Ɉaan 16:32 - Yálá laawoo hɛɓɛ (dc)

³² Lɔwai ta kaa pai həli, aa gbɛamun həli, ka káá pai taɠa-taɠai, ka ɲą́ą́ dɔ̨nɔ̨ nɛ́ɛ́, nu kəlee yɛ li a dee. Kɛlaa ə mą kɛ tii, ɲą́ą́ dɔ̨nɔ̨ hvəə, Ną́n gaa bɔ́.

Yálá laawoo hɛɓɛ

³² Lɔwai ta kaa pai həli, aa gbɛamun həli, ka káá pai taɠa-taɠai, ka ɲą́ą́ dɔ̨nɔ̨ nɛ́ɛ́, nu kəlee yɛ li a dee. Kɛlaa ə mą kɛ tii, ɲą́ą́ dɔ̨nɔ̨ hvəə, Ną́n gaa bɔ́.

Bible

³² Tãi káa pâi, ǹyaŋ a nâa seri, tãi ka pâi taa-taâi núu kélee é lí bɔ naa, ka pâi ńɛɛ̂i ńyãa tɔnɔ; kɛ́lɛ, ńyãa tɔnɔ fei. Kpɛ́ni fêi, Nàŋ-nuui káa ŋ́gɔlɛ.

Ɉaan 16:32 Referans Kwoze

Zakari 13:7

Yai-Laa Mɛ̨nį Kəlee ŋą Hééɓomun woo ka, yɛ: Kɔ-kɔ ɓɔwa, 'ə́ muhəɠə nwɔ́ ɓɛlaa pulumun pɔ, a mɛ́lanmun nwalaai tii. Daatɛlɛɛ pulu mun, 'gɛlɛ, mɛlaahaaɠaa di taɠa. Ɲéé kaa pai yálii bulu, yɛ bɛlɛɛ pɛlɛɛɠaa kɛlɛ.

Maafîu 26:31

Jesus ə mo nwɔ kalan nɛai diɛ, yɛ diɛ: «Ka kəlee ka káá pai lənəi mą́ą́ gbinįi ŋɛ̨i hu. Mąąhɔlɔɓo, bɛ̨ɛ̨i Yálá laawoo hɛbɛ hu, diɛ mą: ‹Di kaa pai mɛlaa pulu mun baai, ə lɛɛ, mɛlaaɠaa di taɠaa.›»

Ɉaan 8:29

Nui dɔ́ɔ́, gaa bɔ́, hvo kɛ ɲą́ą́ dɔ̨nɔ̨ nɛ́ɛ́ li. Mąąhɔlɔɓo, niiɓa lɔ ɓə gáá gɛi a yələ kəlee.»

Ɉaan 8:16

Ŋą́ mą kɛ gáá kiti teei, ŋą́ dee a tɛ̨ą. Mąąhɔlɔɓo, ɲą́ą́ dɔ̨nɔ̨ hvəə, nui dɔ́ɔ́, kwá yaa ɓə.

Markə 14:27

Jesus ə mo nwɔ kalan nɛai diɛ, yɛ diɛ: «Ka kəlee ka káá pai lənəi mą́ą́, mąąhɔlɔɓo, bɛ̨ɛ̨i Yálá laawoo hɛɓɛ́ hu, yɛ mą: ‹Gáá pai mɛlaa pulu mun baai, mɛlaaɠaa kəlee di taɠa-taɠa.›

Maafîu 26:56

Kɛlaa yili ə kɛ tii, ə gɛ, mɛ̨nįɠaai Yálá kwəi mɛ̨nį hukulɔ nuą di mo naa ə hon.» Nąąlɔwai galan nɛa kəlee di nɛɛ laa, di pu.

Ɉaan 20:10

Yili pulu galan nɛa hveelɛi tii di pənə di li di pɔɔli.

Ɉaan 16:25

«Ŋą́ mɛ̨nįɠaai tii kəlee ɓo kaa hanwon ɉu, kɛlaa, lɔwai ta kaa pai ɉəlii, və́ pai kɛa mɛ̨nį ɓoi kaa tii. Kɛlaa, yii hvilɛn na Ną́n mąą mɛ̨nį ɓa, ŋą́ mo kaa a ɉuponoɔ.

Ɉaan 16:2

Di kaa pai kɛi ka kpɛi Yálá hvɛli pɛlɛ́ɠaa mu; yələ ta kaa pai ɉəlii, nui a ka ta paa, yɛ kɛ gaa Yálá mąąwiɛi ka tii.

Ɉaan 4:23

Kɛlaa, lɔwai ta kaa pai ɉəli, mąą lɔwai aa gbɛa ɉəli, nąąlɔwai, kwɛli hvilɛn nuą kpɔ-kpɔɔɠaa, da kwɛli hvilɛn Ną́n ɓa a nwɔ Kili ɛlɛɛ da tɛ̨ą. Gwɛli hvilɛn nuą tii ɓə Ną́n Yálá kaa di pɔ.

Ɉaan 4:21

Jesus ə nwoo pulu pənə yɛ mą: «Nɛ̨ɛ̨nu, laa ná, lɔwai ta kaa pai ɉəli, ka hvo pai kɛi kwɛli hvilɛn Ɉii Ną́n Yálá ɓa, ɲee ŋɛ̨i ɓa, a wala kɛ tii Ɉerusalɛmə daai.

Ɉaan 12:23

Jesus ə di woo pulu pənə yɛ diɛ: «Nu Lon mąąwiɛi lɔwai aa həli.

Ɉaan 5:28

Mɛ̨nįɠaa ŋɛ̨i hvo ka kwəi pili kaa, yələ ta kaa pai ɉəli, hąąuą kəlee kaa pai nwoo mąn ɉii.

Ɉaan 5:25

A tɛ̨ą, a tɛ̨ą kpɔkpɔɔ gáá moi kaa: gaa pai kɛi a yələ ta, aa gbɛa mun həli, Yálá Lon nwoo a too hąąuą wəlii; yiiɠaa da mąn, da ɓalo.

Markə 14:50

Nąąlɔwai tii hu, nwɔ kalan nɛai kəlee di nɛɛ laa, di pu.

Gɛlaɠaa 8:1

Solə ə kɛ a nuąi hvaa nu paa mɛ̨nįi tii ɓa di tɔ̨nɔ̨. Mąą yələ tanɔ̨n ti, kɔ́ ɲąąnwąnąą ə pɛlɛ gbɔn ɉu nuąi kɛ Ɉerusalɛmə diɛ. Ə kulɔ gɛlaɠaa pulu, di kəlee di taɠa-taɠa Ɉude lɔi da Samari lɔi ɲɛɛkɔwɔɠaa hu.

Ɉaan 16:31

Jesus ə di woo pulu pənə yɛ diɛ: «Kaa laa kɛa na tii?

Ɉaan 19:27

Yɛ nwɔ̨nɔ̨ nwɔ kalan non ma: «Ə́ lee ka.» Ə həɠə kɛa ɲələ ɓa, galan non tii ə Mari həɠə da yaa di li.

Gɛlaɠaa 21:6

Yii kɛa kwa diɛni ku ɲələ wala too ku kee ɓa, ku tɛ gələn ɉu, diɛn di pənə diɛ li.