Ɉaan 4:20 - Yálá laawoo hɛɓɛ (dc)

²⁰ Ɲee ŋɛ̨i ɓa ɓɛ, ku nąnni di kɛi kwɛli hvilɛn naa Yálá ɓa. Kɛlaa, kaa ŋɛ̨i a Ɉuifəɠaa, ka kɛ diɛ: Ɉerusalɛmə daai ɓə mąąnɛ̨ɛ̨ nuą di kwɛli hvilɛn naa Yálá ɓa.»

Yálá laawoo hɛɓɛ

²⁰ Ɲee ŋɛ̨i ɓa ɓɛ, ku nąnni di kɛi kwɛli hvilɛn naa Yálá ɓa. Kɛlaa, kaa ŋɛ̨i a Ɉuifəɠaa, ka kɛ diɛ: Ɉerusalɛmə daai ɓə mąąnɛ̨ɛ̨ nuą di kwɛli hvilɛn naa Yálá ɓa.»

Bible

²⁰ Kúnuu-pɔlɔ-ŋai dí Ɣâla fɛ̀li ǹyéei ŋi ma, kɛ́lɛ, ya mò a gɛɛ Zerusâlɛŋ ƃe gáa a ƃɛi fɛ̂ɛ núu a Ɣâla fɛli naai.”

Ɉaan 4:20 Referans Kwoze

Dutɛrɔnome 27:12

«Nuąi pai tɔɔi Garizimə yee nwuɔ̨, diɛ lúwɔ́ too nɔi lonnii diɛ, ɓɛlɔwai ka Ɉurdɛn yá teen na, diɛ ka: Simeɔn, Levi, Ɉuda, Isakarə, Ɉosɛfə da Bɛnɉamɛn.

Dutɛrɔnome 11:29

Nɔi tii ka káá lii ɉu, Yai-Laa ka wɔ Yálái a pa ka lɔi ɉu, kaa hee laa, volói tii, lúwɔ́ kaa pai kɛi Garizimə yee nwuɔ̨, nɛ̨ŋɛ̨n naa yɛ ɓo Ebalə yee nwuɔ̨.

Kɔlɔnikɔ Veerɛi 7:12

Nąąlɔwai Yai-Laa ə gbɔwɔ lɛ mą, kwíihɛ̨ą, yɛ Salomɔn ɓa: «Ŋą́ą́ yɛ́ hvɛli woo mąn, ɛlɛɛ, ŋą́ą́ hvaa mą, ŋą́ą́ gɛɛnąą ŋɛ̨i həɠə ɉu, ŋą́ą́ gɛ a nwɔ́ɔ́ haláá kulɔ pɛlɛ.

Lukə 9:53

Kɛlaa, daai tii hu nuą di hvo di yee hee Jesus mu, mąąhɔlɔɓo, ə kɛi li Ɉerusalɛmə pələ.

Mąątɛ̨nɛ̨ 132:13

Mąąhɔlɔɓo, Yai-Laa aa Siɔn taa həɠə ɉu, ya ɓə gaa bɔ, ə kɛ a ɉee taa;

Mąątɛ̨nɛ̨ 78:68

Ɉuda nwɔ nu huwui ɓə ə ɉəɠə ɉu a níiɓa, a Siɔn yeei nwɛli kaa mai.

Kɔlɔnikɔ Veerɛi 7:16

Yii hu, ŋą́ą́ bɛlɛ́i ŋɛ̨i həɠə ɉu, ŋą́ą́ gɛ a nííɓa pɛlɛ; ŋą́ą́ mąąhəɠə, əgɛ, ə kɛ mą a yələ kəlee. Ɲɛ̨́i da gíli di kaa pai kɛi mą a yələ kəlee.

Kɔlɔnikɔ Veerɛi 6:6

Kɛlaa, Ɉerusalɛmə ɓə ŋį́ ɉəɠə ɉu, náá yɛ kɛ laa, ɛlɛɛ, Davidə ɓə ŋį́ ɉu, a nwɔ́ nu huwui Israɛlə ɲąąwooɓomun.›

Kɔlɔnikɔ Maa-ŋuŋ 22:1

Yili ɓə gɛ, Davidə yɛ kɛ diɛ: «Ɓɛ ɓə Yai-Laa Heeɓo kəlee Nąmu Yálá nwɔ pɛlɛ́i kaa laa, ə lɛɛ; ɓɛi Israɛlə nuą da haláá kulɔ laa!»

Kɔlɔnikɔ Maa-ŋuŋ 21:26

Davidə ə haláá kulɔi bɛli laa a Yai-Laa nwɔɔ, ə Yálá kɔ́ laa a haláá hɛn da gəlee kələn, da pɔnaa kulɔ haláá. Ə Yai-Laa təli laa a naa, yili ə nwoo mu hon a nwɔ̨n ə doo ɉaláá hɛnŋaa hu.

Tɔɔɓɛlaa dɔlɔɔ 9:3

Yai-Laa yɛ Salomɔn ɓa: «Vɛli woo da nɛ̨ɛ̨mąą wooi ŋɛ̨i ə́ naa həli mą́ą́, ŋą́ą́ mɛ̨n, bɛlɛ́i ŋɛ̨i ə́ dɔɔ, ŋą́ą́ gɛ a pɛlɛ́ mąąhəɠɛɛ. Náá kaa pai kɛi mą a yələ kəlee, nwɔ́ kɛɛ kaa da nwɔ́ kiliŋąhiɛ yɛ ɓo mɛ̨i a yələ kəlee.

Azaya 66:1

Yai-Laa woo ka, yɛ diɛ: Yələ kɔ́lɔn mə gaa a nwɔ́ tɔɔ kpəlin, lɔi ə ɓo a gɔ́wɔ tɔɔi. Pɛlɛ́ lə kɛɛ kpɔ ɓə kɛa ka pɛli dɔɔi mą́ą́? Kɛɛnąą wolo lə kɛɛ kpɔ ɓə, ŋą́ pɛli vįi tɔɔi laa?

Ɉaan 4:12

Ku kalaɓɔlɔ Ɉakɔbə ɓə ɲá lɔwai ŋɛ̨i tɛɛ ku pɔ. Yaa kpinįi ə da kpələ, nonni, ə mą kɛ ɲəi taatɛlɛɛɠaa diɛ kpɛli di da kpələ. Gaa ə́ kwəi ə́ hviɛlaɓoɔi ə́ tɛɛ Ɉakɔbəi tii ɓa?»