Ɉaan 4:46 - Yálá laawoo hɛɓɛ (dc)

⁴⁶ Jesus ə pənə ə li Kana daai Galile lɔi hu; ɓɛi ə ɲá mąą pənə laa a lɔɔ. Nɔi Nwun nąmu kɛnɛ̨ ta ə kɛ laa, yii non gɔlɔi hvo kɛ pono li, yɛ ɓo Kafarnaumə daai.

Yálá laawoo hɛɓɛ

⁴⁶ Jesus ə pənə ə li Kana daai Galile lɔi hu; ɓɛi ə ɲá mąą pənə laa a lɔɔ. Nɔi Nwun nąmu kɛnɛ̨ ta ə kɛ laa, yii non gɔlɔi hvo kɛ pono li, yɛ ɓo Kafarnaumə daai.

Bible

⁴⁶ Nya ƃe e pà ŋɔ́nɔ Kena, Galalii-lɔii su, ƃɛi e ǹyái kɛ̀ naa a ŋwã̂ai. Núu kɛ́tɛ tɔnɔ e kɛ̀ Kapɔ̂nia. Ǹóŋ e kɛ̀ kɔ́lɛ̂i.

Ɉaan 4:46 Referans Kwoze

Lukə 8:42

mąąhɔlɔɓo, ɉulɔnui tii, non nɛ̨ɛ̨nu tɔ̨nɔ̨ gbən ə kɛ laa, gaa kwɛlan ə kɛ lɔ pow kɔ́w hveelɛ ɲɔ̨n ə kɛ mą, ɉaa lii yɛ tɛ la.» Ɓɛlɔwai kɛa Jesus ə kɛi li la ɉulɔnui tii yəi bɛlɛ́ laaləi, nu kpulu kɛnɛ̨ tinɛ̨n ŋąąi kɛ mą, diɛ vana di kee lɔwai.

Lukə 7:2

Romə holahi nwun nąmu ta, koló kɛmun da ə kɛ ɲəi, nwɛli yɛ ɓo kpɔ ma kɛnɛ̨. Góló kɛmun tii kɔ́lɔi hvo kɛ pono li. Ɲɔn ɉiɛ kpɔ kɛ ɉu kɛnɛ̨, yɛ kɛ ə baa.

Maafîu 15:22

Kanaan nąąnu ta ə kɛ laa nɔi tii hu, ɲį́nɛ̨n ə ɓo non nɛ̨ɛ̨nu pulu yɛ naanɔ̨nwɔ̨ ɓo kpɔ a mɔlɔɔ. Nɛ̨ɛ̨nu tii ə pa Jesus pɔ ə wɔlɔ ma yɛ mą: «Davidə Lon, Ną́mu, ɲɛ̨́i mąą wɛli kaa. Ɲį́nɛ̨n gaa nón nɛ̨ɛ̨nu pulu yɛ naanɔ̨nwɔ̨ ɓo kpɔ a mɔlɔɔ, gɛ́ ə́ gbɛ bulu.»

Maafîu 9:18

Ɓɛlɔwai Jesus ə kɛi mɛ̨nįɠaa tii ɓo la diɛ, Ɉuifə kalanɉon da ə pa, ə pɛlɛ gɔɠɔ mu, yɛ mą: «Nón nɛ̨ɛ̨nu a haa, kpɔlɔ yiihu, gɛ́, ə́ pa ə́ ə́ yee pɛlɛ mą, ə ɓalo.»

Osia 5:15

Gáá pai lií, gáá pənəi ŋį́ li bɔ́ɔ́li, ə lɛɛ ɉu, di hvaa di hɔn ma, ɛlɛɛ, diɛ ɲɛ̨ilai gwɛli. Mɔ̨nɔ̨ kaa pai wiɛi diɛ, di kaa pai hvilɛn ɉii, diɛ gwɛ́li.

Mąątɛ̨nɛ̨ 50:15

Ɛlɛɛ, ɲələi yá kɛ la kanąn ɉu, də́li, ŋą́ ə́ kulɔ ɉu, ə gɛ ə́ mą́ą́wiɛ.

Ɉaan 21:2

Simɔn Piɛrə, Tomasə yai da kɛ mą: Didimə, Natanaɛlə yai həɠə Kana Galile lɔi hu, Zebede lon ɉinąą hveelɛi da kalan nɛa hveelɛ di kɛ di kee pɔ.

Mąątɛ̨nɛ̨ 78:34

Yálá a kɛi di paa ti, di kɛi gwɛli, diɛ di hɔn mąąpənə, diɛ tinɛ̨n bɔ pələ.

Zasua 19:28

da Avdɔn pələ, Rehɔvə da Hamɔn, ə lɛɛ, Kana, yɛ həli la Sidɔn kɛnɛ̨ ɓa.

Maafîu 4:13

Hvo lɛɛ Nazarɛtə daai; kɛlaa, ə li ə hee Kafarnaumə daai, taa yii kɛ Galile bówa kwɛlɛ. Ɓɛi kɛ a Zabulɔn nu huwu da Nɛftali huwuhu nuą di wɔ lɔi.

Lukə 4:23

Jesus ə mo diɛ, yɛ diɛ: «A tɛ̨ą, ka káá pai ɉanwon ŋɛ̨i hɔɔi mą́ą́ mɛ̨nį hu, kaa kɛ mą: ‹Yɔwɔtɔlɔ, ə́ kpɔɔ hali kɛ yɛ́ kpinįi.› Ka káá nwɔ̨nɔ̨ pai kɛi mą́ą́: ‹mɛ̨niɠaai ə́ gɛ Kafarnaumə daai, kwaa yiliɠaai kəlee bələ mɛ̨n, yili ɲɔ̨nwɔ̨mąn gɛ tii ə́ kpɔ-kpɔɔ taa ŋɛ̨i hu ɓɛ.›»

Ɉaan 2:12

Yili pulu ə li Kafarnaumə daai, yaa, nee, gaayɔwɔɠaa da nwɔ kalan nɛai. Di hvə hvóló tamąą kɛ laa daai.