Bib sou entènèt

Ɉaan 21:17 - Yálá laawoo hɛɓɛ (dc)

¹⁷ Ɉaaɓanąą, yɛ mą: «Simɔn Ɉaan lon, nwɛ́li kaa yɛ́?» Piɛrə kwəi hvo nɛ̨ɛ̨, mąąhɔlɔɓo, Jesus aa mąąnikɛ gee mɛ̨i hveelɛ, ɉaaɓanąą ka ti, yɛ kɛ mą: «Nwɛ́li kaa yɛ́?» Simɔn ə Jesus woo pulu pənə yɛ mą: «Ną́mu, ə́ mɛ̨nį kəlee kpaɠala kɔ́lɔn, ə́ gɔlɔn gbɔ yɛ́ diɛ, ə́ wɛli kaa mą́ą́.» Jesus yɛ mą: «Nwɔ́ ɓɛlaaɠaai laahɔnmo.»

Gade chapit la Kopi

Yálá laawoo hɛɓɛ

¹⁷ Ɉaaɓanąą, yɛ mą: «Simɔn Ɉaan lon, nwɛ́li kaa yɛ́?» Piɛrə kwəi hvo nɛ̨ɛ̨, mąąhɔlɔɓo, Jesus aa mąąnikɛ gee mɛ̨i hveelɛ, ɉaaɓanąą ka ti, yɛ kɛ mą: «Nwɛ́li kaa yɛ́?» Simɔn ə Jesus woo pulu pənə yɛ mą: «Ną́mu, ə́ mɛ̨nį kəlee kpaɠala kɔ́lɔn, ə́ gɔlɔn gbɔ yɛ́ diɛ, ə́ wɛli kaa mą́ą́.» Jesus yɛ mą: «Nwɔ́ ɓɛlaaɠaai laahɔnmo.»

Gade chapit la Kopi

Bible

¹⁷ E mò ŋɔ́nɔ ma a zaaƃa-ɣelei, ǹyɛɛi, “Samaŋ, Zɔ̂ŋ ǹóŋ, í ŋ́wɛli ni?” Pitɛ malôŋ e tòo ma, kpɛ́ni fêi, e m̀arê kɛ̀ a zaaƃa-ɣelei, ǹyɛɛ ma, “Í ŋ́wɛli ni?” Nya ƃe e mò ma, ǹyɛɛi, “Ŋánuu-namui, í mɛni kélee kɔ́lɔŋ; í gɔ́lɔŋ a gɛɛ ŋá íwɛli ni.” Zîsɛ e mò ma, nyɛɛi, “Ŋáƃala-ŋai ŋá kɔ́ŋ.

Gade chapit la Kopi

tounen moute ⬆

Ɉaan 21:17
40 Referans Kwoze

Ɉaan 13:38

Jesus yɛ mą: «Ya pɛli kpɔ ə́ haa mą́ą́ mɛ̨nį ɓa a tɛ̨ą! Gáá tɛ̨ą ɓoi yɛ, ə́ kaa pai lənəi mą́ą́ gee mɛ̨i haaɓa gɛɛ tɛ́ɛ́ hvo nwoo pili.»

Markə 14:72

Ɲąąɓa, tɛ́ɛ́ ə nwoo pili a veelɛnąą a yələ ɓɔi lɔwai. Piɛrə ə giliŋąhiɛ, Jesus woo nąą kili ə too ŋą, yaa tii ə kɛ mąą: «Gɛɛ tɛɛ hvo nwoo pili gee mɛ̨i hveelɛ, ə́ kaa pai lənəi mą́ą́ gee mɛ̨i haaɓa.» Nąąlɔwai, Piɛrə ə wɔlɔ kpɔ a nąą mąąwɛliɛɛ.

Ɉaan 16:30

Kwaa gɔlɔn gɛa, kuɔ, Ə́ mɛ̨nį kəlee kɔ́lɔn, nu ta nwɔ mąąni kɛ hvo kɛa yɛ́, yili ɓə gɛi kwaa laa na kuɔ ə́ həɠə Yálá pɔ.»

M̀ɛni-lɛɛi 2:23

Nonnii di wɛi, gáá pai di kɛlɛi a haa; ɛlɛɛ, gbɔn gəlee kaa pai gbaɠala kaa, diɛ kɛ, Ɲą́ą́ ɓə ŋą́, nu kwəi mɛ̨nį da nii hu mɛ̨nįɠaa kaa, ɛlɛɛ, ŋą́ ká tɛitɛi ká hvɛla kulɔ yɛ bələi ká tuwɔ la.

Ifisiɛŋ 4:30

'Ká hvo Kili-Mąąhəɠɛɛ liikələn gwəi, yai Yálá ə gɔlɔn ɉii kɛ la káá, káá ká nwun mąąɓo yələ mąąkpɔn na.

Gɛlaɠaa 15:8

Yálái a nu lii hu mɛ̨nį kaa, ə tɔɔ di pulu, a Kili-Mąąhəɠɛɛ tɛɛi ə mo di pɔ yɛ bələi ə dɛɛ la gu pɔ.

Ɉaan 15:10

Akɛ ka nwɔ́ liɛwooɠaai pɔ mɛ̨nį kɛi, ka ka pai lɛɛi nwɔ́ wɛlikɛmąąlaa hu.

Ɉaan 14:15

«Akɛ ka nwɛ́li la kɛ, ka nwɔ liɛwooɠaa hon,

Mąątɛ̨nɛ̨ 17:3

Yá gwə́i kili kaa, ə mą kɛ, kpinįi ɓə, yá búlú kwɛli; yáá ɉú kɔ́ɔn, hvó mɛ̨nį ta kaa li. Gɛɛ kíliŋąhiɛ hvo too mą́ą́, yáá mąn gɔlɔn.

Piɛrə veelɛ 3:1

Nwɛ́li kɛ mąą nuą, Ɉɛɓɛ́i ti ŋį́ dɛɛ kaa veelɛ kɛɛnąą ka ŋɛ̨i. Ɉɛɓɛ́ hveelɛi ti hu, galanŋąa ŋɛ̨i gáá naa kilitooi ka ŋą, gáá gɛi ti, ə gɛ, ŋį́ ka wɔ kiliŋąhiɛ ɲɛ̨ilaa ɓo.

Piɛrə dɔlɔɔ 1:6

Ɛlɛɛ nwɔ̨nɔ̨, 'ká pili yələi a kwəinɛ̨ɛ̨, ə mą kɛ, di kaa ká mɔ̨nɔ̨ɓoi lɔwai logolo yee mu, a hukɔɔn mɛ̨nįɠaa,

Korɛntə veelɛ 1:12

Ku ɲɛ̨i pono mɛ̨nį ɓaa, ku kwəi kili ŋą kɛla wooi a mo kuɔ, ya ɓaa: Ku túwɔ́ yɛnɛ̨ɛ̨ hu, gəlee ə mą kɛ ləi, ká mąą mɛ̨nį hu, a kwəi kwələlaa da mąąhəɠəlaai a həɠə Yálá pɔ, hvo kɛli kɛ a nu kan ŋą kilikɛɲəi laa, kɛlaa, ə kɛ a Yálá ŋą nɛ̨ɛ̨laa.

Gɛlaɠaa 1:24

Yili pulu, nuą kəlee di bɛlɛ gee ɓa di Yálá hvɛli, diɛ kɛ mą: «Ną́mu Yálá, yɛ́i ə nu lii hu mɛ̨nį kɔ́lɔn, nu hveelɛi ŋɛ̨i, dɔ̨nɔ̨ həɠə ɉu,

Ɉaan 18:27

Piɛrə ə lənə nwɔ̨nɔ̨ mą a nįnɛ̨. Nąąlɔwai tii tɛ́ɛ́ tɔlɔɔ ə nwoo pili.

Ɉaan 18:4

Mɛ̨nį kɛi pa həli Jesus ɓa, kɛi ə mo a gɔlɔn ŋąąi, ə mąą lɛɠɛ diɛ, yɛ diɛ: «'Gbɛɛ ɓə ka káá gwɛli?»

Ɉaan 12:8

Yee howolo nuą, di kaa pai kɛi ka lɔwai a yələ kəlee, kɛlaa, nwɛ́i, və́ pai kɛi ka pɔ a yələ kəlee.»

Maafîu 25:40

«Tɔɔmun a mo kɛa diɛ yɛ diɛ: ‹Gáá moi kaa a tɛ̨ą, ɓɛlɔwai lɔpee ka kɛi mɛ̨nįɠaa tii ta kɛ la nwɔ́ lɛapɛlɛɛɠaa ŋɛ̨i ta ɓai, ɲą́ą́ ka tii ka kɛi gɛ mą́ą́.›

Woolaa 3:33

Yai-Laa kwəinɛ̨ɛ̨ mɛ̨ni hvaa yɛ a nuą nwumɛ̨ɛ̨, ɛlɛɛ, yɛ mɔ̨nɔ̨ laa di mɛ̨i.

Ɉeremi 17:10

Ɲą́ą́ Yai-Laa, ɲą́ą́ ɓə ŋį́ nu kwəi kiliŋąhiɛɠaa hu kaa, gɛ́ gwəi kili hu kpɛ. Ŋą́ nu kəlee hvɛla kulɔ yɛ bələi a túwɔ́ la. Yɛ bələi gɛ pələ kaa la.

Kɔlɔnikɔ Maa-ŋuŋ 29:17

Ną́mu Yálá, gbaɠala kaa mą́ą́, gɛ́: Yá nu kwəi kaa, kwəi kwələlaa yɛ Ə́ lii hon, nwɛ́i, ŋą́ą́ ɉɛnŋąąi tii kəlee tɛɛ kpɔ Ə́ pɔ gbɔ́wɔ́ ɓa, ɛlɛɛ a gwə́inɛ̨ɛ̨. Ya ka nwɔ̨nɔ̨, gáá ə́ nwɔ nuąi ŋɛ̨i ɓɛ di kaai, diɛ pa Ə́ pɔ di kpɔwɔ ɓa a mɛ̨inɛ̨ɛ̨ɠaa.

Tɔɔɓɛlaa dɔlɔɔ 17:18

Nokoloi nee yɛ Eli ɓa: «Yálá nwɔ nu! Lə mɛ̨nį ɓə gwa yɛ́ gu lɔwai? Ə́ lɔ ɲə́i bɛlɛ́n nwɔ́ nɛ̨ŋɛ̨nŋąą kili too mɛ̨nį ɓa Yálá ŋą, da nón nwun napili mɛ̨nį?»

Zasua 22:22

«Yáláɠaa di wɔ Yálá, yii gaa a Hɛn gəlee Nąmu Yálá, gbaɠala kaa mą, ɛlɛɛ, mąąnɛ̨ɛ̨ Israɛlə nuą kəlee di gbaɠala kaa, akɛ kwɛli tee laa ɓə ŋɛ̨i ku ka gulɔi, awala kɛ tii, akɛ ku kulɔ mɛ̨nį Yai-Laa pɔ ɓə ku yii kɛ la; ku nwun və kulɔ ɉu háákələi.

M̀ɛni-lɛɛi 3:19

Nwɛ́i, nui nwɛli kaa mą́ą́, ya ɓə ŋą́ ɉɔn doo mą, gɛ́ ɉutɔɔ. 'Tɔɔ kani a ə́ nwąnąi, ə́ ə́ tuwɔ pələ mąąhvalin!

Samia Veerɛi 7:20

Lə kpɔ ɓə nwɔ̨nɔ̨ Davidə a pɛli mo yɛ́? Yɛ́i a Ną́mu Yálá, ə́ ə́ wɔ tímun gɔlɔn.

Ɉaan 21:18

Jesus yɛ mą: «Gáá moi yɛ́ a tɛ̨ą, ɓɛlɔwai ə́ kɛ la a hulɔnon, ə́ kɛi yala tɔɔ, ɓɛi lɔpee ya kɛ bɔ, yɛ li laa, kɛlaa, ya pa pɔlɔi, ə́ kaa pai ə́ yee haŋąi, nu takpɛli ə yala tɔɔ ə́ hąą, ɓɛi hvo bɔ, yɛ li laa a yɛ́.»

Kɔlɔnikɔ Maa-ŋuŋ 17:18

Mɛlɛ kɛnɛ̨i ŋɛ̨i Yáá gɛ Ə́ nwɔ tímun ma, lə kpɔ ɓə ɲą́ą́ Davidə, ŋą́ pɛli moi Yɛ́! Yɛ́n, ə́ ə́ wɔ tímun gɔlɔn.

Ɉaan 4:16

Jesus yɛ mą: «'Li ə́í hilɛ təli ka yaa ka pa ɓɛ.»

Gɛlaɠaa 11:10

Ə gɛi kɛ ti geemɛ̨i haaɓa, yili pulu ə pənə ə tɛ.

Swiv nou:

Lyen patwone

Piblisite

Piblisite