Ɉaan 17:9 - Yálá laawoo hɛɓɛ (dc)

⁹ «Diɛ ɓə gáá Ə́ hvɛli di mąą mɛ̨nį ɓa, və́ Ə́ hvɛlii yɛnɛ̨ɛ̨ mąą mɛ̨nį ɓa. Kɛlaa, gáá ə́ hvɛlii nuą Ə́ di tɛɛ bɔ́ di mąą mɛ̨nį ɓa, di kaa a Ə́ wɔɔ.

Yálá laawoo hɛɓɛ

⁹ «Diɛ ɓə gáá Ə́ hvɛli di mąą mɛ̨nį ɓa, və́ Ə́ hvɛlii yɛnɛ̨ɛ̨ mąą mɛ̨nį ɓa. Kɛlaa, gáá ə́ hvɛlii nuą Ə́ di tɛɛ bɔ́ di mąą mɛ̨nį ɓa, di kaa a Ə́ wɔɔ.

Bible

⁹ Ŋa ífɛlîi dímɛni ma; fe ífɛlîi ǹɔii mɛni ma, kɛ́lɛ, diai mɛni ma ya dítɛɛ ḿbɔi, kpɛ́ni fêi, díkaa a ípɔɔ;

Ɉaan 17:9 Referans Kwoze

Hebreu 9:24

Ɉəɠə pɛlɛ́i nu ə dɔɔ a ɲee ɓɛ lɔi mɛ̨i, yai gaa a neelee mąą nįnįn, mu hvəə Kristə ə lɔ laa, kɛlaa, ə lɔ kpɔ yələkɔlɔn ɉu leelee, əgɛ, yɛ pɛli tɔɔi Yálá liila gu mąą mɛ̨nį ɓa.

Ɉaan 17:2

Bələi Ə́ tɔɔlaa tɛɛ la bɔ yɛnɛ̨ɛ̨ nuą kəlee mɛ̨i, 'Gɛ, nuąi Ə́ di tɛɛ bɔ ə yɛnɛ̨ɛ̨ hva kpɛɛ tɛ di pɔ.

Ɉaan 17:6

«Nuą ŋɛ̨i Ə́ di kulɔ yɛnɛ̨ɛ̨ hu Ə́ di tɛɛ bɔ́, ŋą́ Ə́ laa lɛ diɛ. Di kaa a Ə́ wɔɔ, yaa di tɛɛ bɔ́, daa woo hon.

Ɉaan 17:20

«Və́ Ə́ hvɛlii lɔ diɛ tɔ̨nɔ̨ di mąą mɛ̨nį ɓa, kɛlaa, gáá Ə́ hvɛli nwɔ̨nɔ̨ nuąi pai mą́ą́ mɛ̨nį kaai a tɛ̨ą di wɔ kalan woo háálai, di mąą mɛ̨nį ɓa.

Lukə 22:32

Kɛlaa, ŋą́ą́ Yálá hvɛli yɛ́, əgɛ, ə́ wɔ kilitɔɔmąą hvo kulɔ ə́ yəi. Yɛ́n, yá pənə yá pai, ə́ ləɠəni hvaŋąlɔ.»

Zɔ̂ŋ Maa-ŋuŋ 5:19

Gu gbaɠala kɔlɔn guɔ Yálá nwɔɔ ɓaa a guɔ, kɛlaa, yɛnɛ̨ɛ̨ nąą kəlee kaa Mɛ̨nį-ɲɔn ɲee kɔnma.

Ɉaan 14:16

Ə lɛɛ, ŋą mo Ną́n Yálá ɓa ə ka mąąkɔ̨nwɔ̨ mun dɛɛ, yii ka diɛni ka lɛɛ ka kee ɓa a yələ kəlee.

M̀ɛni-lɛɛi 20:15

Ɛlɛɛ, nuąi kpɔ di laa hvo kɛ pɛ̨ɛ̨ li ɲɛnɛ̨ɛ̨ hɛɓɛ́ hu, di gəlee pili nwɔ̨n balayá hu.

M̀ɛni-lɛɛi 13:8

Lɔi mɛ̨i heeɓonuą kəlee diɛ kwɛli hvilɛn mą, diɛi kpɔ tii di laa hvo kɛ pɛ̨ɛ̨ li mɛlaa lon di gulɔ a haláá, ŋą yɛnɛ̨ɛ̨ kɛ hɛɓɛ́i hu, ə həɠə kpɔ yɛnɛ̨ɛ̨ kɔwɔ tɔɔ yələ ɓa.

Hebreu 7:25

Ɛlɛɛ, nuąi da di mąąlɛɠɛ Yálá ɓa, yaa ɉáálai, a pɛli mą ə di nwun mąąɓo, gbala ə tɔɔ, yaa tii gaa lɔ laa a yələ kəlee, yɛ di mąą mɛ̨nį laa həli a nɛlɛɛ kɔlɔi.

M̀ɛni-lɛɛi 12:9

Mąąɲɔw-hɛn gɛnɛ̨i tii, di bili, yai a gaaləi wɔlɔ kɛi, a yai naa ɓaa: nąnį, ɛlɛɛ, ɓilihi, yai a yɛnɛ̨ɛ̨ kəlee ɲąąhɛnmun, di bili ə yɛɛ lɔi mɛ̨i da ɲee pɔɠaa.

Lukə 8:34

Nuą tii kɛ moiɠaa tii pulu, yii kɛa di mɛ̨nįɠaai tii kaa, di gilɛ həɠə, də li diɛ ɉukulɔ daa kpɛa-kpɛaɠaa, da daa pɛlɛɛɠaa hu.

Lukə 23:34

Jesus ə mo Yálá ɓa, yɛ mą: «Nąn Yálá, nuą ŋɛ̨i mąąhvaalɛɛ, mąąhɔlɔɓo, mɛ̨nį ŋɛ̨i di kaa gɛi, di hvo gbaɠala kɔ́lɔn.» Ɉolahiɠaa di Jesus mąąhəɠə ŋąąkwɛlɛ di kee lɔwai yɛ pələi da tɔ̨nɔ̨ huwɔ ɲąąkwɛlɛ la.

Ɉaan 6:37

Nuą lɔpee Ną́n a di tɛɛ bɔ́, di kaa pai pai bɔ́. Vá lənə dɔ̨nɔ̨ kpɛli ɓa.

Ɉaan 6:39

Yaan, nui dɔ́ɔ́ niiɓa ɓaa: nuą ə di tɛɛ bɔ́ dɔ̨nɔ̨ kpɛli nwun na hvo pili. Kɛlaa, Ŋą́ gəlee nwun a yɛnɛ̨ɛ̨ ɲąąkpɛɛ yələ.