Ɉaan 15:24 - Yálá laawoo hɛɓɛ (dc)

²⁴ Ə li kɛ və́ pa, və́ kpalo mɛ̨nįɠaa kɛ di lɔwai, yii nui lɔpee ta hva pɛli gɛi, nɛ̨ŋɛ̨n və li kɛ diɛ. Kɛlaa, yiihu kɛa, daa mɛ̨nįɠaa tii kaa, diɛ ku wɛli kpɛɛ mąą laa kulɔ a kuɔ, ɲą́ą́ kwa Ną́n.

Yálá laawoo hɛɓɛ

²⁴ Ə li kɛ və́ pa, və́ kpalo mɛ̨nįɠaa kɛ di lɔwai, yii nui lɔpee ta hva pɛli gɛi, nɛ̨ŋɛ̨n və li kɛ diɛ. Kɛlaa, yiihu kɛa, daa mɛ̨nįɠaa tii kaa, diɛ ku wɛli kpɛɛ mąą laa kulɔ a kuɔ, ɲą́ą́ kwa Ną́n.

Bible

²⁴ Eêi kɛ̀ fé díi kɛ́ ni dísama nyii núu da fe tá gɛ níi, dísɔŋ fei kɛ̀ dîa. Kɛ́lɛ, da nâa díkaa, da ŋ́gbɔara kwa Ńâŋ.

Ɉaan 15:24 Referans Kwoze

Ɉaan 14:9

Jesus yɛ mą: «Filipə gwa gaa ni gwaa lɔwai tamąą kɛ gu kee ɓa, ya ɓə hvo gɔ́lɔ́n? Nui a gáá, a kɛ tii aa Ną́n gaa. Lə mɛ̨nį ɓa ə́ kaa kɛi mą́ą́: ‹ə́ Ną́n nɛ kuɔ?›

Ɉaan 5:36

Kɛlaa, nwɛ́i, nwɔ́ kɛla hvaai kɛnɛ̨i dɛɛ Ɉaan ɓa. Golóɠaai Ną́n ə dɔ́ɔ́ yɛ ŋį́ gɛ, yai gáá di kɛi, diɛ ɓə mą́ą́ tɛ̨ą ɓoi, diɛ Ną́n mə dɔ́ɔ́.

Ɉaan 10:37

Akɛ ŋą wala ną́n Yálá kɛ kólo kɛ, ka hvo laa ná.

Ɉaan 10:32

Jesus ə pənə ə mo diɛ, yɛ diɛ: «Ŋą́ą́ mɛ̨nį lɛlɛɛ tamąą kɛ kaa, yii ŋį́ həɠə la ną́n bɔ; mɛ̨nįɠaa tii, nɛlɛ ɓə ka káá bɔ ka Ɉɔ́ɔ́ mąą mɛ̨nį ɓa?»

Ɉaan 9:32

Gu hvo ta mɛ̨n ni li diɛ kɛ, di nu ta kaa ɲɛ̨ipuɔ, nu ta aa ɲɛ̨i hvolon.

Ɉaan 7:31

Nu kpului tii lɔwai, nu tamąą di laa Jesus la, diɛ kɛ diɛ: «Ɓɛlɔwai nwun mąąɓomun a pa pai, gaa mɔ̨ɔ̨ pai kpalo mɛ̨nį kɛi ə tɛɛ ɉulɔnui ɓa?»

Ɉaan 3:2

Ə pa a kpinį Jesus pɔ, yɛ mą: «Mąąkwɛli kɛmun, ku gɔlɔn kuɔ Yálá ɓə ə́ kɛ a mąąkwɛli kɛmun, mąąhɔlɔɓo, mɛ̨nįɠaai ŋɛ̨i ə́ kaa gɛi, nu hva pɛli hvo gɛ, akɛ.»

Maafîu 9:33

Jesus ə ɲį́nɛ̨n tii kpɛ. Ɉulɔnui tii yɛ kɛa hvaa. Nu kpului tii kəlee kwəi ə pili diɛ, diɛ kɛ: «Ee! Ku hvo ta yii mąą mɛ̨nį ɲɔ̨nwɔ̨mą da kaa li, Israɛlə lɔi hu.»

Dutɛrɔnome 5:9

«Ka hvo kwɛli hvilɛn ɉɛnŋąąi tii ta ɓa, ka hvo tí diɛ; mąąhɔlɔɓo Ɲą́ą́ Yai-Laa ka wɔ Yálái, gáá a Yálá tolɔɔ, nuąi da kɛ wɛli kpɛɛ mąą laa kulɔi a ɲą́ą́, ŋą́ di wɔ nɛ̨ŋɛ̨nŋąą pɔɔ kulɔ di lonnii diɛ, ə mą kɛ mąnįn bulu mąnįnɠaa diɛ.

Zĩi 4:4

Ká kwəi hvo kwələ li! Ká hvo gbaɠala kɔlɔn, káá kɛ, yɛnɛ̨ɛ̨ wɛli la kɛɛ, kaa a kɔ́ pɛlɛɛ Yálá ɓa? Nui a yɛnɛ̨ɛ̨ wɛlila kɛ, gaa a Yálá ɲowo.

Timote veelɛ 3:4

a nu ɓowo nuą, di liikələnŋąą di kwəi, kpɔwɔ ɲąąkɛnɛ̨ aa di ɲɛ̨i pu, di liiɓa mɛ̨nį wɛli ə ɓo diɛ, dɛɛ la Yálá nwɛi ɓa;

Lomaŋ 1:30

Diɛ hiɛ nɔwai kɛ, di laa pələ ɓoɔɔ, diɛ ɓo a Yálá ɲowo, di woo ɲɔ̨nwɔ̨ɔ̨, di huɲąŋą kɛnɛ̨, di ɲɛ̨i tɛɛ, di yɛlɛɛ mɛ̨nį ɲɔ̨n bɛlii, ɛlɛɛ, di kwɛli tiɛɛ di kaa nuą yəi, di kili kpɛɛ di yəi.

Gɛlaɠaa 10:38

Jesus ti həɠə Nazarɛtə, bələi Yálá ə ɉəɠə la ɉu ə maati a Kili-Mąąhəɠɛɛ da huwalawalalaa, ə tɛɛ kɛɛ nąą kəlee ɓa, yɛ mɛ̨inɛ̨ɛ̨ kɛ, nuąi kpɔ kɛ nąnį yee kɔnma yɛ di ɓalo, mąąhɔlɔɓo, Yálá ə kɛ bɔ.

Gɛlaɠaa 2:22

«Kaai ɓaa Israɛlə nu huwu, ka ka wəli tɔɔ nwoo ɓa: Jesus Nazarɛtə mun ŋɛ̨i Yálá ə nwɔ huwalawala lɛ kaa; mąąhɔlɔɓo, Yálá ə kpalo mɛ̨nį tamąą kɛ da kwəi pilimąą mɛ̨nįɠaa yaa ɉaalai ka lɔwai, yɛ pələi kaa kpinįi ka kili kaa la ɉu.

Ɉaan 12:45

Nui a gáá, aa nui dɔ́ɔ́ gaa.

Ɉaan 6:36

Kɛlaa, ŋą́ą́ mo kaa, kaa gáá, ə mą kɛ tii, ka hvo laai ná.

Lukə 24:19

Jesus yɛ diɛ: «Lə mɛ̨nįɠaa li?» Di nwoo ŋąąpənə diɛ mą: «Mɛ̨nįi ŋɛ̨i həli Jesus Nazarɛtə mun ma, yaa ŋɛ̨i kɛ a Yálá kwəi mɛ̨nį hukulɔ mun gɛnɛ̨, gɛ koló da vaa wooɠaa kəlee hu Yálá ɲɛ̨i ɓa da nuą kəlee.

Markə 2:12

Ɲąąɓa, ɉulɔnu tii ə́ muhəɠə, ə li ɲei bɛlɛ́ laaləi. Nu kpului tii kɛ laa di kəlee di ɲɛ̨i ɓa. Di kəlee di kwəi ə́ pili diɛ, diɛ mąąwiɛ tɛɛ Yálá pɔ, diɛ kɛ mą: «Ku hvo ta mɛ̨nįi ŋɛ̨i ɲɔ̨nwɔ̨mąn da kaa li.»

Maafîu 21:32

Mąąhɔlɔɓo, Ɉaan ə pa ə tɛ̨ą hu hiɛ ɓo pələ lɛ kaa, ka hvo laa na. Kɛlaa, niihɔ̨nwɔ̨ kulɔ nuą da wɛli hon nuą di laa na. Ka wɛi, pələi mąn ka mɛ̨nįɠaa tii kaa la, ka hvo ka túwɔ́ pələ ɲɔ̨nwɔ̨ɠaa mąąhvelən ni ka hvo laa na.»

Maafîu 11:5

Kaa mą: Ɲɛ̨ipu nuą kaa kɛɛ kaai, kɔ́wɔnwąną nuą diɛ hiɛ, hvólóɲɔ̨n gɛ nuą kɔ́lɔi aa pono, di mąą aa həɠə, wəlitini nuą diɛ mɛ̨nį mɛ̨n, haaɓɛlaa diɛ nwun. Nwɛlɛɛ lɛlɛɛ laa aa həli yeehvowolo nuą diɛ.

Hanwon 8:36

Kɛlaa, nui a ɓaɠaɓo mą́ą́, a kɛ tii gaa gbɔwɔ nwąnąi. Nuąi nwɛ́li kpɛɛ diɛ, haa ɓə nwɛli kaa diɛ.»

Mąątɛ̨nɛ̨ 81:15

ŋą́ą́ mą kɛ nɛɛ mą, ŋą́ą́ ɲowoɠaa ɲɛ̨i paa, gɛ́ ɲéé pɛlɛ nuąi daa hee di mɛ̨i, diɛ.

Lɛɛ gbɔwɔ ɓa 20:5

'Hvó pɛlɛ da lííla, hvo kwɛli hvilɛn diɛ; Mąąhɔlɔɓo, ɲą́ą́ Yai-Laa ka wɔ Yálá, gáá a Yálá tolɔɔ, nuąi da yowolaa kulɔ a ɲą́ą́, ŋą́ gwələ kulɔ di lonnii diɛ, da yiliɠaai di wɔɔ mąnįn bulu mąnįnŋąą diɛ.

Ɉaan 12:10

Ɉaláá laa həli nuą kpɛa-kpɛa di Lazarə baa mɛ̨nį kili tee di kwəi.

Ɉaan 9:41

Jesus yɛ diɛ: «Ə li kɛ ka ɲɛ̨ipuɔi kɛ, nɛ̨ŋɛ̨n və li kɛ kaa. Kɛlaa, kɛi ka moi yiihu ka kaai, ka wɔ nɛ̨ŋɛ̨nŋąą kaa lɔ kaa.»

Ɉaan 15:21

Kɛlaa, di kaa pai mɛ̨nįɠaa tii kəlee kɛi a kaa, náá mąą mɛ̨nį ɓa. Mąąhɔlɔɓo, nui dɔ́ɔ́ di hvo gɔlɔn.

Ɉaan 15:22

Ŋą́ wala kɛ pa, Və́ mɛ̨nį ɓo diɛ, nɛ̨ŋɛ̨n vəli kɛ diɛ; kɛlaa yiihu kɛa, woo hukulɔ ta lɔpee hvo di la, di wɔ nɛ̨ŋɛ̨nŋąą mąą mɛ̨nį ɓa.

Ɉaan 15:23

Nui nwɛ́li a kpɛɛ mą, a kɛ tii Ną́n nwɛli aa kpɛɛ mą.

Ɉaan 16:9

Da kɛ di kpɔwɔ ɓowoi nɛ̨ŋɛ̨n mɛ̨nį hu, mąąhɔlɔɓo, di hvo laa li ná.