Ɉaan 21:16 - Yálá laawoo hɛɓɛ (dc)

¹⁶ Veelɛnąą, Jesus yɛ Simɔn ɓa: «Simɔn Ɉaan lon, nwɛ́li kaa yɛ́?» Simɔn yɛ mą: «Oowei! Ną́mu ə́ gɔlɔn gbɔ yɛ́ ə́ wɛli kaa mą́ą́.» Jesus yɛ mą: «Kɛ́ a nwɔ́ ɓɛlaaɠaa mɛ̨i kaamun.»

Yálá laawoo hɛɓɛ

¹⁶ Veelɛnąą, Jesus yɛ Simɔn ɓa: «Simɔn Ɉaan lon, nwɛ́li kaa yɛ́?» Simɔn yɛ mą: «Oowei! Ną́mu ə́ gɔlɔn gbɔ yɛ́ ə́ wɛli kaa mą́ą́.» Jesus yɛ mą: «Kɛ́ a nwɔ́ ɓɛlaaɠaa mɛ̨i kaamun.»

Bible

¹⁶ E mò ma, ǹyɛɛi “Ŋáƃala-loŋ-ŋai ŋá kɔ́ŋ.” Veerɛ-ɣelei e mò ma, ǹyɛɛi, “Samaŋ, Zɔ̂ŋ ǹóŋ, í ŋ́wɛli ni?” E mò ma, ǹyɛɛi, “Ooei, Ŋánuu-namui; í gɔ́lɔŋ a gɛɛ ŋá íwɛli ni.” E mò ma, ǹyɛɛi, “Ŋáƃala-ŋai mɛi káa.”

Ɉaan 21:16 Referans Kwoze

Gɛlaɠaa 20:28

'Ka ká kpɔɔ mɛ̨i kaa, nu kpului ŋɛ̨i Kili-Mąąhəɠɛɛ aa ká hee a mɛ̨i kaa nuą, 'ka ká kili kɛ ɉu, 'ká gbɔn ɲąąkɔn a nɛlɛɛ, yai ə ɲá a gbɔkpɔɔ ɲąmąi.

Piɛrə dɔlɔɔ 5:2

'Ká Yálá ŋą kpɔn ŋɛ̨i ə galihvaɓo káá, 'ká mɛ̨i kaa a nɛlɛɛ, 'ká hvo gɛ a yee tɔɔ gwąną mɛ̨nį, kɛlaa, ká gɛ a kwəinɛ̨ɛ̨, yɛ bələi Yálá kaa la bɔ, 'ká hvo gɛ yɛ kaa kɛi tɔ̨nɔ̨ kwɛli, ká gɛ liinɛ̨ɛ̨ gwəi laa hu.

Piɛrə dɔlɔɔ 2:25

Mąąhɔlɔɓo, ká kəlee ká lanŋąąi kɛ yɛ ɓɛlaaɠaa, kɛlaa yiihu kɛa, káá ká ɲɛ̨i tínɛ̨n ká mɛ̨ikaamun bɔ pələ, yai a ɲɛ̨i kɛ ká nįiɠaa diɛ.

Mąątɛ̨nɛ̨ 100:3

'Ka gɔ́lɔn kaa, Yai-Laa ɓə a gu wɔ Yálá, Ya ɓə gu pɛli, bɔɔ ɓaa a guɔ, gu ɓo a nwɔ nu huwu, a ɲəi gwɛnąn ɉu taatɛlɛɛ.

Mąątɛ̨nɛ̨ 95:7

Mąąhɔlɔɓo gu wɔ Yálá li, gu kaa a nu huwui a ɲąąkɔn, a daatɛlɛɛ kpului a ɲɛ̨i kɛ mą. Əgɛ, háákələi, ka nwoo mɛ̨n, 'ka bɔ mɛ̨nį kɛ!

Hebreu 13:20

Yálá ɓə a liilaa tɛɛ gu pɔ; yai, gu Ną́mu Jesus, mɛlaa-pulumun gɛnɛ̨ɛ̨ nwun ə gulɔ haa yəi, ŋą haláá ɲąmąi haláái, mįnɛ̨ nįnɛ̨ kaa gwa Yálá ni gu lɔwai kpɛɛ hvo mą,

Ɉaan 18:25

Nąąlɔwai tii hu, Simɔn Piɛrə ə kɛ laa, yɛ gɔlɔɓo. Di mąąni kɛ diɛ mą: «Akɛti, yɛ kpɛli nwɔ kalan non ta hvaa a yɛ́?» Piɛrə ə lənə mą yɛ diɛ: «Da hvaa a ɲą́ą́.»

Ɉaan 18:17

Nɛ̨ɛ̨nui tii yɛ Piɛrə ɓa: «Yɛ́ kpɛli, kɛlɛi ə́ kaa yɛ ɉulɔnui ŋɛ̨i nwɔ kalan non ta?» Piɛrə yɛ mą: «Da hvaa ɲą́ą́.»

Lukə 19:10

Nuą yiiɠaai di piliɛ kɛ, Nu Lon ə pa di kwɛli mɛ̨nį ɓa, əgɛ, di ɓalo.»

Maafîu 26:72

Piɛrə ə pənə ə gwɛla, yɛ diɛ: «Nui tii ka káá naa ɓoi, və́ kpɔ gɔlɔn.»

Maafîu 25:32

yɛnɛ̨ɛ̨ nuą kəlee di kaa pai di ɲąąkpɔn ɉii nií la, a di ɓɛlaɓo ɉu a kpulu heei hveelɛ yɛ pələi taa-təlɛɛ nąmu a ɓooliɠaa da ɓɛlaaɠaa di ɓɛlaɓo la.

Maafîu 2:6

«‹Yɛ́ Bɛtleɛmə taa, hvo ɓaa taa logolo Ɉuda daa kpɛa-kpɛaɠaa lɔwai. Mąąhɔlɔɓo, tɔɔmun da kaa pai kulɔi ə́ hu, yii a tɔɔ Israɛlə nwɔ́ nu huwui ɲɛ̨itɔwɔ.›»

Zakari 13:7

Yai-Laa Mɛ̨nį Kəlee ŋą Hééɓomun woo ka, yɛ: Kɔ-kɔ ɓɔwa, 'ə́ muhəɠə nwɔ́ ɓɛlaa pulumun pɔ, a mɛ́lanmun nwalaai tii. Daatɛlɛɛ pulu mun, 'gɛlɛ, mɛlaahaaɠaa di taɠa. Ɲéé kaa pai yálii bulu, yɛ bɛlɛɛ pɛlɛɛɠaa kɛlɛ.

M̀ɛni-lɛɛi 7:17

Gbala ə tɔɔ, Mɛlaa Lon tii dɔɔkpəlin ɉu, ya ɓə pai kɛi a di mɛ̨i kaamun, a tɔɔ di tɔwɔ, ə li a diɛ yá ton gulɔi. Ɛlɛɛ, Yálá a di ɲɛ̨iyá kələ di ɲɛ̨i.»

Ɉaan 21:17

Ɉaaɓanąą, yɛ mą: «Simɔn Ɉaan lon, nwɛ́li kaa yɛ́?» Piɛrə kwəi hvo nɛ̨ɛ̨, mąąhɔlɔɓo, Jesus aa mąąnikɛ gee mɛ̨i hveelɛ, ɉaaɓanąą ka ti, yɛ kɛ mą: «Nwɛ́li kaa yɛ́?» Simɔn ə Jesus woo pulu pənə yɛ mą: «Ną́mu, ə́ mɛ̨nį kəlee kpaɠala kɔ́lɔn, ə́ gɔlɔn gbɔ yɛ́ diɛ, ə́ wɛli kaa mą́ą́.» Jesus yɛ mą: «Nwɔ́ ɓɛlaaɠaai laahɔnmo.»