Ɉaan 3:23 - Yálá laawoo hɛɓɛ (dc)

²³ Ɉaan yaa kpɛli yɛ nuą mąąwaa Ainɔn daai Salimə kwɛlɛ, mąąhɔlɔɓo, tɛɛ ya tamąąi kɛ laa. Nu kpulu tamąą di kɛi pa diɛ di mąąwaa.

Yálá laawoo hɛɓɛ

²³ Ɉaan yaa kpɛli yɛ nuą mąąwaa Ainɔn daai Salimə kwɛlɛ, mąąhɔlɔɓo, tɛɛ ya tamąąi kɛ laa. Nu kpulu tamąą di kɛi pa diɛ di mąąwaa.

Bible

²³ Zɔ̂ŋ ǹyaŋ e kɛ̀ batâi kɛ̂i Eenɔŋ, Saliŋ kɔlɛ ma. Kpɛ́ni fêi, yá támaa e kɛ̀ naa, ǹyaŋ ǹûai dí pà e díbatâi kɛ́.

Ɉaan 3:23 Referans Kwoze

Lukə 3:7

Nu kpulu kɛnɛ̨ ə kɛi pai Ɉaan pɔ, əgɛ, ə di mąąwaa. Ɉaan ə kɛi mo diɛ, yɛ kɛ diɛ: «Kaa yii ka wɔ mɛ̨nį ɲɔ̨nwɔ̨ɔ̨ ŋɛ̨i yɛ tumo kwəi lonni, gbɛɛ ɓə kɛ kaa ka pu ka həɠə Yálá nwɔ liiɲąnwanąąi ŋɛ̨i pai dɔwɔ?

Izikiɛ 43:2

Ŋą́ Israɛlə nwɔ Yálá nwɔ mąąwiɛlaa kaa, yɛ həɠə voló kulɔi pələ, yɛ pa a din gɛnɛ̨ɛ, yɛ ya hvɛɛ tin. Lɔi mɛ̨i ə pɔ̨nɔ̨ a nwɔ mąąwiɛlaa.

Izikiɛ 19:10

Ə́ lee ə kɛ yɛ viɲə kpɔmɔ, yii di ɉin tɛɛ ya kwɛlɛ; ə kɛi ɓa, naa hu wiaa, mąąhɔlɔɓo ya kɛnɛ̨i kɛ mą.

Ɉeremi 51:13

Yɛ́i heeni yákpɛa kpɛaɠaa kwɛlɛ, ə́ yee laa hvɛɛ hɛn gɔw hu, ə́ wɔ yɛnɛ̨ɛ̨ aa kpɛɛ. Yáá ə́ tɔ̨nɔ̨ kəlee hɔlɔɓo.

Samuɛlə dɔlɔɔ 9:4

Di Ɛfraimə yeeɠaa hu hiɛ, di Salisa lɔi hu hiɛ, di Saalimə lɔi hu hiɛ, di hvo ɉoohvaalənŋaa kaa. Di Bɛnɉamɛn lɔi hu hiɛ di hvo di kaa.

Zɛnɛse 33:18

Həɠəi Ɉakɔbə ə mo Aramə, ə pa a gɔlɔi pɔ̨nɔ̨ɔ̨, ə hee Sisɛmə daai, Kanaan lɔi hu. Hvo hee daai leelee, ə hee nąą kwɛlɛ.

M̀ɛni-lɛɛi 19:6

Ɛlɛɛ, ŋį́ nuą huluun nwoo mɛ̨n, ə ɓo yɛ yálee kpɛa-kpɛaa huluun dín, ɛlɛɛ, ə ɓo yɛ tulɔ tuwɔ tín gɛnɛ̨ɛ̨, diɛ kɛ mą: «Kánįkookwəi! Mąąwiɛ, Hééɓó kəlee Nąmu, ku wɔɔ Yálá Huwalawala Kəlee Nąmu, aa nwɔ tɔɔlaai too pono ɲą.

M̀ɛni-lɛɛi 14:2

Ɛlɛɛ, ŋą́ woo ta mɛ̨n yɛ həɠə yələ kwəi, yɛ yálee kɛnɛ̨ huluun din, yɛ tulɔ tuwɔ tin gɛnɛ̨, ɛlɛɛ, nwooi tii ŋą́ mɛ̨n, ə kɛ yɛ hvɛ́li kɛ nuą da di yee pu di wɔɔ gwɛnįnŋaai ɲą, diɛ ɲɔw.

M̀ɛni-lɛɛi 1:15

gɔwɔɠaa diɛ ɓo yɛ da ɓala-kwɛli hu waa a huluun nwɔ̨n, ɛlɛɛ, nwoo ə ɓo yɛ gboloyá huluun dín.

Ɉaan 3:22

Yili pulu, Jesus da nwɔ kalan nɛai də li Ɉude lɔi hu, di hvoló ta wolo kɛ laa da diɛni, yɛ nuą mąąwaa.

Ɉaan 3:24

Yaan, nąąlɔwai, di hvo ni kɛ Ɉaan too li gaho ŋą.