Bib sou entènèt

Ɉaan 4:23 - Yálá laawoo hɛɓɛ (dc)

²³ Kɛlaa, lɔwai ta kaa pai ɉəli, mąą lɔwai aa gbɛa ɉəli, nąąlɔwai, kwɛli hvilɛn nuą kpɔ-kpɔɔɠaa, da kwɛli hvilɛn Ną́n ɓa a nwɔ Kili ɛlɛɛ da tɛ̨ą. Gwɛli hvilɛn nuą tii ɓə Ną́n Yálá kaa di pɔ.

Gade chapit la Kopi

Yálá laawoo hɛɓɛ

²³ Kɛlaa, lɔwai ta kaa pai ɉəli, mąą lɔwai aa gbɛa ɉəli, nąąlɔwai, kwɛli hvilɛn nuą kpɔ-kpɔɔɠaa, da kwɛli hvilɛn Ną́n ɓa a nwɔ Nįį ɛlɛɛ da tɛ̨ą. Gwɛli hvilɛn nuą tii ɓə Ną́n Yálá kaa di pɔ.

Gade chapit la Kopi

Bible

²³ Kɛ́lɛ, tãi a pâi, gáa nâa ƃɛ, tãi Dɔ̃yâ-ɣala-fɛli-ƃelai da pâi Nàŋ-nuui fɛlîi mɔ̂leŋ su da tɔ̃yâ. Kpɛ́ni fêi, diai ti ƃe Nàŋ-nuui a díkɔ̀ri a gɛɛ dí vɛli.

Gade chapit la Kopi

tounen moute ⬆

Ɉaan 4:23
39 Referans Kwoze

Filipə 3:3

Guɔ ɓə gu kaa a gɛ́nɛ̨-lonni leeleeɠaa, mąąhɔlɔɓo, gwa tí Yálá ɓa, Yálá nwɔ Kilii háálai, a guɔi gu wɔ kwəinɛ̨ɛ̨ kaa Jesus Kristə hu, gu kili hvo tɔɔ li gu kpɔwɔ ɓa.

Ɉaan 5:25

A tɛ̨ą, a tɛ̨ą kpɔkpɔɔ gáá moi kaa: gaa pai kɛi a yələ ta, aa gbɛa mun həli, Yálá Lon nwoo a too hąąuą wəlii; yiiɠaa da mąn, da ɓalo.

Galatə 4:6

A tɛ̨ą, ká káá kpɔ a Yálá lonnii a neelee, Yálá aa non nwɔ Kilii yɛɛ gu lii hu, yai a kɛ tomąi gu hu, guɔ kɛ mą: Nąn!

Lomaŋ 8:26

Bələi tii ɓə, Kili-Mąąhəɠɛɛ a kpɔnmąą tɛɛ la gu wɔ hvįikpɛɛlaa pɔ. Mąąhɔlɔɓo, gu hva Yálá hvɛli yɛ bələi mąąnɛ̨ɛ̨ la. Kɛlaa, Gilii yaa kpįnįi ɓə a kɛ wɔlɔi, yɛ ɲįŋɛ̨ gu mąą mɛ̨nį ɓa, a wooɠaai gu hva pɛli moi.

Ɉaan 12:23

Jesus ə di woo pulu pənə yɛ diɛ: «Nu Lon mąąwiɛi lɔwai aa həli.

Ifisiɛŋ 6:18

Gɛ Kili-Mąąhəɠɛɛ ə hvɛli woo kɛ pələ huwui lɔpee gəlee lɔ ká la, da nɛ̨ɛ̨mąą hvə woo mɛ̨nį kəlee hu, káá lɛɛ a ká ɲɛ̨i, káá Yálá hvɛli Kristalɛa kəlee diɛ.

Ɉaan 4:21

Jesus ə nwoo pulu pənə yɛ mą: «Nɛ̨ɛ̨nu, laa ná, lɔwai ta kaa pai ɉəli, ka hvo pai kɛi kwɛli hvilɛn Ɉii Ną́n Yálá ɓa, ɲee ŋɛ̨i ɓa, a wala kɛ tii Ɉerusalɛmə daai.

Ɉaan 1:17

Gu Yálá nwɔ tɔ́n ɉɔlɔɓo Moisə háálai. Kɛlɛɛ, gu mɛ̨inɛ̨ɛ̨ da teŋą hɔlɔɓo Jesus Kristə háálai.

Azaya 29:13

Mɛ̨nįi Nąmu ə mo nu huwui ŋɛ̨i laa mɛ̨i ya ka, yɛ diɛ: Nu huwui ŋɛ̨i a mą́ą́wiɛ lɔ a naaləi, Kɛlaa, di nįį hu pələ mąąkwɛai mą́ą́; ɲɔw mąą laai gaa di hu mą́ą́ mɛ̨nį ɓa, gaa lɔ a nu mɛ̨nį, gaa a mɛ̨nįi daa di mąąkwɛli mą.

Azaya 58:2

Ɲą́ą́ ɓə da di nwun dɔɔ a ɲą́ą́ hvóló kəlee, nwɔ́ pələɠaai kɔ́lɔn mɛ̨nį ə ɓo a di liiɓa, yɛ nu huwui aa tələnmo yiiɓo, ɛlɛɛ hvo kulɔ li nwɔ Yálái nwɔ tɔ́n nwooi pulu. Di kaa bɔ ŋį́ kiti tee a tələnmolaa, di mąąlɛɠɛ mɛ̨nį Yálá ɓa ə ɓo a di kwəinɛ̨ɛ̨ mɛ̨nį.

Azaya 43:21

A nu huwui tii ŋį́ bɛli a nwɔ́ɔ́, ɛlɛɛ, yɛ pa nwɔ̨nɔ̨ pənəi yɛ mą́ą́tɛ̨nɛ̨.

Lomaŋ 8:15

Mąąhɔlɔɓo, Gilii ŋɛ̨i ka ɉɔlɔɓo, hvo a luwɔ kili, yɛ pənə yɛ ɲɔw lɔ ka hu, káá nwɔ̨nɔ̨ kɛ la a ɲɔw nuą. Kɛlaa, Gilii ŋɛ̨i Yálá ə dɛɛ ka pɔ ka kɛ a nwɔ ɲąąkɔn nonnii, yaa ɉáálai ɓə gwa tomąi la, guɔ kɛ mą: Aba, mukulaa ɓaa: Nąn!

Zasua 24:14

Ɉosue yɛ diɛ: «Ə həli kɛa kaa! Ka ɲɔw Yai-Laa ɓa, ka tí mą a ka kwəi kwɛlɛɛ, ka lɛɛ nwoo mu. Ɉaliɠaai ka nąnni di kɛi mąąwiɛ Efratə yá pulu pələ, da Eziptə lɔi hu, ka di kulɔ ka lɔwai, ɛlɛɛ, ka tí Yai-Laa ɓa.

Piɛrə dɔlɔɔ 2:9

Kɛlaa, ká wɛi, ká káá a nu huwui ɉəɠɛɛ ɉu, a dɔɔ kwəlii haláá laa həli nuą, a nu huwu mąąhəɠɛɛ, a nuąi a Yálá kwɛlin, əgɛ, nui ŋɛ̨i ká təli, ə ká kulɔ kpinį hu, yɛ pa a káá, ŋą kɛɛ pono lɛlɛɛi ɓa, káá pɛli gɛ-mɛ̨nį kpɛa-kpɛaa nolo ɓoi,

Mąątɛ̨nɛ̨ 51:6

Ŋą́ą́ nɛ̨ŋɛ̨n ɉəɠə yɛ́, yɛ́ kɔw taanɔ̨n gbən, yɛ́ kpɔ ɓə, mɛ̨nįi ɲɔ̨nwɔ̨ɔ̨ ə́ ɲɛ̨i mu, ŋą́ą́ gɛ; yili ɓa, yá kɛi ɉɔ́n mo, yɛ́ tɛ̨ą mɛ̨nį li, yá kɛi ɉútɔɔ, tɛ̨ą kaa ə́ pɔ, ɛlɛɛ, yɛ́ kitii mąą kulɔi hvo mą.

Mąątɛ̨nɛ̨ 17:1

Davidə nwɔ Yálá hvɛli woo. Yai-Laa! Ə́ wəli tɔɔ, gáá wɔlɔi yɛ́; mɛ̨nįi gáá ɉuhvɛli yɛ́, ə́ wəli tɔɔ mą, ə́ wəli laa ɓo nwɔ́ hvɛli woo tɔwɔ; lɛɛ woo hvo ná.

Samuɛlə dɔlɔɔ 12:24

Yii lɔ gaa mą a ɉaŋąą, ya ɓaa: Ka ɲɔw Yai-Laa ɓa, ka tí mą a ka kwəi kwɛlɛɛ a kilitɔɔmąąlaa, mąąhɔlɔɓo, aa gbɔwɔ lɛ kaa, yɛ gɛnɛ̨i.

Ɉaan 16:32

Lɔwai ta kaa pai həli, aa gbɛamun həli, ka káá pai taɠa-taɠai, ka ɲą́ą́ dɔ̨nɔ̨ nɛ́ɛ́, nu kəlee yɛ li a dee. Kɛlaa ə mą kɛ tii, ɲą́ą́ dɔ̨nɔ̨ hvəə, Ną́n gaa bɔ́.

Ɉeremi 4:2

Akɛ, yá ə́ woo kwɛlɛ mɛ̨nį ta hu a Yai-Laa, ə́ gɛ a tɛ̨ą, a tələnmoɔ laa, a ə́ kwəi kwɛlɛɛ; lɔiɠaa kaa pai lúwɔ́ tooi di kpɔɔ ɓa náá hu, diɛ di kpɔɔ mąątɛ̨nɛ̨ náá hu.

Ɉeremi 3:10

Mɛ̨nįɠaa tii kəlee di mą kɛ, Ɉuda ŋɛ̨i hvo nwoo pulu, yaai a Israɛlə gaayɔwɔ, hvo pənə li hvo pa bɔ́ gwəi tɔ̨nɔ̨ mɛ̨i; yaamun, mɔ̨nɔ̨ ɓə ə kɛi naa mą́ą́. Ɲą́ą́ Yai-Laa nwoo li.

Hanwon 15:8

Nwąnąlɔ nuą di wɔ haláá wɛli kpɛɛi Yai-Laa ɓa kpɔ tɛ-tɛ, Kɛlaa, nuąi di haŋą, di wɔ hvɛ́li woo a nii hon.

Kɔlɔnikɔ Maa-ŋuŋ 29:17

Ną́mu Yálá, gbaɠala kaa mą́ą́, gɛ́: Yá nu kwəi kaa, kwəi kwələlaa yɛ Ə́ lii hon, nwɛ́i, ŋą́ą́ ɉɛnŋąąi tii kəlee tɛɛ kpɔ Ə́ pɔ gbɔ́wɔ́ ɓa, ɛlɛɛ a gwə́inɛ̨ɛ̨. Ya ka nwɔ̨nɔ̨, gáá ə́ nwɔ nuąi ŋɛ̨i ɓɛ di kaai, diɛ pa Ə́ pɔ di kpɔwɔ ɓa a mɛ̨inɛ̨ɛ̨ɠaa.

Lomaŋ 1:9

Hvó gaai, Yálá kaa a nwɔ́ kɛla, yai gáá tíi mą níí hu, gɛ́ non mąą wɛlɛɛ lɛlɛɛ laa həli, ə gɔlɔn gbɔ yɛ, ŋą́ kɛ gílíŋąhiɛi kaa nwɔ́ Yálá hvɛliɛ pələ kəlee hu.

Mąątɛ̨nɛ̨ 147:11

Kɛlaa Yai-Laa a giliŋąhiɛ kpɔ a nɛlɛɛ, yɛ vilɛn, nuąi da ɲɔw mą diɛ a diɛi da di kilitɔɔ nwɔ kulɔ nwooɓa laa ɓa.

Izikiɛ 22:30

Ŋą́ ɲɛ̨́i laa a nu di lɔwai, yii a pɛli bɛlɛ́ nwąną muhəɠəi; yɛ tɔɔ nííla nwolo kɛɛnąą nɔi ɓalo mɛ̨nį ɓa, və́ pa lee ɉukala; kɛlaa, və́ mąą nu kaa li.

Wɛli 2:14

Nwɔ́ tonwələn gbɔlun yɛ́i ə́ kaa kwɛni wolo hu, ə́ loɔ gwɛniɠaa lɔwai, ə́ nwun gulɔ, ŋį́ ə́ ɲɛ̨ilai kaa; 'hvaa, ə́ woo ə too nwə́lii. Mąąhɔlɔɓo, ə́ woo nɛ̨ɛ̨i, ə́ ɲɛ̨ilaa mąąhəɠɛɛ.»

Mąątɛ̨nɛ̨ 32:2

Nui Yai-Laa hva ɉɔn gaa mą, mąą nu nwu na nɛ̨ɛ̨i ɓə, ɛlɛɛ yaan, nwɔ kiliŋąhiɛ hva li hvulu mɛ̨nį pɔ.

Azaya 10:20

Ɲələi tii a həli, Israɛlə nu kpəli, da Ɉakɔbə nwɔ pɛlɛ́i mu nuąi pai kulɔi ɉu, di hva kɛa di kilitɔɔ di kɛlɛmun mą; di kaa pai di kilitɔɔi Yai-Laa ɓa, Yai gaa a Israɛlə nwɔ Mąąhəɠəmun.

Ɉaan 5:28

Mɛ̨nįɠaa ŋɛ̨i hvo ka kwəi pili kaa, yələ ta kaa pai ɉəli, hąąuą kəlee kaa pai nwoo mąn ɉii.

Ɉaan 16:2

Di kaa pai kɛi ka kpɛi Yálá hvɛli pɛlɛ́ɠaa mu; yələ ta kaa pai ɉəlii, nui a ka ta paa, yɛ kɛ gaa Yálá mąąwiɛi ka tii.

Swiv nou:

Lyen patwone

Piblisite

Piblisite