Ɉaan 15:27 - Yálá laawoo hɛɓɛ (dc)

²⁷ Ɛlɛɛ, kaa kpɛli, ka káá pai mą́ą́ kɛla hvaa ɓoi. Mąąhɔlɔɓo, ə həɠə gɔwɔ tɔɔ yələ ɓa, ə həli la yiihu ɓa, ka káá lɔ bɔ́.»

Yálá laawoo hɛɓɛ

²⁷ Ɛlɛɛ, kaa kpɛli, ka káá pai mą́ą́ kɛla hvaa ɓoi. Mąąhɔlɔɓo, ə həɠə gɔwɔ tɔɔ yələ ɓa, ə həli la yiihu ɓa, ka káá lɔ bɔ́.»

Bible

²⁷ ǹyaŋ káa máŋ kákaa a sêre-ŋa, kpɛ́ni fêi, ká kɛ̀ ŋ́gɔlɛ e siɣe gɔ́ɔ pîlanii.

Ɉaan 15:27 Referans Kwoze

Zɔ̂ŋ Maa-ŋuŋ 4:14

Ku wɛi, kwa mąą kɛla hvaa ɓo, kuɔ, ku gaa, ɛlɛɛ, kuɔ, Nąn ə Non dɔɔ, ə kɛ a yɛnɛ̨ɛ̨ ɓalomun.

Ɉaan 21:24

Galan non tii ɓə mɛ̨nįɠaa ŋɛ̨i mąą kɛla woo ɓoi, ɛlɛɛ, yɛ bɛ̨ɛ̨. Ku laai na, kuɔ diɛ: mɛ̨nįɠaa ŋɛ̨i ə mo, gaa a tɛ̨ą.

Lukə 24:48

Ka káá a mɛ̨nįɠaa tii kəlee nwɔ kɛla.

Gɛlaɠaa 23:11

Bulu ɓa kpini pɛlɛɛ kɛa, gu Ną́mu gbɔwɔ lɛ Polə ɓa, yɛ mą: «'Ə́ liikpələ, yaa mą́ą́ kɛla hvaa ɓo ɓɛ Ɉerusalɛmə, hvo kɛli ə́ da ɓo Romə daai.»

Piɛrə dɔlɔɔ 5:12

Ŋį́ ɉɛɓɛ́ kpuɔ lon ŋɛ̨i tɛɛi kaa, Silvɛn nwɔ kpɔnmąą háálai, yai ŋą́ gaa yɛ néélon, dələnmoɔ, gɛ́ ká hvaŋąlɔ, ɛlɛɛ, gɛ́ kɛ káá, Yálá ŋą nɛ̨ɛ̨laa kpɔ-kpɔɔ ka tii káá kąnąn mą.

Piɛrə dɔlɔɔ 5:1

Nu pɔlɔ-pɔlɔɠaai ká lɔwai, diɛ ɓə gáá di hvaŋąlɔi, ɲą́ą́i a nu pɔlɔ-pɔlɔ yɛ diɛ, ŋį́ ɓo a mɔ̨nɔ̨i tii Kristə ə mįi, mąą kɛla, mąąwiɛ laai pai tooi pono ŋą, nwɔ́ nąą kaa ɉu:

Gɛlaɠaa 4:20

Kɛlaa, ku wɛi yii ku mɛ̨n, yii ku gaa, ku hvo pai lənəi yili ɓo mɛ̨nį ɓa.

Gɛlaɠaa 1:8

Kɛlaa, ka káá pai huwalawala hɔlɔɓoi, ɓɛlɔwai Kili-Mąąhəɠɛɛ a yɛɛ la ka mɛ̨i. Nąąlɔwai, ka kɛ kɛa a nwɔ́ kɛlaɠaa, kaa mą́ą́ mɛ̨nį ɓo: Ɉerusalɛmə, Ɉude lɔi hu nąą kəlee, ə həli la Samari, yɛ li kpɔ la lɔi kpəlai.»

M̀ɛni-lɛɛi 1:9

Ɲą́ą́, ká nąn non Ɉaan, yai ká diɛni ká kaa ká kee pɔ mɔ̨nɔ̨ tanɔ̨n ɉu, dɔɔlaa hu, ɛlɛɛ, da dɔɔa nwąnąi laa hu Jesus hu, ŋą́ kɛ Patmɔsə tín ɉu, Yálá laa woo mąą mɛ̨nį ɓa, ɛlɛɛ da Jesus mąą kɛla hvaa ɓo mɛ̨nį ɓa.

M̀ɛni-lɛɛi 1:2

yai moi yɛ ə gɛɛ tii kaa, hɛa hvo ɉu, Yálá laa woo li, ɛlɛɛ, gaa a Jesus Kristə ŋą kɛla woo.

Gɛlaɠaa 18:5

Kɛlaa, yii kɛa Silasə da Timote di həɠə la Masedoanə lɔi hu di pa, Polə nwɛi, ɲee ə kɛ lɔ Yálá lawoo laa həli kóló ɓa, yɛ nɛ tii Ɉuifəɠaa diɛ, yɛ kɛ: Jesus ɓə a Nwun mąąɓomun Yálá ə naakwɛlanmo.

Gɛlaɠaa 13:31

Nuąi da diɛni di həɠə Galile lɔi hu, diɛ pa Ɉerusalɛmə, ə gbɔwɔ lɛ yiliɠaa diɛ hvoló tamąą yee mu, diɛi ti ɓə mąą kɛla hvaaɓoi nuąi a Israɛlə nuą diɛ.

Gɛlaɠaa 4:33

Kɛlaa, hɛn nɔpee kɛ di yəi, gəlee pɛlɛ kɛ gee ɓa. Gɛlaɠaai di kɛi Nąmu Jesus nwun mɛ̨nį həli a huwalawala; Yálá yɛ lúwɔ́ too di kəlee diɛ kpɔ a ɉu kɛnɛ̨.

Ɉaan 19:35

Nui mɛ̨nįi ŋɛ̨i nąą kaa, ya ɓə mąą kɛla hvaa ɓoi; mɛ̨nįi tii yaan ə mo, gaa a tɛ̨ą. Ə gɔlɔn yɛ tɛ̨ą ka tii ə mo, ya ɓə a gɛ kaa kpɛli ka laa na.

Gɛlaɠaa 3:15

Bələ ɓə ka yɛnɛ̨ɛ̨ Ną́mu paa la. Kɛlaa, Yálá ə gulɔ haaɓɛlaa lɔwai, a vulú; ku kaa a mąą kɛla.

Markə 1:1

Nwɛlɛɛ lɛlɛɛi vilɛn ŋąąi Yálá lon Jesus Kristə ɓa, gbala tɔɔi ka.