Ɉaan 3:26 - Yálá laawoo hɛɓɛ (dc)

²⁶ Di lɛɠɛ Ɉaan ɓa, diɛ mą: «Mąąkwɛli kɛmun, nui ŋɛ̨i hiɛ ə́ mąą mɛ̨nį ɓo kuɔ Ɉurdɛn ya pulu, yáá gɔlɔn? Yaa kpɛli gaa kɛa nuą mąąwaai, ə lɛɛ, nu kpulu kɛnɛ̨ɛ̨ kaa kɛa lii pɔɔli pələ.»

Yálá laawoo hɛɓɛ

²⁶ Di lɛɠɛ Ɉaan ɓa, diɛ mą: «Mąąkwɛli kɛmun, nui ŋɛ̨i hiɛ ə́ mąą mɛ̨nį ɓo kuɔ Ɉurdɛn ya pulu, yáá gɔlɔn? Yaa kpɛli gaa kɛa nuą mąąwaai, ə lɛɛ, nu kpulu kɛnɛ̨ɛ̨ kaa kɛa lii pɔɔli pələ.»

Bible

²⁶ Nya ƃe dí pà Zɔ̂ŋ pɔ dí m̀o ma, dîyɛɛi, “Kaamɔ̂ɔ, ǹúui ka ǹyaa kakɛ Zɔdiŋ pôlui, nyii í m̀aa-sere-faa kɛ̀i, ǹyaa ká ŋi batâi kɛ̀i, ǹúui kélee kɛ́ li bɔi.”

Ɉaan 3:26 Referans Kwoze

Ɉaan 1:7

Ɉaan tii ə pa, ə kɛ a gɛɛ ponoi tii mąą kɛla hvaa ɓomun, ə gɛ, nu kəlee di laa gɛɛ ponoi tii mąą mɛ̨nį la.

Ɉaan 12:19

Farisiɛ̨ɠaa diɛ di kee ɓa: «Ka káá nąą kaai, gu hva pɛli mɛ̨nį ta kɛi, nuą kəlee daa hvilɛn bulu.»

Ɉaan 11:48

Akɛ gwa nɛɛ laa, nu kəlee kaa pai laai na, ə lɛɛ, Romə nuą kaa pai ku wɔ Yálá hee pɛlɛ́i woloi, di gu huwu pu.»

Ɉaan 1:15

Nwoo tii ɓə Ɉaan Baptistə ə kɛi mąą kɛla hvaa ɓo yɛ tómą la, yɛ kɛ mą: «Nui ŋɛ̨i ɓə ŋį́ kɛi mąą mɛ̨nį ɓo gɛ́ kɛ diɛ: ‹Gaa búlú yɛ pa, kɛlaa, bɔlɔ-pɔlɔɔi dɛɛ mą́ą́. Mąąhɔlɔɓo, ə wɔlɔ kɛ laa gɛɛ di hvo ɉɔ́lɔ́ɓo.›»

Azaya 45:23

Ŋą́ą́ gwɛla, a gbį́nįlee, mɛ̨nį hąŋąnŋąą ɓə a kulɔ ná, Vá nwóó ɲali bulu. «Nu kəlee kaa pai pui gbəlin na, nííla, nɛ̨n gəlee yɛ gwɛla a Náá.

Ɉaan 3:2

Ə pa a kpinį Jesus pɔ, yɛ mą: «Mąąkwɛli kɛmun, ku gɔlɔn kuɔ Yálá ɓə ə́ kɛ a mąąkwɛli kɛmun, mąąhɔlɔɓo, mɛ̨nįɠaai ŋɛ̨i ə́ kaa gɛi, nu hva pɛli hvo gɛ, akɛ.»

Ɉaan 1:9

Nwoo tii, ə kɛ a kɛɛ pono kpɔ-kpɔɔ, yii pa yɛnɛ̨ɛ̨, ə gɛ, ə nu kəlee mąą pono.

Maafîu 23:7

Di kaa bɔ, nu ta a kɛi di túwɔ ɓo kpɔn ɉu, ə mąą yee di kɔ́wɔ mu; yɛ kɛ diɛ: ‹Nwɔ́ mɛ̨nį nąmu!› Ə gɛ nuą di di mąąwiɛ kili kɔ́lɔn.

Ikilisiati 4:4

Ŋą́ą́ nwɔ̨nɔ̨ mɛ̨nį takpɛli kaa, ya ɓaa: Mɔ̨nɔ̨i nuą da mįi di kɛ kóló hu, gaa a tolo kulaa, ə gɛ, yii gaa gɛi, ə lɛlɛɛ ə tɛɛ mɛlaa di wɛi ɓa. Yili kaa a kpɛli-kpɛli mɛ̨nį, yɛ nu aa kɛi hvaŋą tənən dɔɔ.

Mąątɛ̨nɛ̨ 65:2

Yálá, yɛ́i Siɔn daai, ə́ mąątɛ̨nɛ̨ woo a ə́ mąą hon, ɛlɛɛ, mɛ̨nįɠaai ku naakwɛlanmo yɛ́i, kwa di kɛ.

Maafîu 23:8

Ka wɛi, mąą hvo nɛ̨ɛ̨li, kaa kɛ ka kee ɓa: ‹Nwɔ́ mɛ̨nį nąmu›, kɛlaa, ka kɛ ka kee ɓa: ‹Gááyɔwɔ.› Mąąhɔlɔɓo, mɛ̨nį nąmu tɔ̨nɔ̨ gbən mə gaa ka nwun mɛ̨i.

Ɉaan 4:1

Jesus ə gbaɠala kaa yɛ: Farisiɛ̨ɠaa daa kɛ bələ mɛ̨n, diɛ kɛ mą: Jesus kaa kalan nɛa mąąwaai yɛ tɛɛ la Ɉaan ɓa.

Ɉaan 4:2

Yaan, Jesus kpinįi hvo kɛi nuą mąąwaa, nwɔ kalan nɛai ɓə kɛi mąąwaa kɛ.

Ɉaan 4:31

Nąąlɔwai tii hu, galan nɛa di Jesus mąąnɛ̨ɛ̨ diɛ mą: «Mąąkwɛli kɛmun, kɔ̨nɔ̨n mį́į́.»

Ɉaan 5:33

Kaa nuą tɔɔ Ɉaan Baptistə pɔɔli, yaan, aa tɛ̨ą ɓo kaa.