Ɉaan 19:11 - Yálá laawoo hɛɓɛ (dc)

¹¹ Jesus ə́ nwoo pulu pənə yɛ mą: «Hvá pɛli kɛ mɛ̨nį lɔpee ta kɛi a ɲą́ą́, akɛ hvo həli li həɠə yələi. Yili ɓə gaa mą, nui nɔ́wɔ́ tɔɔ yɛ́, nwɔ nɛ̨ŋɛ̨n kɛnɛ̨i ə́ nwɛi ɓa.»

Yálá laawoo hɛɓɛ

¹¹ Jesus ə́ nwoo pulu pənə yɛ mą: «Hvá pɛli kɛ mɛ̨nį lɔpee ta kɛi a ɲą́ą́, akɛ hvo həli li həɠə yələi. Yili ɓə gaa mą, nui nɔ́wɔ́ tɔɔ yɛ́, nwɔ nɛ̨ŋɛ̨n kɛnɛ̨i ə́ nwɛi ɓa.»

Bible

¹¹ Zîsɛ e ŋ̀óo su tòo, ǹyɛɛ ma, “Wala-wala kélee fei pɔ̂ri kɛ̂i íyeêi ḿɛi, fɛ̂ɛ e kula Ɣâla yêei; maa-mɛni ma diai ńdɛ̀ɛ ípɔi dísɔnyɔ̂ŋ su kɛ́tɛ̂i.”

Ɉaan 19:11 Referans Kwoze

Lomaŋ 13:1

Mąąnɛ̨ɛ̨ nu kəlee di lɛɛ nwun nąmįną woo mu, mąąhɔlɔɓo, nwun nąmu ta hvo hee li Yálá tɛɠii. Nwun nąmįnąi di kaa yɛnɛ̨ɛ̨, Yálá ɓə gəlee hee.

Ɉaan 3:27

Ɉaan ə di woo pulu pənə yɛ diɛ: «Nu hva pɛli hɛn Ɉɔlɔɓoi, akɛ Yálá hvo dɛɛ li pɔ.

Gɛlaɠaa 2:23

Ɉulɔnui ti, yɛ bələi ə kɛ la a Yálá nwɔ mɛ̨nį pɛliɛ da nwɔ mɛ̨nį kɔ́lɔnŋąa, ká gwɛlɛ nuąi di hvo Yálá kɔ́lɔn diɛ, di gbanwo kolɔwa ɓa, di baa.

Danîa 4:17

Nwului tii ə́ gaa, yaai tii kɛ gɛnɛ̨i, nwalawalaa, gweaa yɛ tɛ yələkɔlɔn ma, yaai yɛnɛ̨ɛ̨ naakəlee nuą da pɛli kɛ gaai;

Gɛlaɠaa 3:13

Abrahamə, Isaakə da Ɉakɔbə di nwɔ Yálá, gu nąnni di wɔ Yálá ə nwɔ tímun Jesus ɲɛ̨i pono, a yaa ti ka ɲąɓalɔ mą, ka gwɛlɛ Pilatə ɓa, bələi mąn yili ə kɛ la bɔ, ə ɓo la ma.

Ɉaan 7:30

Nuą di kɛ bɔ di ɉon, kɛlaa, nu tɔ̨nɔ̨ kpɛli hvo ɲee pələ mą, mąąhɔlɔɓo, ɉon ɲələ hvo nii kɛ ɉəli li.

Zĩi 1:17

Mɛ̨inɛ̨ɛ̨ kəlee, da nukpɔɔlaa hɛn nɛlɛɛɠaa kəlee, da həɠə yələi pələ, kɛɛpono Nąn bɔ, yai, gɛ pələ mąą hva hvalin, nįnįn nɔpee hvo nąą ta.

Danîa 4:25

Mɛ̨nįɠaai tii kəlee laa ə hvɛɛ tɔɔmun Nabukodonosorə ɓa.

Maafîu 6:13

Hvo ku lɛɛ laa ku hvo too ɲąą hɛn mɛ̨nį hu. Kɛlaa, ku kulɔ mɛ̨nį ɲɔ̨n ɉu. Mąąhɔlɔɓo, ə́ pɔɔ ɓa tɔɔlaa, da heeɓolaa da mąąwiɛ, əlɛɛ la ɉu wɔ. Mįįną.›

Zĩi 4:17

Yili ɓa nui mɛ̨nį lɛlɛɛ kɛ pələ kɔ́lɔn, a wala gɛ, a kɛ ti a nɛ̨ŋɛ̨n ɉəɠə.

Lomaŋ 11:36

Gbala ə tɔɔ, hɛn gəlee a həɠə ɲee ɲą, ya ɓə gəlee pɛli, gəlee ə ɓo a nwɔɔ. Mąąwiɛ ə kɛ mą a yələ kəlee, kɛi a mo tii Yálá ə kɛ! Mįiną.

Gɛlaɠaa 4:28

Yii kpɔ wɔlɔ ə́ mąą kili tee ə́ kwəi, ya ka tii daa bɔ mɛ̨nį ə kɛ.

Maafîu 27:2

Yili pulu, di Jesus yili di dɛɛ Pilatə pɔ, yaai kɛ a Romə nuą di wɔ hį́í lɔi mɛ̨ihveelɛi nwun nąmu.

Mąątɛ̨nɛ̨ 62:11

'Ka hvo ka kili lɛɛ nwąnąlɔ ɓa, 'ka hvo kɛ lɔ gilɛ ŋą, toomɛ̨i kɛ mɛ̨nį ɓa. Hɛn ə mą kɛ̨nɛ̨ ka yəi, 'ka hvo ka kili lɛɛ mą.

Markə 14:44

Ɉudasə ŋɛ̨i Jesus tɛŋɛ̨n gwɛlɛ, ə Jesus hon bələ kpaɠala lɛ nuą diɛ, yɛ diɛ: «Nui gáá lii nɛnɛ ɓo ŋį́ wolo mą, a kɛ tii, yaa li ka ɉon.»

Danîa 5:21

Yálá ə gulɔ nuą lɔwai, ə gili kɛ yɛ huwɔ kili, da lɔwɔ huwɔɠaa diɛ ɓo di kee ɓa, yɛ kala nwunu mįi yɛ Nįŋɛ̨, luwuluwu tulɔ ə lɛɛ pui ma, ə lɛɛ la ɉu Yálá yii gaa hɛn gəlee nwun mɛ̨i, tɔɔmun Nabukodonosorə ə gɔlɔn yɛ diɛ: Yálái tii ɓə nwɔ yeetɛɛmąą kaa tɔɔlaa kəlee mɛ̨i, yaai a nu hee ɓɛi gaa bɔ.

Danîa 4:32

Lɔi mɛ̨i heeɓo nuą kəlee di kaa lɔ yɛ hɛn yii mɛlɛ hvo mą, yii lɔpee Yálá kaa bɔ, ya ɓə a gɛ yələkɔlɔn ɉu malakaɠaa diɛ, ə mą kɛ lɔi mɛ̨i heeɓo nuą kəlee. Nui lɔpee ta hva pɛli kpəɲan ɉii Yálá kɛ mɛ̨nį tɔwɔ, yɛ kɛ mą: «Lə ɓə ŋɛ̨i ə kaa gɛi?»

Ɉaan 18:3

Ɉudasə ə tɔɔ holahi kpulu ɲɛ̨i tɔwɔ da galidəɠaai, ɉaláá laa həli nuą kpɛa-kpɛa da Farisiɛ̨ɠaa ɓə di tɔɔ tii, da diɛni də li nɔw yɛa tii ɓa. Kpalan di ɓo di yəi, labon, ɛlɛɛ, da kwɛli hɛnŋąą.

Ɉaan 9:41

Jesus yɛ diɛ: «Ə li kɛ ka ɲɛ̨ipuɔi kɛ, nɛ̨ŋɛ̨n və li kɛ kaa. Kɛlaa, kɛi ka moi yiihu ka kaai, ka wɔ nɛ̨ŋɛ̨nŋąą kaa lɔ kaa.»

Lukə 22:53

Ɓɛlɔwai ŋį́ kɛ la ka lɔwai a yələ kəlee, Yálá hee pɛlɛ́ mu, ka hvo kɛi tunwon mą́ą́. Kɛlaa, ka wɛi nąą lɔwai aa həli, ka kpinį nwɔ yeetɛɛmąą laa.

Woolaa 3:37

Gbɛɛ ɓə a mɛ̨ni ɓo, mąą mɛ̨nii yɛ kɛ? Kɛlɛi Hɛn Gəlee Nąmu ɓə-ee?

Maafîu 26:65

Ɉaláá laa həli nuą nwun nąmui tii ə mąą həɠə hu ɓɛla, yɛ diɛ: «Aa Yálá lalan. Yili ɓa tii, ə mą kɛ kɛa gu hvo kɛla takpɛli kwɛli li, ka kəlee kaa nąą kaa, ə lɛɛ kaa nwoo ɲɔ̨n tii mɛ̨n.

Mąątɛ̨nɛ̨ 39:9

Gúlɔ gɛ́ nɛ̨ŋɛ̨n gəlee yəi, hvó dóó ɓowoɓɛlaa la.

Kɔlɔnikɔ Maa-ŋuŋ 29:11

Heeɓolaa, huwalawalalaa, lɛlɛ, mąąɲįnɛ̨n, mąąwiɛ, di kaa Ə́ yəi, gbala ə tɔɔ, hɛn lɔpee yələ kɔ́lɔn ɉu, da lɔi ɓa, Ə́ wɔɔ ɓaa a gəlee. Ə́ wɔ tɔɔlaa da ɲąąwooɓolaa pɛlɛɛi hɛn gəlee mɛ̨i.

Ɉaan 18:13

Di li tɔlɔɔ a Jesus Hanə lííla. Hanə mɔlɔ Kaifə ɓə kɛ a ɉaláá laa həli nuą nwun nąmu kwɛlan tii yee mu.

Ɉaan 19:10

Pilatə yɛ Jesus ɓa: «Hvó nwóó pulu pənəi? Hvó gɔlɔn yɛ kɛ ŋą́ pɛli ŋį́ ə́ lɛɛ ə́ kpɔɔ ɓa, a wala kɛ tii, ŋį́ ə kpanwo kolɔwa ɓa?»