Ɉaan 3:3 - Yálá laawoo hɛɓɛ (dc)

³ Jesus ə nwoo pulu pənə yɛ mą: «Gáá moi yɛ́ a tɛ̨ą, akɛ nu a wala kɛ a nu nįnɛ̨, hva pɛli lɔi Yálá-taa tɔɔlaa hu.»

Yálá laawoo hɛɓɛ

³ Jesus ə nwoo pulu pənə yɛ mą: «Gáá moi yɛ́ a tɛ̨ą, akɛ nu a wala kɛ a nu nįnɛ̨, hva pɛli lɔi Yálá-taa tɔɔlaa hu.»

Bible

³ Zîsɛ e zu tòo, “Tɔ̃yâ kpîŋ, ŋá m̀ó yâ, fɛ̂ɛ da núu maa sɔlɔ ƃo a nina, à wàla kɛ́ ti, va pɔ̂ri Ɣâla ŋɔkâloŋ-laai kâai.”

Ɉaan 3:3 Referans Kwoze

Korɛntə veelɛ 5:17

Yili ɓa, nui gaa Kristə hu, gaa kɛa a gulaa-nįnɛ̨, ɲɛnɛ̨ɛ̨ pɔlɔ aa tɛɛ, mąą aa hvalin a nįnɛ̨.

Zɔ̂ŋ Maa-ŋuŋ 3:9

Nui lɔpee Yálá aa gaa a lon, hva nɛ̨ŋɛ̨n ɉəɠə, gbala ə tɔɔ, ŋą híhɛn gɔwi ta kaa ɉu; ɛlɛɛ, hva pɛli kɛa nɛ̨ŋɛ̨n ɉəɠəi, mąąhɔlɔɓo, Yálá aa gaa a lon.

Zɔ̂ŋ Maa-ŋuŋ 5:1

Nui lɔpee a laa na, yɛ: Jesus ɓə a Kristə, mąą nu kaa a Yálá lon; ɛlɛɛ, nui a Yálá wɛlila kɛ, yai a non gaamun a non tii Yálá ə gaa, nwɛlila kɛ.

Taitɔ 3:5

ə gu nwun mąąɓo; yili hvo kulɔ li gu wɔɔ tələnmolaa ŋą túwɔ́ pələ lɛlɛ hvan ɉu, kɛlaa ə kulɔ Yálá ŋą nɛ̨ɛ̨laa hvan ɉu, ə gu kaa a lon, ə gu mąąwaa a nįnɛ̨, ə gu pu gu nįnɛ̨ kɔlɔi Kili-Mąąhəɠɛɛ yee kɔnma.

Ɉaan 1:13

Yiliɠaai di hvo kɛ li a Yálá lonni, yɛ pələi nu nwɔ kiliŋąhiɛ kaa la, a wala kɛ tii, yɛ pələi nu a lon ɉɔlɔɓo la. Kɛlaa, Yálá ɓə yɛnɛ̨ɛ̨ kɛ pələ nįnɛ̨ tɛɛ di pɔ.

Zɔ̂ŋ Maa-ŋuŋ 2:29

Yii kani ká gbaɠala kɔlɔn káá ɉaŋąąi, ká kili ə pu kani ɉu káá, nui a mɛ̨nį haŋąą kɛ, yaa kpɛli, a tɛ̨ą lon.

Piɛrə dɔlɔɔ 1:3

Lúwɔ́ ə kɛ Yálá ɓa, yai a gu Nąmu Jesus Kristə Nąn: nwɔ ɲɛ̨imąąwɛli kaa laa kɛnɛ̨ɛ̨ hu, aa pənə aa gu kaa nwɔ̨nɔ̨ a nįnɛ̨, kilitɔɔmąą laa walawala mąą mɛ̨nį ɓa, a Jesus Kristə nwun ə mo haa nuą lɔwai,

Galatə 6:15

Gbala ə tɔɔ, kɛ́nɛ̨-lon naa da kɛ́nɛ̨ kpolɔwa laa, tɔ̨nɔ̨ hvo da lɔpee hu. Yii lɔ tɔ̨nɔ̨ kaa mą, ya ɓaa: Yálá aa gu kɛ a nu nįnɛ̨ɠaa.

Zɔ̂ŋ Maa-ŋuŋ 5:18

Gbaɠala kaa guɔ, nui a Yálá lon, hva kɛa nɛ̨ŋɛ̨n ɉəɠə, kɛlaa Yálá ŋą Lon ə gaa, a ɲee kɛ mąą nu ɓa, ɛlɛɛ, Mɛ̨nį-ɲɔ̨n ɲee hva kɛa pɛli mą.

Korɛntə veelɛ 4:4

A diɛi tii di hvo laai nwɛlɛɛ lɛlɛɛ la, diɛi, ɲɛnɛ̨ɛ̨ ŋɛ̨i hu yálá aa di kili ɲɛ̨i wolo, ə gɛ, di hvo pa nəi Kristə ŋą mąąwiɛlaa mąą wɛlɛɛ lɛlɛɛ kaa, a Kristə yai gaa a Yálá mąąnįnįn.

Ɉaan 12:40

«Ə di ɲɛ̨i pu, ə di kili walawala, əgɛ, di ɲɛ̨i hvo pa kɛɛ kaa, ɛlɛɛ, di kili hvo pa mɛ̨nį hukpɛ; diɛ pɛli di hɔn mɛ̨ɛ̨ pənəi. Və́ pa di mąą ɲɔ̨nŋąą kpɛɛ.»

Ifisiɛŋ 2:1

Tɔlɔɔ, ka wɔɔ nɛ̨ŋɛ̨nŋaa da ká hɔnŋaa mąą mɛ̨nį ɓa, ka haai kɛ.

Ɉeremi 5:21

«'Ka ka wəli tɔɔ! Kai ka kiliŋaa pɛlɛɛ, ka hva ŋąą hiɛ. Ɲɛi kɔ́w kaa ka, ka hva kɛɛ kaa la! Wəli ə ɓo ka, ka hva mɛ̨nį mɛ̨n na!»

Ɉaan 1:5

Kɛɛ kaa ponoi kpinį hu, kpinį hva pɛli gɛɛ ponoi tii luwun ɉii.

Dutɛrɔnome 29:4

«Kwɛlan bow nąąn ɲee mu, ŋį́ tɔɔ ka ɲɛ̨i tɔwɔ nɔi pun ɉu. Ka mąą həɠəɠaa di hvo haɠa, ka kɔ́ɔŋą kɔ́lɔɠaa di hvo haɠa.

Zĩi 3:17

Kɛlaa, kilii a həɠə yələi pələ, nwɛi, mąąhəɠɛɛi, yili pulu, niilaa, ɉon nɛlɛɛ, yɛ hvaa kpɛɛ, naahvɛɛ a ɲɛ̨imąąwɛli kaa, hva hu yɛɠɛ kɛ, nɛn və na hveelɛ.

Ɉaan 1:51

Jesus ə pənə ə mo yɛ mą: «A tɛ̨ą kpɔ-kpɔ gáá moi kaa, ka káá pai kɛi yələkɔlɔn gaai naa ɓoɔ, Yálá nwɔ malakaɠaa diɛ tɛ diɛ yɛɛ Nu Lon mɛ̨i.»

Maafîu 16:17

Jesus ə mo Piɛrə ɓa, yɛ mą: «Simɔn, Ɉonasə lon ɉulɔnu, ə́ nwun na nɛ̨ɛ̨i; mąąhɔlɔɓo dɛ̨ą ŋɛ̨i yaa mo, nu hvəə a nɛ nu ɓa; hvɛɛ Ną́n Yálá yai gaa yələkɔlɔn ɉu, ya ɓə a pɛli nɛi nu ɓa.

Maafîu 5:18

Gáá tɛ̨ą ɓoi kaa, a kɛ yələ kɔ́lɔn, da lɔi da wala ni tɛɛ, mɛ̨nį yiiɠaai bɛ̨ɛ̨ dɔ́n ɉɛɓɛ́ hu, ɉɛɓɛ́ gɔw dɔ̨nɔ̨ kpɛli hva ɉəɠə mą. Gəlee ka kɛ, yɛ pələi bɛ̨ɛ̨ la, ə lɛɛ la ɉu, hvo kɛ li yɛnɛ̨ɛ̨ ɲąą kpɛɛi lɔwai.

M̀ɛni-lɛɛi 3:14

Malakai gbɔn nwun na Laodise, hɛɓɛ́ kɛ ə́ dɛɛ mą: «Nui a Amįįną, yai a Kɛlai a kulɔ nwoo ɓa, ɛlɛɛ, yɛ ɓo a Dɛ̨ą, nwoo ka, yai a Hééɓomun Yálá ŋą pɛli hɛn gəlee nwun na, yɛ diɛ:

Izikiɛ 36:26

Gáá pai lii nįnɛ̨ tooi ka kwəi, gɛ́ kili nįnɛ̨ too ka hu. Gili wala wali tii ka hu yɛ kwɛni, gáá pai gulɔi ka hu, gɛ́ kaalon gili too ka hu.

Maafîu 19:24

Gáá pənəi ŋą́ mo kaa, hɛn gɔw nąmu lɔ laa walaai Yálá-taa tɔɔlaa hu ə tɛɛ hoo lɔi haliɛn nwolo hu ɓa.»

Maafîu 21:31

Akɛti, gáá ka mąąni kɛi; nɛapəlɛɛ hveelɛi tii, nɛlɛ ɓə nąn niiɓa kɛ?» Nuą tii di Jesus nwoo ŋąąpənə diɛ mą: «Nón dɔlɔɔ tii ɓə.» Jesus ə mo kɛa diɛ yɛ diɛ: «Gáá tɛ̨ą ɓoi kaa, niihɔ̨nwɔ̨ kulɔ nuą da wɛli hon nuą di kaa pai tɛi ka tɔwɔ Yálá-taa tɔɔlaa hu.

Markə 9:47

Akɛ ə́ ɲɛ̨ikɔw tɔ̨nɔ̨ aa kɛi kɛ ə́ ə́ həɠə pələ ɓa, ə́ ə́ too nɛ̨ŋɛ̨ ɉu, gulɔ yɛ́ bili, viɛlaɓoɔi ə́ ɲɛ̨ikɔw ə lɛɛ yɛ́ tanɔ̨n ə́ li Yálá-taa, ə tɛɛ ə nąą kəlee ŋąąpɛliɛ ɓa diɛ ə́ pili ɉahanama nwɔ̨n ɉu,

Markə 10:14

Yii kɛa Jesus ə ɓɛ li kaa tii, yili ə nwąną kpɔ mą kɛnɛ̨, ə mo nwɔ kalan nɛ̨ąi diɛ, yɛ diɛ: «Ka lɛapɛlɛɛ lɛɛ laa di pa bɔ́. Ka hvo kpɛ̨ąn di tɔwɔ. Mąąhɔlɔɓo, nuąi di kɛ pələ kaa yɛ nɛapɛlɛɛ ŋɛ̨i, diɛ ɓə Yálá-taa tɔɔlaa kaa a di wɔɔ.

Ɉaan 3:4

Nikodɛmə yɛ Jesus ɓa: «Nu a pɛli ə kɛ ləi nwɔ̨nɔ̨ a nįnɛ̨ a kɛ gaa a hulɔgolo? Yaan, nee hva pɛli nwɔ̨nɔ̨ mąą koo həɠəi hvo gaa a nįnɛ̨.»

Zɔ̂ŋ Maa-ŋuŋ 5:4

hvó gaai, nui a Yálá lon, ɲee aa tɛɛ yɛnɛ̨ɛ̨ ɓa. Ɛlɛɛ, yeetɛɛmąą laai yɛnɛ̨ɛ̨ hon, ya ɓə a gu wɔɔ laa na laa.