Ɉaan 19:13 - Yálá laawoo hɛɓɛ (dc)

¹³ Nwooi tii mɛ̨n Pilatə ə mo, ə Jesus kulɔ ɲɛnɛ̨ɛ̨, Pilatə kpinįi ə li ə hee kiti tee kpəlin ɉu, ɓɛi da kɛ mą: kɛɛnąą muhəɠɛɛ, Ɉuifə woo hu, da kɛ mą: Gabata.

Yálá laawoo hɛɓɛ

¹³ Nwooi tii mɛ̨n Pilatə ə mo, ə Jesus kulɔ ɲɛnɛ̨ɛ̨, Pilatə kpinįi ə li ə hee kiti tee kpəlin ɉu, ɓɛi da kɛ mą: kɛɛnąą muhəɠɛɛ, Ɉuifə woo hu, da kɛ mą: Gabata.

Bible

¹³ Tãi Pâle e ŋóo-ŋai ŋi mɛ̀ni, e pà a Zîsɛ dípɔ e see mɛni-ŋa-tee see-sɛŋ su, ƃɛi da kɛ̂ ma Gwaa Ma Maa Tɛɛ̂i, Ibulu wóoi su da kɛ̀ ma Gâbeta.

Ɉaan 19:13 Referans Kwoze

Maafîu 27:19

Ɓɛlɔwai Pilatə ə kɛ heeni la gití tee kpəlin ɉu, nɛ̨ą ə wəlɛɛ tɔɔ yɛ di moi mą, diɛ mą: «Ə́ laa kulɔ nu haŋąą ŋɛ̨i mąą mɛ̨nį hu, hvo mɛ̨nį lɔpee ta kɛ la. Mąąhɔlɔɓo, ŋį́ háá mɔ̨nɔ̨ mį́į́ kpɔ kɛnɛ̨, a kpinį hįį pələ mąą mɛ̨nį hu.»

Gɛlaɠaa 4:19

Kɛlaa Piɛrə da Ɉaan di di woo hutoo diɛ diɛ: Nɛlɛ ɓə ɉaŋąą Yálá ɲɛ̨i ɓa? Ku lɛɛ ká woo mu, awala kɛ tii ku lɛɛ Yaa ti nwoo mu? Kaa kpinį ka mɛ̨nį ŋɛ̨i hutɔɔ.

Ɉaan 19:8

Nwoo tii mɛ̨n Pilatə ə mo, ə ɲɔ̨w kpɔ kɛnɛ̨.

Lukə 12:5

Nui mąąnɛ̨ɛ̨ ka ka ɲɔw mą, gáá nɛi kaa: Nui a nu paa, yɛ pɛli bilii ɉahanąmą nwɔ̨n ɉu, 'ka ɲɔw mą. A tɛ̨ą gáá moi kaa, yaa tii ɓə mąąnɛ̨ɛ̨ ka ɲɔw mą.

Amɔsə 4:7

Ną́mu Yai-Laa yɛ nwɔ̨nɔ̨ diɛ: Ɲą́ą́n, ɓɛlɔwai ɛlɛɛ kɛa la a ɲąnin ɉaaɓa, ka wɔ hihɛnŋąąi ma kulɔi lɔwai yɛ ɉəli, və́ gɛ, və́ tulɔ pu mą. Ŋą́ tulɔ pu daa taɠaa hu, ŋį́ daɠaa lɛɛ, tulɔ ə pu yɛɛkɔwɔ taɠaa hu, daɠaa di lɛɛ, diɛ kpala.

Azaya 57:11

Gbɛɛ ɓə ə́ kɛi ɲɔw mą, yɛ́ mówo kpɔ tii? Yai ə́ lənə la mą́ą́? Yai gíli hvo mą kɛa lɛɛ ə́ ɲąą? Nwɛ́i, ɉu aa kɛa, və́ kwɛi hvaa ə́ pɔ, hvo kɛ tii? Nąąlɔwai, hvó kɛli kɛa mą́ą́wiɛ.

Ikilisiati 5:8

Yii viɛlaɓoɔ lɔi nuą diɛ, ya ɓaa: tɔɔmun da ə kɛ di yəi, yɛ tíi yɛa kóló ɓɛlɛ kɛ mą. Mąąhɔlɔɓo, yɛa kóló ɓə tɔɔmun gɔ̨nɔ̨n a kulɔ ɉu.

Hanwon 29:25

Ɲɔw kɛnɛ̨ a hɛlɛn dɛ nuą tɔwɔ. Kɛlaa, nui a gilitɔɔ Yai-Laa ɓa, a mąą nu mɛ̨i kaa.

Ɉaan 5:2

Ɉįį tii kɛ Ɉerusalɛmə taa ɓa, naaləi ta ə kɛ laa, diɛ kɛ naa ɓa: ɓɛlaaɠaa lɔi. Gɛɛnąąi tii tənə ma, powa ta ə kɛ laa, diɛ kɛ mą: Ɉuifə woo hu: Bɛtzata.

Ɉeremi 38:19

Tɔɔmun Sedesiasə yɛ Ɉeremi ɓa: «Mɛ̨nįi niihɛlɛn gaa mą́ą́, ya ɓaa: Ɉuda nuąi tii daa li Kalde nuą pɔi, di hvo pa nee dɛ́ɛ́ di pɔ, diɛ mɔ̨nɔ̨ ɓo.»

Ɉaan 19:17

Jesus ɓə nwɔ kolɔwa həɠə, di kulɔ la taai, diɛ li ɓɛi da kɛ mą: Nwun gonon ɲee ɓa (Ɉuifə woo hu, da kɛ mą: Gɔlgota).

Ɉaan 19:20

Ɉɛɓɛ́i tii, Ɉuifəɠaa tamąą di kɛi mo, mąąhɔlɔɓo, ɓɛi ŋɛ̨i di Jesus kpanwo laa kolɔwa ɓa, naa lɛɠɛɛ kɛ taai ɓa; ɛlɛɛ, di bɛ̨ɛ̨ a hį́i woo haaɓa: Hebreu woo, Latɛn woo da Grɛkə woo.