Ɉaan 5:2 - Yálá laawoo hɛɓɛ (dc)

² Ɉįį tii kɛ Ɉerusalɛmə taa ɓa, naaləi ta ə kɛ laa, diɛ kɛ naa ɓa: ɓɛlaaɠaa lɔi. Gɛɛnąąi tii tənə ma, powa ta ə kɛ laa, diɛ kɛ mą: Ɉuifə woo hu: Bɛtzata.

Yálá laawoo hɛɓɛ

² Ɉįį tii kɛ Ɉerusalɛmə taa ɓa, naaləi ta ə kɛ laa, diɛ kɛ naa ɓa: ɓɛlaaɠaa lɔi. Gɛɛnąąi tii tənə ma, powa ta ə kɛ laa, diɛ kɛ mą: Ɉuifə woo hu: Bɛtzata.

Bible

² Póa tɔnɔ káa Zerusâlɛŋ m̀ála-koraŋ kɔlɛ. Náa ƃa Bɛsaida, Ibulu wooi su, nyii kêre lɔ́ɔlu e kɛ̀ ma.

Ɉaan 5:2 Referans Kwoze

Nehemi 12:39

Ə lɛɛ, Ɛfraimə nwɔ kpon nwun mɛ̨i da Yesana nwɔ kpon, da ɉɔwɔlee pɛlɛ kpon. Hananeɛlə taa mąąkpɛ pɛlɛ da nu nwun nwundɔ̨nɔ̨ taa mąąkpɛ pɛlɛ, ə lɛɛ ɉu ku həli la daa mąąkpɛ pɛlɛ ɓa.

Nehemi 3:1

Ɉaláá laa həli mun gɛnɛ̨ Ɛliasivə, ə muhəɠə da gaayɔwɔɠaa ɉaláá laa həli nuą, bɛlɛ́ laaləi ŋɛ̨i ɉįi ɓa, yɛ ɓo a mɛlaaɠaa lɔi, di naa gbon doo. Di lúwɔ́ too mą. Di gbon mɛlaɠaa hɛlɛn, di həli la nu nwundɔ̨nɔ̨ nwɔ taa mąąkpɛ pɛ́lɛ́i ɓa. Di lúwɔ́ too ɉįi ɓa, ə lɛɛ la ɉu, di həli la Hananeɛlə daa mąąkpɛ pɛlɛ́ ɓa.

Nehemi 3:32

Bɛlɛ́ nwąnąɠaa kee kaai, da mɛlaaɠaa. Kulɔ pɛlɛ laaləi, ɉɛni yɔw nuą da ɲɔw kɛ nuą ɓə naa tɔɔ.

Azaya 22:11

Kaa yá pui takpɛli pɛli ɉį́i hveelɛi lɔwai, a ɲa pui pɔlɔ pɔlɔ mąą hvalin. Kɛlaa nui a mɛ̨nį kəlee ɲɛ̨i kulɔ, ka hvo ka ɲɛ̨i hee li bɔ pələ, nui wɔlɔ aa pɛlɛ mɛ̨nįɠaai tii kəlee kɛɛ ɓa, ɉu aa kwɛa, ka hvo gaai.

Gɛlaɠaa 21:40

Ɓɛlɔwai ɉolahi nwun nąmu ə hvaa la Polə woo ɓa, Polə ə tɛ ə tɔɔ gbəlin ŋą, ə ɲee lɛ nuą diɛ, nąą mɛ̨i ə haa kpɔ ɓu, ə mɛ̨nį ɓo diɛ a Ɉuifə woo yɛ diɛ:

Ɉaan 20:16

Jesus yɛ mą: «Mari!» Mari ə tinɛ̨n yɛ Jesus ɓa Ɉuifə woo hu: «Rabuni» mukulaa ɓaa: Mąąkwɛli kɛmun.

Ɉaan 19:17

Jesus ɓə nwɔ kolɔwa həɠə, di kulɔ la taai, diɛ li ɓɛi da kɛ mą: Nwun gonon ɲee ɓa (Ɉuifə woo hu, da kɛ mą: Gɔlgota).

Ɉaan 19:13

Nwooi tii mɛ̨n Pilatə ə mo, ə Jesus kulɔ ɲɛnɛ̨ɛ̨, Pilatə kpinįi ə li ə hee kiti tee kpəlin ɉu, ɓɛi da kɛ mą: kɛɛnąą muhəɠɛɛ, Ɉuifə woo hu, da kɛ mą: Gabata.

Azaya 22:9

Ka káá gaai, daa wolo tamąą tee, daa Davidə nwɔ taaleei mąą tinɛ̨n na. Kaa ya tiɛ̨ ɓɛi da ɲá pu laa, ɉɛɠɛɛ pələ, mɛ̨i kaa mɛ̨nį ɓa.

Ɉaan 19:20

Ɉɛɓɛ́i tii, Ɉuifəɠaa tamąą di kɛi mo, mąąhɔlɔɓo, ɓɛi ŋɛ̨i di Jesus kpanwo laa kolɔwa ɓa, naa lɛɠɛɛ kɛ taai ɓa; ɛlɛɛ, di bɛ̨ɛ̨ a hį́i woo haaɓa: Hebreu woo, Latɛn woo da Grɛkə woo.

Ɉaan 5:3

Kələ lɔɔli ə kɛ ɲái tii kwɛlɛ. Ɲɔ̨n gɛ nu tamąą di kɛ gələɠaai tii mu laani. Daɠaa diɛ ɓo a: ɲɛ̨ipu nuą, kɔ́wɔ nwąną nuą da kpɛlɛɠɛlɛ ɲɔ̨n gɛ nuą. Di kɛ laa diɛ ɲá tumoɔ mąąkpɔn.

Ɉaan 7:21

Jesus yɛ diɛ: «Mɛ̨nį taanɔ̨n gbən nɔ ɓə ŋą́ą́ gɛ, yili ka tii aa ka kwəi pili kaa.

M̀ɛni-lɛɛi 9:11

Di nwun nąmui kɛ diɛ, ya ɓaa a nowa kpon ɉu gweaa malakai da kɛ mą Hebreu woo hu: Abadɔn, ɛlɛɛ, Grɛkə woo hu di kɛ mą: Apɔliɔn. (Naai tii mukulaa ɓaa: «Kɛɛ kalamun»).

M̀ɛni-lɛɛi 16:16

Ɲįnɛ̨nŋaa tii di dɔɔɓɛlaa kəlee ɲąąkpɔn ɓɛi da kɛ mą Hebreu woo hu: «Harmagedɔn».