Ɉaan 18:3 - Yálá laawoo hɛɓɛ (dc)

³ Ɉudasə ə tɔɔ holahi kpulu ɲɛ̨i tɔwɔ da galidəɠaai, ɉaláá laa həli nuą kpɛa-kpɛa da Farisiɛ̨ɠaa ɓə di tɔɔ tii, da diɛni də li nɔw yɛa tii ɓa. Kpalan di ɓo di yəi, labon, ɛlɛɛ, da kwɛli hɛnŋąą.

Yálá laawoo hɛɓɛ

³ Ɉudasə ə tɔɔ holahi kpulu ɲɛ̨i tɔwɔ da galidəɠaai, ɉaláá laa həli nuą kpɛa-kpɛa da Farisiɛ̨ɠaa ɓə di tɔɔ tii, da diɛni də li nɔw yɛa tii ɓa. Kpalan di ɓo di yəi, labon, ɛlɛɛ, da kwɛli hɛnŋąą.

Bible

³ Nya ƃe Zudasi e kɔkuluƃa-ŋa sìɣe, bɛlɛɛ kɔkuluƃa-ŋa da-ni dîa dí kùla zâla láa soŋ-ƃela kpaya-kpayai da Faresii-ŋai yée ŋá. Dí lì zûai su a laŋpo-ŋa da kpáleŋ-leŋ-ŋa, da kɔ́-kɔ-sãa.

Ɉaan 18:3 Referans Kwoze

Ɉaan 18:12

Ɉolahiɠaa da di ɲɛ̨i tɔwɔmun, ə mą kɛ Ɉuifəɠaa di wɔ galidəɠaa, di Jesus hon, di ɲili.

Gɛlaɠaa 1:16

«Ną́n nonnii, mɛ̨nįi Kili-Mąąhəɠɛɛ ə mo ɉɛɓɛ́ mąąhəɠɛɛ hu, hvo kɛli kɛ bɔ mɛ̨nį ə kɛ, yai ə bu Davidə la yɛ hvilɛn na Ɉudasə ɓa, yaai tɔɔ nuą tɔwɔ diɛ pa Jesus hon ɉii.

Mąątɛ̨nɛ̨ 22:12

'Hvó ə́ mąąkwɛa kpɔ tii mą́ą́, hvó gaai, mɔ̨nɔ̨ aa lɛɠɛ mą́ą́, mą́ą́ kpɔnmąą ɓomun və mą.

Ɉaan 13:2

Ɓɛlɔwai di kɛi yələ wilii kɔ̨nɔ̨n mį́i la, nąnį aa gbɛa kɛ Jesus lɔwɔ́tɔɔ mɛ̨nį giliŋąhiɛ lɔ Simɔn lon Ɉudasə hu, yai a Iskariɔtə mun.

Maafîu 25:1

«Yálá-taa tɔɔlaa kɛ pələ kaa yɛ nɛ̨ɛ̨gbɛla pow yiiɠaai kɛi li di ɓɛlan ɉilɛ laakwiɛn ɉii; di di wɔ labonŋąai həɠə, diɛ li.

Ɉaan 7:32

Nuą tii lɛɛ Jesus laa ɓoi a loo mɛ̨nį di kee lɔwai, Farisiɛ̨ɠaa di mɛ̨n. Haláá laa həli nuą kpɛa-kpɛa da Farisiɛ̨ɠaa di holahiɠaa tɔɔ, ɉon.

Ɉaan 18:18

Góló kɛ nuą da galidəɠaa di nwɔ̨n ɉee gwəli hąą diɛ di kɔ́lɔɓo ma, mąąhɔlɔɓo, kwɛlɛ ə kɛi pa. Piɛrə yaa kpɛli ə hee laa yɛ gɔlɔɓo.

Ɉaan 18:22

Moi Jesus ə mo tii, galidə tɔ̨nɔ̨ ə nwun nowa, yɛ mą: «Bələ ɓə ya ɉaláá laa həli mun gɛnɛ̨ woo pulu pənə la?»

Ɉaan 19:6

Yii lɔ Ɉaláá laa həli nuą da di wɔ galidəɠaai di Jesus kaa, di kəlee di tómą diɛ kɛ mą: «'Gbanwo kolɔwa ɓa, 'gbanwo kolɔwa ɓa.» Pilatə yɛ diɛ: «Ka ɉon kaa kpinįi ka gbanwo kolɔwa ɓa, nwɛ́i, və́ hɔn nɔpee ta kaa li mą.»

Gɛlaɠaa 10:1

Hulɔnu ta ə kɛ Sesare daai, diɛ kɛ mą: Kɔrnɛyɛ. Ə kɛ a Romə kɔlaɠai da kɛ mą: «Italikə» nwun nąmu kɛnɛ̨ ta.