Ɉaan 2:4 - Yálá laawoo hɛɓɛ (dc)

⁴ Kɛlaa Jesus ə nwoo pulu pənə yɛ mą: «Néé, yii mąąnɛ̨ɛ̨ ŋį́ gɛ, yɛ hvəə ya mo mą́ą́! Ŋɔ́ lɔwai hvə nii həli li.»

Yálá laawoo hɛɓɛ

⁴ Kɛlaa Jesus ə nwoo pulu pənə yɛ mą: «Néé, yii mąąnɛ̨ɛ̨ ŋį́ gɛ, yɛ hvəə ya mo mą́ą́! Ŋɔ́ lɔwai hvə nii həli li.»

Bible

⁴ Zîsɛ e mò ma, “Nɛnîi, nàa lɛɛ nɔ ńyêei. Ŋátãi fe niî seri ni.”

Ɉaan 2:4 Referans Kwoze

Ɉaan 7:6

Jesus ə di woo pulu pənə yɛ diɛ: «Nwɔ́ yələ hvo ni həli li, kɛlaa yələ kəlee lɔ ɓaa a ka wɛi.

Ɉaan 13:1

Gɛɛ pakə hɛli hvo kɛ ɉəli, Jesus ə gaa yɛ nwɔ lɔwai aa ɉəli yɛ pa kulɔi ɲɛnɛ̨ɛ̨ ŋɛ̨i hu, yɛ li Nąn bɔ. Nwɔ́ nuą ŋɛ̨i yɛnɛ̨ɛ̨, yaai ə di wɛli la kɛ, ə di wɛli la kɛ kpɔ kɛnɛ̨ɛ̨.

Ɉaan 8:20

Jesus ə kɛ tɔɔni Yálá kɔ́ hɛn ɲąŋą kwɛlɛ yɛ nwooɠaa tii ɓo, ɓɛlɔwai ə kɛi nuą mąąkwɛli la Yálá hee pɛlɛ́ mu. Nu ta hvo pɛli ɉon ɉi, mąąhɔlɔɓo, ɲələ hvo ni kɛ ɉəli li.

Ɉaan 7:30

Nuą di kɛ bɔ di ɉon, kɛlaa, nu tɔ̨nɔ̨ kpɛli hvo ɲee pələ mą, mąąhɔlɔɓo, ɉon ɲələ hvo nii kɛ ɉəli li.

Ɉaan 12:23

Jesus ə di woo pulu pənə yɛ diɛ: «Nu Lon mąąwiɛi lɔwai aa həli.

Ikilisiati 3:1

Mɛ̨nį kəlee nwɔ yələ kaa mą, yələ kəlee nwɔ mɛ̨nį yɛ ɓo mą ɓɛ lɔi mɛ̨i.

Maafîu 8:29

Jesus kaai di mo, di tómą diɛ kɛ mą: «Ee ku Yálá Lon, lə ɓə yɛ ə́ gɛ a kuɔ? Akɛti, ə́ paa li kɛa, ə gɛ, ə́ ku nwun na pili nɔwai tɔwɔ?»

Samia Veerɛi 19:22

Seruya lon Avisai ə nwoo pulu pənə, yɛ tɔɔmun ma: «Akɛtii, yili mɛ̨nį ɓə mɔ̨ɔ̨ di hva Simei paa la! Nui Yai-Laa aa mąątí a tɔɔ wulɔ, kɛlɛi Simei ɓə nɛ̨ŋɛ̨n nąąn ee?»

Samia Veerɛi 16:10

Tɔɔmun yɛ mą: «Ə́ wɔɔ naa ɓa a lə mɛ̨nįi ŋɛ̨i hu, Seruya lon? Akɛ nɛ̨ŋɛ̨n naa ŋɛ̨i gaa gɛi, Yai-Laa ɓə kɛ mą: ‹Li ə́ Davidə nɛ̨ŋɛ̨n naa›, gbɛɛ ɓə a pɛli kɛi ma: ‹Lə mɛ̨nį ɓa ə́ kaa yili kɛi?›»

Ɉaan 20:15

Jesus yɛ mą: «Nɛ̨ɛ̨nu, lə mɛ̨nį ɓa ə́ kaa wɔlɔi? Gbɛɛ ɓə ə́ kaa gwɛlii?» Ə kɛ Mari kwəi, ɉihɛn ɲɛai tii mɛ̨i kaa mun ga tii mąąningɛ; yɛ mą: «Ną́mu akɛ yɛ́ ɓə gulɔ ɓɛ, ɓɛi ə́ naa laa nąą lɛ mą́ą́ ŋą li ŋį́ ɉəɠə.»

Ɉaan 20:13

Diɛ mą: «Nɛ̨ɛ̨nu, lə mɛ̨nį ɓa ə́ kaa wɔlɔi?» Ə di woo pulu pənə yɛ diɛ: «Daa Ną́mu kulɔ ɓɛ gámą hu, ɓɛi di naa laa, və́ nąą kɔ́lɔn.»

Lukə 2:49

Jesus ə di woo pulu pənə yɛ diɛ: «Lə mɛ̨nį ɓa ka káá gwɛ́li, ka hvo gɔlɔn kaa diɛ mąąnɛ̨ɛ̨ ŋą kɛ Ną́n ɲəi pɛlɛ́n?»

Maafîu 15:28

Jesus yɛ mą: «Nɛ̨ɛ̨nu, ə́ wɔ kilitɔɔ mąą kɛnɛ̨i pələi tii ə́ wɔ laa na laa kaa la. Yii ə́ kaa ə́ kiliŋąhiɛi ma, ə kɛ kpɔlɔɔ tii yɛ́.» Nɛ̨ɛ̨non tii kɔ́lɔi ə pono, ɲį́nɛ̨n tii ə həɠə bulu kpɔlɔɔ nąąlɔwai.

Dutɛrɔnome 33:9

Diɛ ɓə ə́ wɛlila kɛ kpɔ ə tɛɛ di kaa nuą diɛ, da di kaayɔwɔɠaa, ə mą kɛ di lonnii diɛ, ɓɛlɔwai di ə́ woo hon na, diɛ ə́ wɔ mįnɛ̨i mąąwiɛ.

Korɛntə veelɛ 5:16

Yili ɓa, yiihu kɛa, gu hvo nu ta kɔlɔn nu kan gɔlɔ hu, akɛ gu Kristə kɔlɔn a nu kanŋaa di wɔ nu kɔlɔn bələ, bələ yili hvəə kɛa ku gɔlɔn na.

Tɔɔɓɛlaa dɔlɔɔ 17:18

Nokoloi nee yɛ Eli ɓa: «Yálá nwɔ nu! Lə mɛ̨nį ɓə gwa yɛ́ gu lɔwai? Ə́ lɔ ɲə́i bɛlɛ́n nwɔ́ nɛ̨ŋɛ̨nŋąą kili too mɛ̨nį ɓa Yálá ŋą, da nón nwun napili mɛ̨nį?»

Ɉaan 2:3

Yii kɛa nɔɔ ə kɛi pa kpɛɛi, Jesus nee yɛ mą: «Nɔɔ kaa kpɛɛi di yei yo!»

Ɉaan 7:8

'Ka li ka wɛi ka ɉɛli pu, kɛlaa nwɛ́i, və́ lii, mąąhɔlɔɓo, nwɔ́ yələ hvo nii həli li.»