Ɉaan 4:14 - Yálá laawoo hɛɓɛ (dc)

¹⁴ Kɛlaa, nui ŋą gɔ́ a ya, a gbələ, kpələ wɛli hva kɛa ɉon. Kɛlaa yaamun, ɲái tii a kɛ mąą nu yəi a yɛnɛ̨ɛ̨ kpɛɛ hvo mą ya ton, yii hva kpala.»

Yálá laawoo hɛɓɛ

¹⁴ Kɛlaa, nui ŋą gɔ́ a ya, a gbələ, kpələ wɛli hva kɛa ɉon. Kɛlaa yaamun, ɲái tii a kɛ mąą nu yəi a yɛnɛ̨ɛ̨ kpɛɛ hvo mą ya ton, yii hva kpala.»

Bible

¹⁴ kɛ́lɛ, ǹúui nyii a ǹyái kpèle ŋa pâi dɛɛ̂i bɔi, kpele-wɛli fa ŋɔ́nɔ wɔ́lɔ gɛ̀. Ǹyái ŋa pâi dɛɛ̂i bɔi a pâi kɛ̂i gbonôi a yá-lee ŋwɔlɔ-wɔlɔ fulu-laai mɛni ma.”

Ɉaan 4:14 Referans Kwoze

Ɉaan 6:35

Jesus yɛ diɛ: «Ɲą́ą́ ɓə a yɛnɛ̨ɛ̨ hva kpɛɛ kɔ̨nɔ̨n, nui a mįi, pulu hva kɛa ɉon. Nui a laa na, kpələ wɛli hva nwɔ̨nɔ̨ ɉon.

Azaya 49:10

Di hva kɛa pulu həɠə, ə mą kɛ, kpələ wɛli, wəleen, da hvóló, di hva kɛa di hvii kpɛɛ, mąąhɔlɔɓo, Yálái di mąą lii kaa gwəi kɛnɛ̨, ya ɓə pai kɛi di ɲɛ̨itɔwɔ, yɛ li a diɛ ya kɛɛnąąɠaa, diɛ di nį́į́ lɔ laa.

M̀ɛni-lɛɛi 7:16

Pulu hva kɛa di kɛ, kpələ wɛli hva kɛa di hon, hvóló da nwəleen di hva kɛa di kələn.

Ɉaan 11:26

Nui nwɔ̨nɔ̨ gaa a vulu, a laa ná nwun na hva pili. Ə laai yili la?»

Ɉaan 6:58

Gɔ̨nɔ̨n ka kalapɔlɔni di mįi nɔi pun ɉu, di haa; kɛlaa, gɔ̨nɔ̨n ŋɛ̨i həɠə yələi nwɛi, nu a da mįi a yɛnɛ̨ɛ̨i kpɛɛ hvo mą hɔlɔɓo.»

Zɔ̂ŋ Maa-ŋuŋ 5:20

Gu gbaɠala kɔlɔn guɔ Yálá Lon ə pa ɛlɛɛ, ə kili tɛɛ gu pɔ, ə gɛ, gu Dɛ̨ą kɔlɔn. Ɛlɛɛ, gu kaa kɛa Dɛ̨ą hu, Non Jesus Kristə hu. Yaa tii ɓə a Dɛ̨ą, yaa ɓə a Yálá, ɛlɛɛ, a yɛnɛ̨ɛ̨i kpɛɛ hvo mą.

Korɛntə veelɛ 1:22

ya ɓə gɔlɔn ɉii kɛ guɔ, diɛ pɛli gu kɔlɔn ɉii la a nwɔ nuą; yɛ gu lii laahvɛɛ a nwɔ Kilii, a mɛ̨inɛ̨ɛ̨ tɔlɔɔ.

Lomaŋ 6:23

Mąąhɔlɔɓo, nɛ̨ŋɛ̨n vɛla ɓaa a haa, kɛlɛɛ, Yálá nwɔ mɛ̨inɛ̨ɛ̨ ɓaa yɛnɛ̨ɛ̨ kpɛɛ hvo mą, yii gwa ɉɔlɔɓo gu Ną́mu Jesus Kristə laa hu.

Piɛrə dɔlɔɔ 1:22

Káá ká nįį mąąhəɠə, a lɛɛi ká mo tɛ̨ą woo pulu, əgɛ, ká wɛlikɛmąą laa kɛ, hva kɛ a tɛ ɲɛ̨i mɛ̨nį. 'Ká ká keeni wɛli la kɛ kani, a kwəi kwələ laa, 'ká hvįi hvo kpɛɛ,

Ɉaan 10:10

Nwuɔ̨mun nwɛ́i, a pa lɔ, ə gɛ, ə nwuɔ̨ kɛ, ə paa ɓo kɛ, ə lɛɛ, ə kɛɛ kala. Nwɛ́i, ŋį́ pa, ə gɛ, mɛlaaɠaa di yɛnɛ̨ɛ̨ kpɛɛ hvo mą hɔlɔɓo, di ɉɔlɔɓo kpɔ kɛnɛ̨.

Ifisiɛŋ 4:30

'Ká hvo Kili-Mąąhəɠɛɛ liikələn gwəi, yai Yálá ə gɔlɔn ɉii kɛ la káá, káá ká nwun mąąɓo yələ mąąkpɔn na.

Lomaŋ 5:21

Ya ɓə gɛ, yɛ bələi nɛ̨ŋɛ̨n ə hee la gu mɛ̨i a haa, bələ lɔ ɓə Yálá nwɔ mɛ̨inɛ̨ɛ̨ a tɔɔlaa kɛ la tələnmolaa háálai, ə gɛ, ə li a guɔ yɛnɛ̨ɛ̨ hva kpɛɛ hu, gu Ną́mu Jesus Kristə háálai.

Maafîu 25:46

«Yili pulu yiliɠaa da li laa nɔ̨nwɔ̨ hu yii kpɛɛ hvo mą, kɛlaa, təli monuą da li yɛnɛ̨ɛ̨ hu yii kpɛɛ hvo mą ɉu.»

Azaya 55:1

Kaai kpɔ kpələ wɛli kaa kaa, 'ka pa ya kɛɛnąą; ə mą kɛ nu ta kaa laa wali hvo ɲəi, ka pa lɔ, 'ka kɔ̨nɔ̨n vɛli, ka ka laa mįi, 'ka pa ka ka kpələ, yɛ ə kɛ a lɔɔ a wala kɛti nįŋɛ̨ ɲįnįya; wali mɛ̨nį hvo ɉu, hɛn da ya mɛ̨nį hvo ɉu.

Azaya 58:11

Yai-Laa kaa pai kɛi ə́ tɛnɛn dɔɔi a yələ kəlee, yɛ ə́ pilɛ lɔi hu kpalaa hu, yɛ ə́ kɔ́wɔɠaa huwalawala. Ə́ kaa pai kɛi yɛ nɔw yɛai da kɛ ya pui mą, ə́ ɓo yɛ ya nwun gulɔi ya, yai hva kpala.

Ɉeremi 2:13

Mąąhɔlɔɓo, nɛ̨ŋɛ̨n nwɔ́ nuą daa ɉəɠə gaa hveelɛ: Ɲą́ą́ ŋɛ̨i a tɛɛya nwun gulɔi, daa nɛ́ɛ́ laa; diɛ di kpɔ-kpɔɔ ya lɔwaɠaa tee, a lɔwa yii da dee ya hva tɛ ɉuə.

Ɉeremi 31:25

Nuąi kpələ wɛli a kɛ diɛ, gáá pai kpələ wɛli kulɔi diɛ. Nui vii a kpɛɛ, gɛ́ vaŋa lɔ.

Izikiɛ 47:9

A kɛ ti kɛa, huwɔi kpɔ a nɔw, di kaa pai di ɓuwuɓoi; diɛ ɓalo ɓɛi lɔpee ɲálee tii kaa pai tɛɛi laa. A kɛ ti, hɔ̨nwɔ̨lee kaa pai ɓuwuɓoi, mąąhɔlɔɓo, ɲá kaa pai həlii laa, ɛlɛɛ, gboloyá hu yá kaa pai nɛ̨ɛ̨i. Ɓɛi lɔpee ɲai tii kaa pai həlii laa, hɛnŋaa kaa pai ɓaloi laa.

Maafîu 5:6

Nwun na nɛ̨ɛ̨ nuą ɓaa nuąi tələnmolaa wɛli kaa diɛ. Mąąhɔlɔɓo, Yálá kaa pai tələnmolaa tɛɛi di pɔ!

Ɉaan 4:10

Jesus ə nwoo pulu pənə yɛ mą: «Akɛ kɛ ə́ Yálá nwɔ mɛ̨inɛ̨ɛ̨ kɔ́lɔn, ə lɛɛ, nui ŋɛ̨i kɛi yɛ́: ‹Gɔ́ a ya ŋį́ gbələ› yɛ́ ɓo a gɔlɔn ŋąąi, yáá mun mə kɛ, mąąnɛ̨ɛ̨ kɛ ə́ vɛli, ŋą ə́ kɔ́ kɛ a yɛnɛ̨ɛ̨ kpɛɛ hvo mą ya.»

Ɉaan 4:11

Nɛ̨ɛ̨nui tii yɛ Jesus ɓa: «Ną́n ɲá lɔwai ŋɛ̨i hu kwɛaai, ə lɛɛ, ya kulɔ hɛn da hvo ə́ yəi, ya yɛnɛ̨ɛ̨ kpɛɛ hvo mą yai tii haɠa mį?

Ɉaan 4:13

Jesus ə nwoo pulu pənə yɛ mą: «Nui a ɲái ŋɛ̨i ta kpələ, kpələ wɛli a pənə ə Ɉon.

Ɉaan 4:36

Nui gaa mɔ̨nun deei, a gbɛa vɛla hɔlɔɓo, ə nwɔ mɔ̨nun ŋąąkpɔn gee ɓa, yɛnɛ̨ɛ̨ kpɛɛ hvo mą mąą mɛ̨nį ɓa. Yili ɓa, nui a kɛɛhín, da nui a mɔ̨nun dee, da di kwəinɛ̨ɛ̨ gee pɔ.

Ɉaan 6:27

Kɔ̨nɔ̨n ɲii a kalai, ka hvo kóló kɛ lɔ yili mąą mɛ̨nį ɓa, kɛlaa, kɔ̨nɔ̨n a yɛnɛ̨ɛ̨ hva kpɛɛ tɛɛ nu pɔ, ka yili mąą kóló ɓo. Nu Lon a pɛli ə yili tɛɛ ka pɔ. Mąąhɔlɔɓo, Ną́n Yálá aa mɛ̨nį kəlee nwɔ heeɓolaa tɛɛ bɔ.»

Ɉaan 7:37

Ɉɛli hvóló kpəli, ɓə kɛ a volói tii ɓə kɛ mąą mɛ̨nį nwąnąą; Jesus ə haŋą ə tɔɔ nu kpului tii kəlee ɲɛ̨i ɓa, yɛ diɛ: «Nui kpələ wɛli kaa mą, ə pa bɔ́ ə gbələ.

M̀ɛni-lɛɛi 7:17

Gbala ə tɔɔ, Mɛlaa Lon tii dɔɔkpəlin ɉu, ya ɓə pai kɛi a di mɛ̨i kaamun, a tɔɔ di tɔwɔ, ə li a diɛ yá ton gulɔi. Ɛlɛɛ, Yálá a di ɲɛ̨iyá kələ di ɲɛ̨i.»

Levetekɔ 11:36

Kɛlaa, akɛ ya nwun gulɔi ɓə, a wala kɛ tii yálɔwa hu, tɔ́n va kɛ yiliɠaai diɛ, kɛlaa nui a tunwɔ̨n ɉuwo powa ɓa, aa tɔ́n ɉəɠə.