Ɉaan 5:28 - Yálá laawoo hɛɓɛ (dc)

²⁸ Mɛ̨nįɠaa ŋɛ̨i hvo ka kwəi pili kaa, yələ ta kaa pai ɉəli, hąąuą kəlee kaa pai nwoo mąn ɉii.

Yálá laawoo hɛɓɛ

²⁸ Mɛ̨nįɠaa ŋɛ̨i hvo ka kwəi pili kaa, yələ ta kaa pai ɉəli, hąąuą kəlee kaa pai nwoo mąn ɉii.

Bible

²⁸ Nyiŋi fe kùla a kâa. Kpɛ́ni fêi, tãi káa pâi, tãi núu kélee gáa molôŋ sui da pâi ŋ̀óo mɛnîi

Ɉaan 5:28 Referans Kwoze

M̀ɛni-lɛɛi 20:12

Yili pulu, ŋį́ haa nuą kaa, nu kpɛa-kpɛaa da lɛapɛlɛɛ, di ɓo tɔɔni dɔɔkpəlin niila, ɛlɛɛ, di hɛɓɛ́ɠaa laaɓo. Di hɛɓɛ́ takpɛli laa ɓo, yai a yɛnɛ̨ɛ̨ hva kpɛɛ hɛɓɛ́, ɛlɛɛ, di haa nuą kiti tee yɛ bələ di tuwɔ la, kpɔlɔɔ yɛ bələi ə kɛ la ɉɛɓɛ́ɠaa hu.

Azaya 26:19

Ə́ wɔ nuąi daa haa di kaa pai pənəi di yɛnɛ̨ɛ̨ kɛ, di pɔwaɠaa kaa pai pənəi di nwun. 'Ka ka muhəɠə! 'Ka tómą a kwəinɛ̨ɛ̨! Kaai ŋɛ̨i munuun ɉu puunii! Mąąhɔlɔɓo, yɛ́ nɛ̨n-ɲái kaa a kɛɛpono nɛ̨nɲá, ɛlɛɛ, lɔi kaa pai yɛnɛ̨ɛ̨ tɛɛi haa nuą pɔ.

Filipə 3:21

yai pai, gɔlɔ mąąwɛliɛ ŋɛ̨i guɔ, mąą hvalin ɉii a kɔ́lɔ mąąwiai gɛ pələ ə ɓo yɛ nwɛi. A yili kɛ a nwɔ huwalawalai gaa pai heei la hɛn gəlee mɛ̨i.

Korɛntə dɔlɔɔ 15:22

Yii yan Adamə hu ɓə nu kəlee di haa la, nu kəlee da yɛnɛ̨ɛ̨ hɔlɔɓo Kristə hu, a ba yələ;

Osia 13:14

A kɛ tii, hvo kɛli mɔ̨ɔ̨ ŋį́ pa nwun mąąɓo ɲąmuątaa yəi? Hvo kɛi ŋį́ pa gulɔ haa yəi? Haa, ə́ wɔ nu paa ɲɔ̨nŋąąi kaa mį? Ɲąmuątaa, ə́ wɔ nu kɛlɛ gbɔn kaa mį? Nu ɲɛ̨imąąwɛli kaa kilii lɔpee hvo ɲɛ̨i pɔ.

Ɉaan 3:7

Kɛi ŋɛ̨i ŋį́ mo yɛ: ‹Hvo kɛli nu a hɔlɔɓo a nįnɛ̨, yili hvə ə kwəi pili yɛ.›

Ɉaan 5:20

Mąąhɔlɔɓo, Nąn a Non nwɛlilakɛ. Yii Nąn a gɛ, a gəlee lɛ Non ma. Gaa nwɔ̨nɔ̨ pai kólo kpɛa-kpɛaɠaa lɛi Non ma, yii a ka kwəi pili kaa.

Ɉaan 4:21

Jesus ə nwoo pulu pənə yɛ mą: «Nɛ̨ɛ̨nu, laa ná, lɔwai ta kaa pai ɉəli, ka hvo pai kɛi kwɛli hvilɛn Ɉii Ną́n Yálá ɓa, ɲee ŋɛ̨i ɓa, a wala kɛ tii Ɉerusalɛmə daai.

Gɛlaɠaa 3:12

Nąą kaai Piɛrə ə mo, ə mo nu kpului ti ɓa, yɛ diɛ: «Israɛlə nuą, lə ɓə kɛ yai ka ɲɛ̨i kpanwoɔ lɔ kuɔ hįį, yɛ kuɔ ɓə kwa gɛ nui ŋɛ̨i yɛ hiɛ; ká ɲɛ̨i kpawoɔi lɔ kuɔ yɛ ku hvaŋą awala kɛ tii, ku wɔ Yálá mɛ̨nį kɛ pələ ɓə a gɛ, nui ŋɛ̨i yɛ hiɛ?

Danîa 12:2

Nuą tamąą daa haa, di kaa laani di kámą hu, di kaa pai di muhəɠəi, di kɛ a di hvulú. Daɠaa da di muhəɠə də li yɛnɛ̨ɛ̨ kpɛɛ hvo mą ɉu; daɠaa də li nwun napili hu, nwumɛ̨ hu yii hva kpɛɛ.

Ɉaan 4:23

Kɛlaa, lɔwai ta kaa pai ɉəli, mąą lɔwai aa gbɛa ɉəli, nąąlɔwai, kwɛli hvilɛn nuą kpɔ-kpɔɔɠaa, da kwɛli hvilɛn Ną́n ɓa a nwɔ Kili ɛlɛɛ da tɛ̨ą. Gwɛli hvilɛn nuą tii ɓə Ną́n Yálá kaa di pɔ.

Ɉaan 5:25

A tɛ̨ą, a tɛ̨ą kpɔkpɔɔ gáá moi kaa: gaa pai kɛi a yələ ta, aa gbɛa mun həli, Yálá Lon nwoo a too hąąuą wəlii; yiiɠaa da mąn, da ɓalo.

Gɛlaɠaa 24:15

Gílitɔɔi ɓə Yálá ɓa, diɛ kpɛlimąn gili tɔ̨nɔ̨i tii kaa lɔ di kwəi, ya ɓaa tələnmo nuą-o, wɛa nuą, di kaa pai pənəi di nwun.