Ɉaan 15:12 - Yálá laawoo hɛɓɛ (dc)

¹² Nwɔ́ tíɓoi ka: 'Ka ka kee wɛli la kɛ yɛ bələi ŋį́ ka wɛli la kɛ la.

Yálá laawoo hɛɓɛ

¹² Nwɔ́ tíɓoi ka: 'Ka ka kee wɛli la kɛ yɛ bələi ŋį́ ka wɛli la kɛ la.

Bible

¹² Ŋátɔ̂ŋ ká ŋi a gɛɛ ka kákîe-ni wɛli, yɛ̂ɛ berei ŋa káwɛli lai.

Ɉaan 15:12 Referans Kwoze

Zɔ̂ŋ Maa-ŋuŋ 4:21

Ɛlɛɛ, díɓoi ku ɉɔlɔɓo ɲəi, ya ka: Nui Yálá wɛli kaa mą, 'ə nąn non nwɛlila kɛ.

Ɉaan 13:34

Gáá nwɔ̨nɔ̨ tíɓo nįnɛ̨ tɛɛi ka pɔ, ya ɓaa: Ka ka kee ni wɛli la kɛ yɛ bələi ŋą́ ka wɛli la kɛ la.

Piɛrə dɔlɔɔ 4:8

Mɛ̨nį kəlee hu, 'ká ká keeni wɛlilakɛ, mąąhɔlɔɓo, wɛlikɛmąąlaa a nɛ̨ŋɛ̨n damąą mɛ̨i kpulu.

Zɔ̂ŋ Maa-ŋuŋ 3:23

Ɛlɛɛ, nwɔ tíɓoi ka: 'Ká kąnąn Non Jesus Kristə ɓa a laa na laa, ɛlɛɛ, gu gu keeni wɛlila kɛ; yɛ bələi Yaa tii a Jesus ə gu tí la.

Lomaŋ 12:10

Gɛ́, lee-lon nwɛlikɛmąąlaa ə ka yili ka kee ɓa, ká wɛlikpɛɛmąąlaa kpɛ ká lɔwai.

Ifisiɛŋ 5:2

'Ká ɲɛnɛ̨ɛ̨ kɛ wɛlikɛmąąlaa hu, yɛ bələi Kristə ə gu wɛlila kɛ la, ə gbɔwɔ kulɔ a halaa, mąą kun nɛ̨ɛ̨ Yálá ɓa, gu mąą mɛ̨nį ɓa.

Piɛrə dɔlɔɔ 3:8

Yili pulu, ká kəlee ka wɔ kiliŋąhiɛ ə kɛ tanɔ̨n, 'ká kwəi mɛ̨nį ə kɛ tanɔ̨n, lee-lon nwɛlikɛmąą laa, ɲɛ̨imąąwɛlikaa da kpɔwɔ mąą yɛɛ laa ə kɛ ka yəi ka keeni mąą mɛ̨nį ɓa.

Piɛrə dɔlɔɔ 1:22

Káá ká nįį mąąhəɠə, a lɛɛi ká mo tɛ̨ą woo pulu, əgɛ, ká wɛlikɛmąą laa kɛ, hva kɛ a tɛ ɲɛ̨i mɛ̨nį. 'Ká ká keeni wɛli la kɛ kani, a kwəi kwələ laa, 'ká hvįi hvo kpɛɛ,

Tɛsalonikə dɔlɔɔ 4:9

Yii hvilɛn na lee-lon naa wɛlikɛmąą ɓai, ku mą wala mąą mɛ̨nį ta ɓo káá; hvó gaai, ká keeni wɛli la kɛ mɛ̨nį, káá kpinįi káá yili mąąkwɛli Yálá yəi,

Tɛsalonikə dɔlɔɔ 3:12

Nwɛlikɛmąąlai gaa ká yəi ká keeni mąą mɛ̨nį ɓa, gu Nąmu ə gɛ, ɉu ə kɛnɛ̨, ɉu ə ɓɔlɔ, nu takpɛliɠaa mąą mɛ̨nį ɓa, kpɔlɔɔ yɛ bələi kwaa ká wɛlila kɛ la.

Tɛsalonikə veelɛ 1:3

Ną́n nonnii, mąąnɛ̨ɛ̨ ku Yálá mąmąɓo a yələ kəlee ká mąą mɛ̨nį ɓa, ɛlɛɛ, yili kpɔ ɓə bɛliɛ ɉu, gbala ə tɔɔ, ká wɔɔ laa na laa kaa lɔ yɛ tɛ tɔwɔ, ɛlɛɛ, nwɛlikɛmąą laai ká yəi ka kee mąą mɛ̨nį ɓa, ɉu kaa lɔ mą yɛ kɛnɛ̨ ká kəlee ká yəi;

Malasi 1:2

Yai-Laa ə mo wɔ nuąi diɛ, yɛ diɛ: «Ká wɛlikaa mą́ą́.» Ká mą́ą́nįn gɛ, kaa kɛ mą: «Lə ɓə kwa pɛli gɔlɔn ɉi la, kuɔ kɛ: ku wɛli kaa yɛ́?» Yai-Laa yɛ diɛ: «Kɛlɛi Ɉakɔbə niɛ ɓa kɛ a Esau-e? Bələi mąn ə kɛ la tii, ŋą́ Ɉakɔbə wɛlilakɛ,

Ɉaan 15:17

Yii gáá ka tíi la, ya ɓaa: ka ka keeni wɛli la kɛ.

Zɔ̂ŋ Veerɛi 1:5

Yiihu kɛa, Bɛlɛ́-lee-nɛ̨ą, və́ tíɓo nįnɛ̨ mąą mɛ̨nį pɛ̨ɛ̨i, gɛ́ dɛɛ yɛ́, kɛlaa yii gaa kɛ gu yəi a gɔwɔ tɔɔ yələ, yaa lɔ ɓə, gáá ɉu vɛlii yɛ́, 'ká gu gu keeni wɛlila kɛ,