Bib sou entènèt

Ɉaan 15:16 - Yálá laawoo hɛɓɛ (dc)

¹⁶ Kaa hvəə ɉə́ɠə́ ɉu, ɲą́ą́ ɓə ka həɠə ɉu, ŋį́ ka kɛ a nwɔ́ tínuą, ə gɛ, ka ɓai, ə lɛɛ ka yəi; ya ɓə a gɛ, yii lɔpee ka vɛli Ną́n mą náá hu, ə dɛɛ ka pɔ.

Gade chapit la Kopi

Yálá laawoo hɛɓɛ

¹⁶ Kaa hvəə ɉə́ɠə́ ɉu, ɲą́ą́ ɓə ka həɠə ɉu, ŋį́ ka kɛ a nwɔ́ tínuą, ə gɛ, ka ɓai, ə lɛɛ ka yəi; ya ɓə a gɛ, yii lɔpee ka vɛli Ną́n mą náá hu, ə dɛɛ ka pɔ.

Gade chapit la Kopi

Bible

¹⁶ Káfe ńziɣe ni. Kɛ́lɛ, ŋá kásìɣe ŋá kálɛ a gɛɛ ká lí ká ƃa a gɛɛ ǹyaŋ káƃa é lɛ́ɛ. A gɛɛ sɛŋ kélee ka m̀are-kɛ̂ɛ kɛ̀ Nàŋ-nuui ma ńaai sui é dɛɛ kápɔ.

Gade chapit la Kopi

tounen moute ⬆

Ɉaan 15:16
57 Referans Kwoze

Ɉaan 15:19

Ka kɛ kɛ a yɛnɛ̨ɛ̨ nwɔɔi, yɛnɛ̨ɛ̨ ə li ka wɛli la kɛ. Nuąi di kaa a yɛnɛ̨ɛ̨ nwɔɔ, diɛ ɓə yɛnɛ̨ɛ̨ a di wɛli la kɛ. Kɛlaa, ɲą́ą́ ka ɉəɠə ɉu, ŋą́ą́ ka kulɔ yɛnɛ̨ɛ̨ hu. Ka hvo kɛa a yɛnɛ̨ɛ̨ nwɔɔ, mɛ̨nįi yɛnɛ̨ɛ̨ hvo pai ka wɛli la kɛi la yaa li.

Ifisiɛŋ 2:10

Gbala ə tɔɔ, Ya ɓə gu pɛli, ə gu pɛli Jesus Kristə hu, kóló lɛlɛɛɠaa kɛ mɛ̨nį ɓa, a gólóɠaa tii Yálá ə di hee gu tɔwɔ, guɔ pɛli gɛ mɛ̨nį laai gu nwuɔ̨.

Lukə 6:13

Yələ wala pɔ, ə galan nɛa kəlee təli, ə nu pow kɔ́w hveelɛ yɛɠɛ ɉu, ə di laa hee a kɛlaɠaa.

Galatə 1:15

Kɛlaa, nui ɉə́ɠə ɉu, néé kwəi, ə ɉéé a déé, yai də́li ŋą nɛ̨ɛ̨laa pɔ pələ, ə naa gwəi,

Zɔ̂ŋ Maa-ŋuŋ 4:19

Gu wɛi, gwa nwɛlila kɛ gbala ə tɔɔ, Yaa ɓə gbɛa gu wɛlila kɛ tɔlɔɔ.

Gɛlaɠaa 22:14

Yɛ nwɔ̨nɔ̨ mą́ą́: ‹Gu nąnni di wɔ Yálá ə gbɛa ə́ həɠə ɉu, ə ə́ kɛ a niiɓa kɔ́lɔn mun; ə́ dələnmomun ti kaa, ə́ nwoo mɛ̨n.

Timote veelɛ 2:2

Mɛ̨nįɠaai ə́ mąąkwɛli ɲə́i, kɛla tamąą ɲɛ̨i ɓa, 'lí, ə́ galihvaɓo tələnmo nuą diɛ, diɛi da pɛli di nu takpɛliɠaa mąąkwɛli mą, diɛ kpɛli.

Ɉaan 13:18

Və́ bələi ŋɛ̨i ɓoi a ka kəlee ka mąą mɛ̨nį, yiiɠaa ŋą́ di həɠə ɉu a nííɓa, ŋą́ di kɔ́lɔn. Hvo kɛ li mɛ̨nįi bɛ̨ɛ̨ Yálá laawoo hu bɔ mɛ̨nį ə kɛ; yaai ə kɛ mą: ‹Nui ŋɛ̨i kwa yaa ku yee kaa kɔ́wɔ tɔ̨nɔ̨ hu, aa muɠəɠə náá ɓa.›

Ɉaan 6:70

Jesus ə di woo pulu pənə yɛ diɛ: «Ka nu pow kɔ́w hveelɛ ŋɛ̨i, kɛlɛi ɲą́ą́ ɓə ka həɠə ɉu? Kɛlaa yaamun, nu tɔ̨nɔ̨ kaa ka lɔwai a nąnį.»

Piɛrə dɔlɔɔ 3:15

Kɛlaa, 'ká Kristə mąąhəɠə ká nįį hu, yai a gu Nąmu. 'Ká hɛ̨ą ə kɛ lɔ a ɲiliɛ a yələ kəlee, káá pɛli ká wɔɔ kilitɔɔmąą laa hukulɔi nuąi da ka mąąni kɛ diɛ.

Mąątɛ̨nɛ̨ 71:18

Bələi mąn ŋą́ą́ pɔlɔ la nwún aa powa, Yálá, 'hvó ə́ kili kulɔ ɉú hvó nɛ́ɛ́ gbɔ́wɔ yee kɔ́nma; 'gɛ, gɛ́ pɛli ə́ wɔ huwalawala kɛ mɛ̨nįɠaa hukulɔi nuąi yɛnɛ̨ɛ̨ yiihu diɛ, da nuąi pai lɛɛi di pulu, ŋį́ ə́ wɔ kpakololaa lɛ diɛ.

Zɔ̂ŋ Maa-ŋuŋ 4:10

Nwɛlikɛmąą laa tii ka: Guɔ hvəə Yálá wɛlila kɛ, Yaa tii ɓə gu wɛlila kɛ, ɛlɛɛ, ə Non dɛɛ a gu wɔ nɛ̨ŋɛ̨nŋaa waa halaa hɛn.

Hanwon 11:30

Tələnmomun dúwɔ́ pələ a ɓá a yɛnɛ̨ɛ̨, kilimąą mun nwoo yɛ nuą líi hon.

Gɛlaɠaa 1:24

Yili pulu, nuą kəlee di bɛlɛ gee ɓa di Yálá hvɛli, diɛ kɛ mą: «Ną́mu Yálá, yɛ́i ə nu lii hu mɛ̨nį kɔ́lɔn, nu hveelɛi ŋɛ̨i, dɔ̨nɔ̨ həɠə ɉu,

Azaya 27:6

Voló yiɠaai pai pai, Ɉakɔbə hamuɠaa kaa pai ɓɔn ɉi, Israɛlə kaa pai powai, dɛlinŋąą diɛ kulɔ, gaa pai yɛnɛ̨ɛ̨ laa hvɛɛi a ma.

Piɛrə dɔlɔɔ 3:2

diɛ ká tuwɔ pələ mąąhəɠɛɛ tii mąąwiɛ.

Lomaŋ 15:4

Yaan mɛ̨nįɠaai kpɔ bɛ̨ɛ̨ Yálá lawoo hɛɓɛ́ hu, di gəlee pɛ̨ɛ̨ gu mąąkwɛli mɛ̨nį ɓa. Ya ɓə a gɛ, liikpələ da hvaŋąlɔi Yálá lawoo a dɛɛ gu pɔ ɉaalai, gu kilitɔɔmąąlaa hɔlɔɓo.

Gɛlaɠaa 9:15

Kɛlaa, gu Ną́mu yɛ mą: «'Li, mąąhɔlɔɓo, ŋą́ą́ ɉəɠə ɉu a níiɓa, a nwɔ́ kóló kɛ hɛn, yɛ pɛli náá mąą kɛla hvaaɓoi huwu takpɛliɠaa da tɔɔɓɛlaa diɛ, ə mą kɛ, Israɛlə lonnii.

Maafîu 21:22

Akɛ ka laa Yálá la, yii lɔpee ka vɛli mą a dɛɛ ka pɔ.»

Mąątɛ̨nɛ̨ 145:4

Di kaa lɔ pai kɛi ə́ kɛ mɛ̨nįɠaa mąątɛ̨nɛ̨i, kwɛlan gəlee da nwɔɔ, diɛ ə́ wɔ kúláálaa hukulɔ.

Timote veelɛ 1:11

Ɛlɛɛ, yili mąą mɛ̨nį ɓə, ɲą́ą́ ŋɛ̨i di gɛ́ la, a kúláá, a kɛla, da mąąkwɛli kɛmun.

Korɛntə dɔlɔɔ 10:11

Mɛ̨nįɠaai kpɔ tii di gɛ, di yiliɠaai pɛ̨ɛ̨, ə gɛ, ə kɛ a mɛ̨nį kɔɔn mąą, di bɛ̨ɛ̨, gu mąąkwɛli mɛ̨nį ɓa, guɔi gu kaa lɛɠɛi ɲɛ̨nɛ̨ɛ̨ ɲąąkpɛɛi lɔwai ŋɛ̨i ɓa.

Lomaŋ 9:21

Ləɠi-tɔɔmun hva pɛli niiɓa kɛi a ŋą ləɠi-pɔlɔi? A da kɛ a yáləɠi, ə da kɛ a ləɠi lon.

Zĩi 3:18

Tələnmo laa ɓá a hin liilaa hu, nuąi liilaa kwɛli di yəi.

Hebreu 11:4

Laa na laa háálai ɓə gɛ, Abɛlə yɛ haláá lɛlɛɛ kulɔ la Yálá ɓa, ə tɛɛ la Kain nwɛi ɓa. Laa na laa háálai, di mąą kɛla hvaa lɛlɛɛ ɓo, diɛ mą: Dələnmoɔi kɛ. Mąąhɔlɔɓo, Yálá kpinįi ə ɲee hee nwɔ haláá hɛn mu. Abɛlə nwɔ laa na laa mąą mɛ̨nį ɓa, bələi mąn, aa haa la, a kɛ lɔ nii hvaai.

Taitɔ 1:5

Titə, ŋį́ ə́ lɛɛ Krɛtə lɔi hu, ə gɛ, mɛ̨nį yiiɠaai aa lɛɛ, ə́ di hvilɛn ginɛ̨ ɓa. Ɛlɛɛ, ə́ nu pɔlɔɠaa hee gbɔn nwun na daa kpɛa-kpɛaa hu, yɛ bələi ŋą́ mąą liɛwoo tɛɛ la ə́ pɔ.

Kolosə 1:6

yai pa ə həli káá; bələi lɔ gaa kɛ mɛ̨nį kɛi la, ɉu yɛ kɛnɛ̨, yɛnɛ̨ɛ̨ nąą kɔlɔ kəlee, bələ lɔ ɓə a gɛ la ká lɔwai, ə həɠə ɲələ ká ká yee hee la mu, ká gɔlɔn ŋą tɛ̨ąi hu, a Yálá ŋą mɛ̨inɛ̨ɛ̨,

Lomaŋ 1:5

Yaa ɉaalai ɓə ŋį́ kɛ la nwɔ kɛla ə gɛ, huwu kəlee di kɛ nwoo mu laa na laa háálai.

Gɛlaɠaa 10:41

hvo kɛ gbɔwɔ lɛ li nɔi nuą kəlee diɛ, kɛlaa, gɛlaɠaai Yálá ə gbɛa di həɠə ɉu diɛ ɓə, a kuɔi ŋɛ̨i, nwunŋąa pulu kwa diɛni ku kɔ̨nɔ̨n mįi gee ɓa, ku ku kpələ.

Timote dɔlɔɔ 2:7

ɛlɛɛ, yili mąą mɛ̨nį ɓə, di gɛ́ la, ɲą́ą́, a kúláá da kɛla; gáá tɛ̨ą ɓoi, və́ lɛɛ kɛi, gáá a huwu takpɛliɠaa mąąkwɛlimun, laa na laa hu da tɛ̨ą.

Kolosə 1:23

Kɛlaa, hvo kɛli, laa na laa háálai, ká kanąn mą, 'ká ɉon kpɔ kpąą, 'ká hvo nɛɛ laa, di hvo ká mąąkwɛa nwɛlɛɛ lɛlɛɛ ŋą kilitɔɔmąą laa ɓa, yai ká mɛ̨n; a yai, di naa həli pɛli-hɛn gəlee ɓa yələkɔlɔn mu nąą kəlee, yaa tii ɓə, ɲą́ą́ Polə ŋą́ kɛ a ŋą tímun.

Mise 5:7

Nąąlɔwai, Ɉakɔbə nu kpəli woloi pai lɛɛi, gaa pai kɛi lɔiɠaa hu, nu huwu tamąą lɔwai, yɛ yala, lɔwɔ huwɔɠaa lɔwai, yɛ yala lon, ɓɛlaa kpulu lɔwai, dɛɛ pələ tɛitɛi, a ɓɔlɔ́n di mɛ̨i, yɛ di hon ɛlɛɛ nu hva hɔlɔɓo, yɛ di kulɔ ɲəi.

Zɛnɛse 18:18

Abrahamə kaa pai kɛi a nu kpulu huwalawalaa tamąą di nąn, Abrahamə pɔ pələ ɓə gáá pai lúwɔ́ tooi la lɔi mɛ̨i hį́iɠaa kəlee diɛ.

Lomaŋ 1:13

Nąn nonnii, gáá bɔ ka gɔlɔn kaa diɛ: ŋį́ kɛ kpɔlɔɔ ka pɔɔli kiliŋąhiɛ kɛi a yələ kəlee. Kɛlaa, mɛ̨nįɠaa da kɛ kpɔlɔɔ kpɛ̨ąn ɉii ɉu. Ŋą́ kɛ bɔ gɛ́ kólo dɔlɔ ə kɛ mą ka yəi, kaai ka hvo a Ɉuifəɠaa, yɛ bələi gaa kɛi la huwu takpɛliɠaa pɔɔli.

Gɛlaɠaa 1:8

Kɛlaa, ka káá pai huwalawala hɔlɔɓoi, ɓɛlɔwai Kili-Mąąhəɠɛɛ a yɛɛ la ka mɛ̨i. Nąąlɔwai, ka kɛ kɛa a nwɔ́ kɛlaɠaa, kaa mą́ą́ mɛ̨nį ɓo: Ɉerusalɛmə, Ɉude lɔi hu nąą kəlee, ə həli la Samari, yɛ li kpɔ la lɔi kpəlai.»

Maafîu 7:7

«Ka vɛli, da dɛɛ ka pɔ. Ka gwɛli, ka ɉɔlɔɓo. Ka gbon gɛlɛ, da naaɓo ka tɔwɔ.

Ɉaan 15:5

«Ɲą́ą́ ɓə gáá a nwulu, kaa ɓo a nwonwoɠaa. Nui a kanąn mą́ą́, ɲą́ą́ gbɛli ŋą kanąn mą, a ɓa a damąą. Mąąhɔlɔɓo, ka wala kanąn mą́ą́, ka hva pɛli mɛ̨nį lɔpee ta kɛi.

Swiv nou:

Lyen patwone

Piblisite

Piblisite