Ɉaan 20:1 - Yálá laawoo hɛɓɛ (dc)

¹ Nɔwɔ kuu voló tɔlɔɔ yələ, yələ ɓoi lɔwai, kɛɛ yɛ ɓo ni hvili-hvili, Mari Magdala mun ə li Jesus kámą la. Ə gwɛni kaa ɉəɠɛɛ gámą laaləi,

Yálá laawoo hɛɓɛ

¹ Nɔwɔ kuu voló tɔlɔɔ yələ, yələ ɓoi lɔwai, kɛɛ yɛ ɓo ni hvili-hvili, Mari Magdala mun ə li Jesus kámą la. Ə gwɛni kaa ɉəɠɛɛ gámą laaləi,

Bible

¹ Ŋ̀ele-kûui duɛ-tuɛi ma nɔɔkuui su, Mere Madalini è pà m̀olôŋ lá a ɣele-wâla pɛ-pɛ, tãi kpíni è kɛ̀ a bɛlɛɛ niî lai, è gàa a gɛɛ da vɛ̃ɛ-ƃelai kúla m̀olôŋ lá.

Ɉaan 20:1 Referans Kwoze

Markə 16:9

Jesus nwun ŋąą ə kulɔ haaɓɛlaa lɔwai, nɔwɔ hu voló tɔlɔɔ a ɉimahi yələ yələwala pɔ, ə kulɔ ponoŋa Mari Magdala daai mun mą; yaa ŋɛ̨i aa kɛ ɲinɛn mɛ̨ihveelɛ kpɛ bului.

Maafîu 27:60

gbɔwɔ kámąi ŋɛ̨i ə dee, nąą ɓə ə noo laa: Yii di hvo nii kɛ nu ta loo li ɉu. Yili pulu, di kwɛni kpuwulu kɛnɛ̨ kiliɠilin di dɔɔ gámą la.

Markə 15:46

Ɉosɛfə ə həɠə kwəlɛɛ ya, ə Jesus powa kulɔ kolɔwa ɓa ə mąą kpinįn gɛ la; gbɔwɔ kpinį kámąi kɛ aa dee kwɛni wolo hu, ə li ə Jesus laa ɉu, ə kwɛni kiliɠilin ə naa gámą laaləi

Ɉaan 20:26

Lɔwɔ tɔ̨nɔ̨ tɛɛ pulu, galan nɛa kəlee ŋąąkpɔn ŋąąi kɛ bɛlɛ́n da Tomasə ni. Bɛlɛ́ɠaa kəlee laakpulɔɔ diɛ, Jesus ə lɔ ə tɔɔ di lɔwai yɛ diɛ: «Liilaa ə kɛ ka pɔ.»

Ɉaan 19:25

Jesus nwɔ kolɔwa kwɛlɛ, Jesus nee ə kɛ laa tɔɔni da nee gaayɔwɔ Mari yai kɛ a Klopasə nɛ̨ą, da Mari Magdala mun.

M̀ɛni-lɛɛi 1:10

Kili-Mąąhəɠɛɛ ə ɉə́ɠə a gu Nąmu ŋą hvólói, ɛlɛɛ, ŋą́ woo kɛnɛ̨ ta mɛ̨n búlú pələ, ə ɓo yɛ tulu woo,

Maafîu 27:64

Kuɔ ə́ hvaa mą ə́ holahiɠaa tɛɛ də li di gámą mąąkpɛ ə lɛɛ ɉu, hvóló haaɓa ə tɛɛ, ə gɛ, nwɔ kalan nɛai di hvo pa li laa di hvo bowa nwuɔ̨, diɛ kɛ diɛ: ‹Aa muhəɠə.› A kɛ tii, nɛɛ mɛ̨nį yili hu a kɛnɛ̨ ə tɛɛ dɔlɔɔ tii ə gɛ mą.»

Korɛntə dɔlɔɔ 16:2

Lɔwɔ tɛitɛi ŋą hvoló tɔlɔɔ, yii nu tɛitɛi a pɛli ɉɔlɔɓoi, yɛ gulɔ ɲəi hɛnŋaa hu, yɛ naa gwɛlɛ, yɛ bələi ŋą yee pɛli mąą laa kaa la; 'ká hvo bái lɔwai mąąkpɔn, ɉɛnŋaa tii ɲąąkpɔn mɛ̨nį ɓa.

Gɛlaɠaa 20:7

Nɔwɔ nwɔ hvoló dɔlɔɔ yələ, ku ɲąąkpɔnŋąąi kɛ nɛɠɛ mįi mɛ̨nį ɓa, yii Polə ə kɛli pa lii a mąą yələ laaɓoɔ, ə kɛli galan nɛa kalan, ə lamun gbɔ pələ ɓoi diɛ, ə lɛɛ ɉu kwii hąą ə mɛlaɓo.

Maafîu 27:56

Nɛ̨ąąɠaa tii lɔwai Mari ŋɛ̨i kɛ a Magdala mun ə kɛ laa, ə mą kɛ, Ɉakə da Ɉosɛfə di lee Mari, da Zebede lonnii hinąą hveelɛi di lee, diɛ ɓə kɛ laa.

Maafîu 27:66

Di gwɛni kwɛlɛ lɔ a ləɠi pɔlɔ, gɔ́kulaa nwun nąmu ə tɔɔmun kɔ́lɔn Ɉɛn bɔɔ laa mą, yɛ diɛ ɉolahiɠaa diɛ: «'Ka tɔɔ ɓɛ kpąą.»

Maafîu 28:1

Hvįįtɔɔ yələ tɛɛ, ɉimahi yələ, yələ wala piinɛ̨ɛ̨, Mari Magdala mun da Mari yii tii di humo diɛ pa gámą la kaai.

Maafîu 28:2

Ɲələ walai tii hu, lɔi ə kpɛlin kpɔ kɛnɛ̨, Yálá nwɔ malaka ə həɠə yələi ə hvilɛn, ə gwɛni kiliɠilin ə ɉəɠə gámą laaləi, ə tɛ ə hee mɛ̨i.

Ɉaan 11:38

Naa mąąwɛli ə Jesus hon gbɔ nwɔ̨nɔ̨ kɛnɛ̨ ə pənə ə li gámą la. Gámąi tii ə kɛ a kwɛni wolo, kwɛni kɛnɛ̨ laa gámą laaləi.

Ɉaan 11:41

Nuą di gwɛni həɠə gámą la. Jesus ə ɲɛ̨i tɛ ɲələi yɛ mą: «Ną́n Yálá gáá ə́ hɛɠɛ ɓoi, mąąhɔlɔɓo, ya nwóó mɛ̨n.