Ɉaan 18:4 - Yálá laawoo hɛɓɛ (dc)

⁴ Mɛ̨nį kɛi pa həli Jesus ɓa, kɛi ə mo a gɔlɔn ŋąąi, ə mąą lɛɠɛ diɛ, yɛ diɛ: «'Gbɛɛ ɓə ka káá gwɛli?»

Yálá laawoo hɛɓɛ

⁴ Mɛ̨nį kɛi pa həli Jesus ɓa, kɛi ə mo a gɔlɔn ŋąąi, ə mąą lɛɠɛ diɛ, yɛ diɛ: «'Gbɛɛ ɓə ka káá gwɛli?»

Bible

⁴ Nya ƃe Zîsɛ e gɔ́lɔŋ nyii kélee pâi kɛ̂i lai, e pà dípɔ e m̀o dîa, ǹyɛɛi, “Gbɛ̂ɛ ƃe ka gɔ́rii?”

Ɉaan 18:4 Referans Kwoze

Ɉaan 13:1

Gɛɛ pakə hɛli hvo kɛ ɉəli, Jesus ə gaa yɛ nwɔ lɔwai aa ɉəli yɛ pa kulɔi ɲɛnɛ̨ɛ̨ ŋɛ̨i hu, yɛ li Nąn bɔ. Nwɔ́ nuą ŋɛ̨i yɛnɛ̨ɛ̨, yaai ə di wɛli la kɛ, ə di wɛli la kɛ kpɔ kɛnɛ̨ɛ̨.

Ɉaan 18:7

Jesus ə pənə ə di mąąni kɛ a nįnɛ̨ yɛ diɛ: «'Gbɛɛ ɓə ka káá gwɛli?» Di nwoo pulu pənə diɛ mą: «Jesus Nazarɛtə mun mə.»

Gɛlaɠaa 2:28

Bələi nu ya tɛɛ la ə́ yɛnɛ̨ɛ̨ kɛ, yaa yili lɛ mą́ą́, ya kɛ gwɛ́lɛ, yili ɓə a nááhvɛɛ a kwəinɛ̨ɛ̨.›

Mąątɛ̨nɛ̨ 27:3

Ə mą kpɛli kɛ kɔlaɠa pɛlɛ tɔwɔ, níí hva kulɔ mą́ą́! Ə mą kɛ daa kɔ́ yili mąą, gílitɔɔi kaa mą.

Ɉaan 19:28

Yii kɛa Jesus ə gaa yɛ mɛ̨nį kəlee ɲąą aa pɛli, əgɛ mɛ̨nįi Yálá laawoo hɛɓɛ́ ə mo bɔ mɛ̨nį kɛ, yɛ diɛ: «Kpələ wɛli aa ɉón.»

Ɉaan 13:11

Jesus ə kɛ nɔwɔ tɔɔmun gɔlɔn. Mɛ̨nįi gɛ, yɛ kɛ mą: «Nu kəlee mąą hvo həɠə li», yaa li.

Ɉaan 6:64

Kɛlaa, nu taɠaa kaa ka lɔwai yiiɠaai di hvo laa li na. Mąąhɔlɔɓo, ə həɠə kpɔ gɔwɔ tɔɔi yələ ɓa, nuąi di hvo kɛi laa na, ɛlɛɛ, da nui kɛi pa nɔwɔtɔɔi, Jesus ə di kɔ́lɔn gɛ.»

Lukə 24:44

Yili pulu ə mo diɛ, yɛ diɛ: «Mɛ̨nįɠaai ŋį́ kɛi mo kaa, ɓɛlɔwai gu kɛ la gu kee pɔ ya ka; ŋį́ kɛ kaa: mɛ̨nįɠaai kpɔ kɛ bɛ̨ɛ̨ náá mɛ̨i Moisə nwɔ tɔ́n ɉɛɓɛ́i hu, Yálá kwəi mɛ̨nį hukulɔ nuą, da Yálá Mąątɛnɛ Wələɠaa hu, hvo kɛli gəlee laa ə hvɛɛ.»

Maafîu 26:31

Jesus ə mo nwɔ kalan nɛai diɛ, yɛ diɛ: «Ka kəlee ka káá pai lənəi mą́ą́ gbinįi ŋɛ̨i hu. Mąąhɔlɔɓo, bɛ̨ɛ̨i Yálá laawoo hɛbɛ hu, diɛ mą: ‹Di kaa pai mɛlaa pulu mun baai, ə lɛɛ, mɛlaaɠaa di taɠaa.›»

Maafîu 26:21

Di kɛɛ di kɔ̨nɔ̨n mį́į́, Jesus ə mo diɛ, yɛ diɛ: «Gáá moi kaa a tɛ̨ą, ka tɔ̨nɔ̨ kaa pai nɔ́wɔ tɔɔi.»

Maafîu 26:2

«Ka gɔlɔn kaa, aa lɛɛ a hvóló hveelɛ pakə hɛli yɛ ɉəli. Di kaa pai Nu Lon hon ɉii di kolɔwa ɓa.»

Maafîu 16:21

Ə həɠə nąąlɔwai ɓa, Jesus ə mo nwɔ kalan nɛai diɛ a ɉu ponoɔ̨ yɛ diɛ: «Hvo kɛli ŋą́ li Ɉerusalɛmə, ə gɛ, nu pɔlɔɠaa, da ɉaláá laa həli nuą nwun nąmįną, ə mą kɛ dɔ́n galamɔ̨ɔ̨ɠaa di mɔ̨nwɔ̨ ɓo kpɔ kɛnɛ̨, ə lɛɛ, di báá. Kɛlaa, voló ɉaaɓa yələ, ŋą́ nwun, ŋą́ kulɔ haa yəi.»

Hanwon 28:1

Nui líi ɲɔ̨ngwəimun gaa lɔ gilɛ ɲą, ə mą kɛ, nu hvo bulu. Tələnmomun nwɛi, gaa yɛ yala gbɔn, nii hva kulɔ mą.

Mąątɛ̨nɛ̨ 3:6

Ɛlɛɛ ɲą́ą́n, ŋą́ laa, ŋą́ nwɔ́ yíi ɓo! Ŋą́ nwun! Yai-Laa ɓə a dɔ́ɔ́ bulu.

Nehemi 6:11

Gɛ́ mą: «Ɲą́ą́! Ɲɔ́nwɔ̨ma a moɔ pu? Nu ləi ɓaa ɲą́ą́ yaai, ŋį́ pɛli lɔi Yálá hee pɛlɛ́ mu, gɛ́ lɛɛ a vúlú? Və́ lɔi laa.»

Tɔɔɓɛlaa dɔlɔɔ 18:10

Akɛ Yai-Laa ə́ nwɔ Yálái kaa a vulú, lɔi ta hvo laa, tɔɔlaa ta hvo laa, ɓɛi nwɔ́ mɛ̨nį nąmu Akabə hvo ni nuą tɔɔ li laa, ə́ kwɛli mɛ̨nį ɓa. Akɛ dɔɔlaa tii, a wala kɛ tii, nɔi tii hu nuą da kɛ mą: ‹Hvoo ɓɛ!›, a kɛ diɛ: ‹Ka ka kwɛla, akɛ ka hvo ni gaa li!›

Piɛrə dɔlɔɔ 4:1

Yili ɓa, yɛ bələi Kristə ə mɔ̨nɔ̨ mįi la kɔ́lɔ hu, káá kpɛlimąn, giliŋąhiɛ tanɔ̨n tii ə kɛ káá; nui a mɔ̨nɔ̨ mįi kɔ́lɔ hu, a kɛ ti, da nɛ̨ŋɛ̨n daa di hvalaɓo,

Ɉaan 18:5

Di nwoo pulu pənə diɛ mą: «Jesus Nazarɛtə mun mə.» Jesus yɛ diɛ: «Ɲą́ą́ ka.» Yaan, Ɉudasə ŋɛ̨i nɔwɔtɔɔ ə kɛ nu kpului tii pɔ.