Ɉaan 21:3 - Yálá laawoo hɛɓɛ (dc)

³ Simɔn Piɛrə yɛ diɛ: «Gáá lii hɔ̨nwɔ̨lee kpɛi.» Diɛ kpɛli diɛ mą: «Gu kəlee ɓə lii.» Di li, di tɛ kələn da hu; di yii kpɔ hɔ̨nwɔ̨lee kpɛi, di hvo hɛn da hɔlɔɓo.

Yálá laawoo hɛɓɛ

³ Simɔn Piɛrə yɛ diɛ: «Gáá lii hɔ̨nwɔ̨lee kpɛi.» Diɛ kpɛli diɛ mą: «Gu kəlee ɓə lii.» Di li, di tɛ kələn da hu; di yii kpɔ hɔ̨nwɔ̨lee kpɛi, di hvo hɛn da hɔlɔɓo.

Bible

³ Samaŋ Pitɛ e mò dîa, ǹyɛɛi, “Ŋa liî nyɛ̃ɛ kpɛ̂i.” Dí mò ma, dîyɛɛi, “Kwa kâa-ni kwa liî.” Dí lì dí píli géleŋ su. Kɛ́lɛ, maa-kpinii ti dífe sɛŋ da kélee soŋ ni.

Ɉaan 21:3 Referans Kwoze

Lukə 5:5

Simɔn ə nwoo pulu pənə yɛ mą: «Kalamɔ̨ɔ̨, ku háá yii kpɔ ku ɲɛ̨i ɓa, kuɔ hɔ̨nwɔ̨lee kpɛ; kɛlaa, ku hvo hɛn nɔpee ta hɔlɔɓo. Kɛlaa, ə́ woo tii mąą mɛ̨nį ɓa, gáá diŋɛ̨n bilii.»

Tɛsalonikə dɔlɔɔ 2:9

Ną́n nonnii, bələi ku kólo kɛ la, ku hvįi yɛ kpɛɛ, ka kili kaa yili hu; ku kɛli kóló kɛ a kpinį da hvóló, ə gɛ, ku hvo pa kɛ ká ta nwuɔ̨ a tįɛ̨, ɓɛlɔwai ku Yálá ŋą wɛlɛɛ lɛlɛɛ laa həli la káá.

Korɛntə dɔlɔɔ 3:7

Yili ɓa, nui ɉin hvo a hɛn da, nui nwɔ̨nɔ̨ ɲá pu mą, hvo a hɛn da, Yálá yaa tanɔ̨n lɔ ɓə naa kaa mą, yai gɛ, yɛ kɛnɛ̨.

Korɛntə dɔlɔɔ 9:6

A wala kɛ tii, ɲą́ą́ dɔnɔ̨ lɔ kwa Barnabasə ɓə ku laa hva pɛli kulɔi kolo hu?

Gɛlaɠaa 20:34

Káá kpinįilee ka gɔlɔn kaa diɛ, ŋį́ kólo kɛ a gbɔwɔ yee, ə gɛ, yii a ku mąąkpaan gbɛɛ kwa mɛlaani, ku ɉɔlɔɓo.

Gɛlaɠaa 18:3

Ɛlɛɛ, da Polə ni di kɛ kóló ə kɛ tanɔ̨n, di kɛ a həɠə-pɛlɛ́ pala nuą. Polə ə lɛɛ yiliɠaai pɔɔli da yaa diɛ kólo kɛ gee ɓa.

Ɉaan 21:4

Yələ wala pɔ, Jesus ə kɛ tɔɔni gahin ŋą. Kɛlaa, galan nɛa di hvo kɛ gɔlɔn diɛ kɛ Jesus li.