Ɉaan 20:16 - Yálá laawoo hɛɓɛ (dc)

¹⁶ Jesus yɛ mą: «Mari!» Mari ə tinɛ̨n yɛ Jesus ɓa Ɉuifə woo hu: «Rabuni» mukulaa ɓaa: Mąąkwɛli kɛmun.

Yálá laawoo hɛɓɛ

¹⁶ Jesus yɛ mą: «Mari!» Mari ə tinɛ̨n yɛ Jesus ɓa Ɉuifə woo hu: «Rabuni» mukulaa ɓaa: Mąąkwɛli kɛmun.

Bible

¹⁶ Zîsɛ e mò ma, ǹyɛɛi, “Mere.” E tìnaŋ e m̀o Zîsɛ ma Ibulu-wooi su, ǹyɛɛi, “Laƃônii!” (nyii zu-kulâi ƃa Kaamɔ̂ɔ).

Ɉaan 20:16 Referans Kwoze

Ɉaan 10:3

Nui gaa heeni gala laaləi yɛ naa mɛ̨i kaa, a gala laa ɓo mɛlaa mɛ̨i kaa mun dɔwɔ. Mɛlaaɠaa da di mɛ̨i kaa mun nwoo mɛ̨n, ə lɛɛ a nwɔ ɓɛlaa kəlee təli a di laa, di hvilɛn bulu.

Ɉaan 1:38

Jesus ə di kaa di hvilɛn ŋąą bulu, yɛ diɛ: «Lə ɓə ka káá gwɛli?» Di nwoo pulu pənə diɛ mą: «Rabi, (yili mukulaa ɓaa: kalamɔ̨ɔ̨) mįnɛ̨ ɓə ə́ kaa laa?»

Gɛlaɠaa 10:3

Yələ ta, hvóló mąąlaa, ə malaka ta kaa a mąą ponɔɔ, ə lɔ ɲəi bɛlɛ́n, ə dəli, yɛ mą: «Kɔrnɛyɛ!»

Gɛlaɠaa 9:4

Solə ə too nɔi ɓa, ə woo ta mɛ̨n yɛ kɛ mą: «Solə! Solə! Lə mɛ̨nį ɓa ə́ kaa mɔ̨nɔ̨ɓoi?»

Ɉaan 6:25

Yii kɛa di Jesus kaa ɲa pulu pələ, diɛ mą: «Mąąkwɛli kɛmun, mįnɛ̨ lɔwai ɓə ə́ paa la ɓɛ?»

Azaya 43:1

Kɛlaa, mɛ̨nįi Yai-Laa kaa moi yiihu, ya ka, A yai ə́ pɛli Ɉakɔbə, yai ə́ kɛ yɛnɛ̨ɛ̨ Isarɛlə, yɛ: 'Hvó ɲɔw, mąąhɔlɔɓo, ŋą́ą́ ɓə ə́ nwun mąąɓo, gɛ́ ə́ təli a ə́ laa, Ɲą́ą́ ɓə bɔ́ɔ́ ɓaa a yɛ́.

Zɛnɛse 22:11

Kɛlaa, Yai-Laa nwɔ malaka ə lɛɛ yələ, ə Abrahamə təli, yɛ mą: «Abrahamə! Abrahamə!» Abrahamə yɛ mą: «Ną́mu, ɲą́ą́ ka, nwə́li tɔɔi.»

Ɉaan 20:28

Tomasə yɛ Jesus ɓa: «Ną́mu da nwɔ́ Yálá.»

Ɉaan 13:13

Ka kɛ kɛi mą́ą́ ‹Mąąkwɛli kɛmun› da ‹Ną́mu›, ka kɛ moi a nɛlɛɛ, mąąhɔlɔɓo, ɲą́ą́ ɓə.

Ɉaan 11:28

Yili pulu, Martə ə li ə Mari təli ə mo mą loo hu yɛ mą: «Mąąkwɛli kɛmun aa pa, yɛ ə́ pa.»

Ɉaan 5:2

Ɉįį tii kɛ Ɉerusalɛmə taa ɓa, naaləi ta ə kɛ laa, diɛ kɛ naa ɓa: ɓɛlaaɠaa lɔi. Gɛɛnąąi tii tənə ma, powa ta ə kɛ laa, diɛ kɛ mą: Ɉuifə woo hu: Bɛtzata.

Ɉaan 3:2

Ə pa a kpinį Jesus pɔ, yɛ mą: «Mąąkwɛli kɛmun, ku gɔlɔn kuɔ Yálá ɓə ə́ kɛ a mąąkwɛli kɛmun, mąąhɔlɔɓo, mɛ̨nįɠaai ŋɛ̨i ə́ kaa gɛi, nu hva pɛli hvo gɛ, akɛ.»

Ɉaan 1:49

Natanaɛlə ə pənə yɛ mą: «Mąąkwɛli kɛmun, ə́ kaa a Yálá Lon, yɛ ɓo a Israɛlə tɔɔmun.»

Lukə 10:41

Ną́mu Jesus ə nwoo pulu pənə yɛ mą: «Martə, Martə, yaa ə́ liihɛlɛn a mɛ̨nį tamąą; ə lɛɛ, ə́ kpaaŋąa yili hu.

Maafîu 14:27

Ŋąąɓa Jesus ə mo diɛ yɛ diɛ: «'Ka hvo ɲɔ̨w, ka ka liilaa; ɲą́ą́ ka tii!»

Wɛli 5:2

Ɲɛ̨́i pɛlɛɛ kɛ mą, Kɛlaa və́ kɛi yíi, ŋą́ nwɛ́likɛmąąmun tin mɛ̨n, yɛ gbon gɛlɛ, yɛ kɛ mą́ą́: Oo níiɓa nɛ̨ɛ̨non! Nwɔ́ wɛli! Nwɔ́ tonwələn gbɔlu! Ɲə́i hɛn gɔw! Nwɔ́ mɛ̨nį laahvɛɛ kəlee; Nwúɔ̨ yɔwɔɔ nii a yələɓɔi bɔ nąnąąn, nɛɲá hɛlɛn ŋąą ni nwún nəɠa ɓa.

Wɛli 3:4

Ŋą́ lɛɛ kpɔlɔ tɛɛi diɛ, nui mąą mɛ̨nį lɔɔ níí mu, gɛ́ gaa; ŋą́ą́ mą wolo mą, ŋą́ą́ ɉon a ɲee. Vá kpɔ ɓo mą, yii kpɔ və́ ni lɔ li la néé yəi bɛlɛ́n, ɓɛi ŋɛ̨i di mą́ą́ kóó həɠə laai.

Samuɛlə dɔlɔɔ 3:10

Yai-Laa ə pa, ə tɔɔ Samuɛlə lííla, ə dəli yɛ bələi ə kɛi yiiɠaa tii kɛ la, yɛ mą: «Samuɛlə! Samuɛlə!» Samuɛlə yɛ mą: «Ną́mu, yii yɛ́ mo mą́ą́, mo; yɛ́ luwɔ hilɛ wəli tɔɔi.»

Samuɛlə dɔlɔɔ 3:6

Yai-Laa ə pənə nwɔ̨nɔ̨ ə Samuɛlə təli, Samuɛlə ə muhəɠə ə li Eli pɔ, yɛ mą: «Də́lii ə mo, ŋą́ą́ pa.» Yili ə nwoo pulu pənə yɛ mą: «Və́ ə́ tə li li nón, pənə ə́ li ə́ laa.»

Lɛɛ gbɔwɔ ɓa 33:17

Yai-Laa yɛ Moisə ɓa: «Mɛ̨nįi ŋɛ̨i ə́ mo, gáá pai gɛi ti, mąąhɔlɔɓo, yáá níí hon, ɛlɛɛ, Ŋą́ ə́ kɔ́lɔn a ə́ laa.»

Lɛɛ gbɔwɔ ɓa 3:4

Yii kɛa Yai-Laa ə gaa, yɛ Moisə kaa pai gɛɛnąą tii, ə dəli nwɔ̨n nən ɉu, yɛ mą: «Moisə! Moisə!» Yili yɛ mą: «Ɲą́ą́ ka!»

Zɛnɛse 45:12

Ɉosɛfə yɛ nwɔ̨nɔ̨ diɛ: «Kaa kpinįi kaa gáá a ka ɲɛ̨ikɔw, Bɛnɉamɛn yɛ́ kpinįi yaa gáá a ə́ ɲɛ̨ikɔw, ɲą́ą́ Ɉosɛfə ə́ liɛ, ɲą́ą́ ka tii mɛ̨nį ɓoi yɛ́.

Zɛnɛse 22:1

Ɓɛlɔwai Isaakə ə kɛnɛ̨ la, Yálá ə Abrahamə hukɔɔn. Nąąlɔwai, Yálá ə Abrahamə təli, yɛ mą: «Abrahamə!» Abrahamə ə nwoo ŋąąpənə, yɛ mą: «Ną́mu, ɲą́ą́ kaa, nwɛ́li tɔɔi.»

Markə 10:51

Jesus yɛ, mą: «Lə ɓə ə́ kaa bɔ ŋį́ gɛ yɛ́?» Ɲɛ̨ipumun tii, yɛ mą: «Ną́mu, gáá bɔ ɲɛ̨́i ə hvólóon.»