Ɉaan 4:32 - Yálá laawoo hɛɓɛ (dc)

³² Kɛlaa, ə di woo pulu pənə yɛ mą: «Kɔ̨nɔ̨n yii mąąnɛ̨ɛ̨ ŋą mį́į́ ka hvo gɔlɔn.»

Yálá laawoo hɛɓɛ

³² Kɛlaa, ə di woo pulu pənə yɛ mą: «Kɔ̨nɔ̨n yii mąąnɛ̨ɛ̨ ŋą mį́į́ ka hvo gɔlɔn.»

Bible

³² Kɛ́lɛ, e mò dîa, ǹyɛɛi, “Mii-sɛŋ káa ńyêei a gɛɛ ŋa mii, nyii káfe gɔ́lɔŋ.”

Ɉaan 4:32 Referans Kwoze

Zôo 23:12

Gɔ́wɔ́ hvo ta həɠə li nwɔ tɔ́nŋąąi mɛ̨i. Wooɠaai da kulɔ na ŋą́ gəlee lɛɛ gíli pɔ.

Ɉaan 4:34

Jesus ə mo diɛ yɛ diɛ: «Gɔ́nɔ́n mąą: Yálá ŋɛ̨i dɔ́ɔ́ ŋį́ niiɓa kɛ, ə lɛɛ, gólói ŋɛ̨i ə dɛɛ bɔ́, ŋą gɛ ŋį́ naa kulɔ.

Mąątɛ̨nɛ̨ 119:103

Ə́ wɔ tɔn nwooɠaai nɛ̨ɛ̨i ná, dɛɛ kwɛ̨in nwulɔ ɓa.

Ɉeremi 15:16

Yai-Laa Mɛ̨nį Kəlee ŋą Hééɓomun Yálá! Ya lɔ ɓaa, ŋą́ kwiɛn a ə́ laa woo, ŋį́ níí laa, ŋį́ mukpələ. Ə́ laa woo ə kɛi gwə́inɛɛ, yɛ níí nɛ̨ɛ̨ gwə́i. Mąąhɔlɔɓo, náá kwɛlanmoɔi yɛ́.

Hanwon 18:20

Nu hvaa woo nɛ̨ɛ̨ a pɛli ə gɔ̨nɔ̨n ɉɔlɔɓo, yii a mo, a kpɔmąą tɛɛ bɔ nwɔ yɛnɛ̨ɛ̨ kɛ pələ hu.

Hanwon 14:10

Nu kili a gbɔwɔ nwɔ liiɲąnwąną kɔ́lɔn, ɛlɛɛ, da nu ta di hva kpɔn nwɔ kwəinɛ̨ɛ̨ ɓa.

Mąątɛ̨nɛ̨ 63:5

Yili ɓa, ŋą́ ə́ laa tɛ́, nwɔ́ yɛnɛ̨ɛ̨ kəlee yee mu, gɛ́ ɲéé tɛ yələi, gɛ́ ə́ laa tɛ.

Mąątɛ̨nɛ̨ 25:14

Yai-Laa a gwəi mɛ̨nį lɛ, nuąi da ɲɔw mą, diɛ, yɛ gɛ, diɛ nwɔ mįnɛ̨i hu wooɠaa kɔ́lɔn.

M̀ɛni-lɛɛi 2:17

«Nui nwəli kaa mą, mɛ̨nįi Kili-Mąąhəɠɛɛ kaa moi gbɔnŋaa diɛ, ə mɛ̨n a nɛlɛɛ. «Nui ɲee a tɛɛ mɛ̨nįɠaa tii kəlee ɓa, ŋą́ gɔ a manəi noɔ, ŋą́ kwɛnį kwɛlɛɛ dɛɛ bɔ, ɛlɛɛ, laa nįnɛ̨ a kɛ a bɛ̨ɛ̨ gwɛnįi tii ɓa, nu takpɛli hva gɔlɔn, ə kulɔ nui gaa ɲəi, bulu.»

Gɛlaɠaa 20:35

Mɛ̨nį kəlee hu, yii ŋį́ nɛ kaa ya ɓaa: Mąąnɛ̨ɛ̨ nu kəlee di kólo kɛ, ya ɓə a gɛ gu kpɔnmąą tɛɛ mąąwɛli nuą pɔ. Ka gu gu kili lɛɛ gu Ną́mu Jesus woo hu, yii ə mo yɛ diɛ: ‹Nui kɔ́ɓo kɛi, gwəinɛ̨ɛ̨i ə tɛɛ nui di kaa gɔi mą.›»

Azaya 53:11

Mɔ̨nɔ̨i tii laa mɛ̨i mąą mɛ̨nį ɓa gaa pai kɛɛpono kaai, ɛlɛɛ yɛ lamu la yɛnɛ̨ɛ̨, yai tii gɔlɔn ŋąą a təlimo mun, gaa pai nuą kɛi a təlimonuą, yai tii a nwɔ́ tí mun, nu kpulu kɛnɛ̨ɛ̨ yɛ dɔ̨nɔ̨ hɔlɔɓo, mąąhɔlɔɓo, ə nwun ɉee di wɔ kwɛli tee laa kəlee mu.

Ɉaan 4:31

Nąąlɔwai tii hu, galan nɛa di Jesus mąąnɛ̨ɛ̨ diɛ mą: «Mąąkwɛli kɛmun, kɔ̨nɔ̨n mį́į́.»

Ɉaan 4:33

Galan nɛa di mo kɛa di kee lɔwai diɛ kɛ mą: Nu ta a kiɛ kɔ̨nɔ̨n dɛɛ bɔ a mį́į́.