwɔ mąąwiɛ kwɛli. Nu ta kaa laa yɛ pa nwɔ́ mąąwiɛ tɛɛi, ya ɓə pai dɛ̨ą ɓoi.

Ɉaan 8:42

Jesus yɛ diɛ: «Akɛ ka nąn ɓaa a Yálái, ka li nwɛ́li la kɛ. Mąąhɔlɔɓo, ŋą́ həɠə Yálá pɔ, naa hu ɓə gáá la ɓɛ. Və́ kɛ pa li gbɔ́wɔ́ ɓa, kɛlaa, yaa tii ɓə dɔ́ɔ́.

Ɉaan 17:4

Ŋą́ą́ Ə́ mąąwiɛ yɛnɛ̨ɛ̨ nuą ɲɛ̨i ɓa, gólói Ə́ dóó mą ŋą́ą́ gɛ.

Mąątɛ̨nɛ̨ 96:13

'ka gɛ tii Yai-Laa tɔwɔ, mąąhɔlɔɓo, gaa pai, gaa pai lɔi ɲąąwooɓoi. Gaa pai yɛnɛ̨ɛ̨ ɲąąwooɓoi a tələnmolaa, da nu huwuɠaa, yɛ bələi ɉąŋąąi la.

Ɉaan 18:11

Jesus yɛ Piɛrə ɓa: «Ə́ wɔ ɓɔwai lɔ daai. Gbələ kɔ́wɔi Ną́n ə dɛɛ bɔ́, yɛ́ və́ gbə́lə la?.»

Zɛnɛse 18:25

Gílí kaa ɉu gɛ́ diɛ́, hvá pɛli mą. Hvá hvaa mą, nuąi hɔn və diɛ, da hɔn mąą nuą, hvə́ di nwun na pili a gee. Nui ŋɛ̨i a yɛnɛ̨ɛ̨ mɛ̨nįɠaa kəlee kitii tee, hva hvaa mą, hvo tələnmomun nwun na pili.»

Lomaŋ 2:5

Kɛlaa, ə́ wɔ kili walawala pələ, da ə́ wɔ lii ɲɔ̨n bələ ə́ gwəi, hvó bɔ hvo ə́ wɔ túwɔ́ pələ ɲɔ̨nŋąa mąąhvalin. Yili ɓa, Ɲələi Yálá kaa pai nwɔ kiti haŋąai teei la, akɛ tii, ə́ kaa Yálá nwɔ liiholui ɲąątɔɔi ə́ kpɔwɔ ɓa;

Lomaŋ 2:2

Gu gɔlɔn guɔ diɛ: Nuąi di túwɔ́ pələ kaa ti, Yálá a di kiti tee a tɛ̨ą.

Azaya 28:6

Yálá kaa pai kɛi a dələnmo kiti teemun kili, ə ɓo a nuąi gɔ́ kpɛi daa ɓa, di wɔ hu walawala.

Sofoni 3:15

Giti ŋɛ̨i too ə́ mɛ̨i, yɛ wiɛ yɛ́, Yai-Laa aa ɉəɠə ə́ mɛ̨i. Aa ə́ yowo ɲɛ̨i haŋą pələ takpɛli. Israɛlə nwɔ tɔɔmun Yai-Laa yaa kpinįi, gaa ə́ pɔ; hvó kɛa pai kɛi ɲɔwi mɛ̨nį ɲɔ̨n da həli mɛ̨nį ɓa yɛ́.