Ɉaan 2:5 - Yálá laawoo hɛɓɛ (dc)

⁵ Jesus nee yɛ tii diɛ: «Yii a ka tii la, ka yili kɛ.»

Yálá laawoo hɛɓɛ

⁵ Jesus nee yɛ tii diɛ: «Yii a ka tii la, ka yili kɛ.»

Bible

⁵ Ǹee e mò ǹyée-mu-ƃelai dîa, ǹyɛɛi, “Ka mɛni nyíi kélee kɛ́ a mò kâai.”

Ɉaan 2:5 Referans Kwoze

Zɛnɛse 6:22

Bələi kpɔlɔɔ Yálá ə mo la Noe ɓa, bələ ɓə ə gɛ la.

Ɉaan 15:14

Yii ŋį́ ka tí la, ka gɛi, kɛ tii mɛ̨́laa ɓaa kaa.

Hebreu 11:8

Laa na laa háálai, Abrahamə ə Yálá woo mu hon, ə lɛɛ nwoo mu, ə həɠə, ə li lɔi ta hu, yai gaa pai ɉɔlɔɓoi a gwɛlin, ɛlɛɛ, yɛ li, ɓɛimun gaa lii laa hvo nąą kɔlɔn.

Hebreu 5:9

Ɛlɛɛ, ə pələ kulɔ, ə həli la mąąhəɠə laa ɓa, Kristə ə kɛ kɛa la tii a nuąi da lɛɛ nwoo mu, di ɓalomun a yələ kəlee mɛ̨nį,

Gɛlaɠaa 9:6

Kɛlaa, 'Ə́ muhəɠə, 'tɛ taai, mɛ̨nįi mąąnɛ̨ɛ̨ ə́ gɛ, di kaa lii moi yɛ́.»

Nwun mąąɓo 13:14

Hvo viɲə má ta mįi, hvo lɔɔ kpələ, da kpələ hɛn lɔpee a nu nwun ɉutínɛ̨n; kɔ̨nɔ̨n ɲiiɠaai Yálá ə tɔ́n dɔɔ mą, hvo da mįi. Mɛ̨nįɠaai ŋą́ mo mą, ə gili lɛɛ gəlee hu, ə ɉon.»

Zɛnɛse 41:55

Ɓɛlɔwai kɛa bulu ə kɛi kpɔlu la Eziptə nuą la, di kəlee di wɔlɔ tɔɔmun ma, diɛ mą: «Kɔnɔ̨n dɛɛ ku pɔ.» Tɔɔmun yɛ diɛ: «Ka li ka mo Ɉosɛfə ɓa, yii a mo kaa, ka gɛ.»

Maafîu 12:46

Ɓɛlɔwai Jesus ə kɛ mɛ̨nįɠaa tii ɓo la, nee da gaayɔwɔɠaa di kɛ tɔɔni ɲɛnɛ̨ɛ̨, diɛ gwɛli.

Rutə 3:6

Rutə ə li gbai tan ɉi, bələi tii ɉilɛ lee ə mo la mą, ə gɛ tii.

Izikiɛ 12:7

Ŋą́ gɛ yɛ bələi di mo la mą́ą́, ŋą́ díɛ̨ kulɔ hvóló ŋą; yɛ nui di kaa líí la luwɔlaa hu, nwɔ tiɛ̨. Ɛlɛɛ, ŋą́ wolo ɓɔ ɉį́i hu a ɲéé yələ wilii pɔ; kpinį pɛlɛɛ kɛa, ŋą́ nwɔ́ tiɛ̨ɠaai kulɔ ŋą́ di laa gálan ŋą, ɲą́ą́ dɔ̨nɔ̨, di ɲɛ̨i ɓa.