Ɉaan 17:10 - Yálá laawoo hɛɓɛ (dc)

¹⁰ Yaan, yii gaa ɲə́i Ə́ wɔɔ li, yii ga Ə́ yəi nwɔ́ɔ́ li. Nwɔ́ mąąwiɛ a lɛ a diɛ.

Yálá laawoo hɛɓɛ

¹⁰ Yaan, yii gaa ɲə́i Ə́ wɔɔ li, yii ga Ə́ yəi nwɔ́ɔ́ li. Nwɔ́ mąąwiɛ a lɛ a diɛ.

Bible

¹⁰ ḿbɔɔ kélee káa a ípɔɔ, ípɔɔ kɛ́ ƃo a ḿbɔɔ, ǹyaŋ ŋáfolo-laai maa tɛ́ɛ̂i díkponôi.

Ɉaan 17:10 Referans Kwoze

Ɉaan 10:30

Kwa ną́n Yálá ku kaa tɔ̨nɔ̨.»

Piɛrə dɔlɔɔ 2:9

Kɛlaa, ká wɛi, ká káá a nu huwui ɉəɠɛɛ ɉu, a dɔɔ kwəlii haláá laa həli nuą, a nu huwu mąąhəɠɛɛ, a nuąi a Yálá kwɛlin, əgɛ, nui ŋɛ̨i ká təli, ə ká kulɔ kpinį hu, yɛ pa a káá, ŋą kɛɛ pono lɛlɛɛi ɓa, káá pɛli gɛ-mɛ̨nį kpɛa-kpɛaa nolo ɓoi,

Tɛsalonikə veelɛ 1:10

a ɓɛlɔwai gaa pai pai la, mąą yələi tii, a mąąwiɛlaa hɔlɔɓo ŋą nu mąąhəɠɛɛɠaa yəi, ɛlɛɛ, ə kɛnɛ̨laa hɔlɔɓo nuąi laa na di yəi; ɛlɛɛ yaan, káán, ká wɛi, káá laa ku wɔ kɛla woo la.

Kolosə 2:9

Mąąhɔlɔɓo, Kristə kpinį hu ɓə Yálá ə ɉuɓo laa.

Tɛsalonikə veelɛ 1:12

Bələ ɓə gu Ną́mu Jesus laa mąą a wiɛ la ká hu, ɛlɛɛ, káá kpɛlimąn, ká kɛ tii ɉu, yɛ bələi gu wɔɔ Yálá da gu Ną́mu Jesus Kristə nwɔ mɛ̨inɛ̨ɛ̨ kaa la.

Filipə 1:20

Yɛ bələi ɲɛ̨́i kaa la dɔwɔ a nwalawalaa, gílitɔɔ la mą, və́ pai nwumɛ̨i, kəlee, nwɔ́ kilitɔɔmąą laa kaa kpɔlɔɔ ɲee tɔ̨nɔ̨ mɛ̨i, yiihu, ə mą kɛ, a yələ kəlee, Kristə laa kaa pai tɛi ŋą́ yɛnɛ̨ɛ̨ hu, a pɛli ə kɛ, vúlú kɔwɔ ɲą, awala kɛ tii, a ɉáá mɛ̨nį.

Gɛlaɠaa 19:17

Efɛsə nuą kəlee, da Ɉuifəɠaa, ə mą kɛ Grɛkəɠaa di mɛ̨nįi ti bələ mɛ̨n, di ɲɔw kpɔ kɛnɛ̨, diɛ gu Nąmu Jesus laa mąąwiɛ.

Ɉaan 11:4

Ɓɛlɔwai Jesus ə nwəlɛɛ tii mɛ̨n na, ə mo yɛ diɛ: «Lazarə nwɔ ɲɔ̨n tii, hvo pai baai, kɛlaa, ɲɔ̨n tii, nwun mąą: Ə Yálá nwɔ huwalawala mąąwiɛ kulɔ pono ŋą, ə Yálá Lon ɉulɔnu nwɔ mąąwiɛ kulɔ pono ŋą.»

Ɉaan 5:23

Yili ɓə a gɛ, nu kəlee diɛ Non mąąwiɛ, yɛ bələi da Nąn mąąwiɛ la. Nui hva Non mąąwiɛ, hva Nąn gbɛli mąn mąąwiɛ, yai Non dɔɔi.

Galatə 1:24

ɛlɛɛ, diɛ Yálá hɛɠɛɛɓo mą́ą́ mɛ̨nį hu.

Ɉaan 12:23

Jesus ə di woo pulu pənə yɛ diɛ: «Nu Lon mąąwiɛi lɔwai aa həli.