Ɉaan 14:6 - Yálá laawoo hɛɓɛ (dc)

⁶ Jesus yɛ mą: «Ɲą́ą́ ɓə gáá a bələ gɛ́ ɓo a tɛ̨ą, gɛ́ ɓo a yɛnɛ̨ɛ̨ kpɛɛ hvo mą. Nu ta hva pɛli lii Ną́n Yálá pɔɔli akɛ hvo tɛɛ li ɲą́ą́ bɔ pələ.

Yálá laawoo hɛɓɛ

⁶ Jesus yɛ mą: «Ɲą́ą́ ɓə gáá a bələ gɛ́ ɓo a tɛ̨ą, gɛ́ ɓo a yɛnɛ̨ɛ̨ kpɛɛ hvo mą. Nu ta hva pɛli lii Ną́n Yálá pɔɔli akɛ hvo tɛɛ li ɲą́ą́ bɔ pələ.

Bible

⁶ Zîsɛ e mò ma, ǹyɛɛi, “Ńyãa ƃa berei, dɔ̃yâi, da vulu-laai; núu da fa pâ Nàŋ-nuui pɔ fɛ̂ɛ ńzârai.

Ɉaan 14:6 Referans Kwoze

Gɛlaɠaa 4:12

Ɓalo mɛ̨nį lɔpee ta hva hɔlɔɓo pələ takpɛli, ə kulɔ yaa ti bulu, gbala ə tɔɔ, laa ta kpɛli hvo yələkɔlɔn mu, ə ɓo nuą yəi, yai mąąnɛ̨ɛ̨ di tɛɛ la diɛ pɛli ɓaloi ɉaalai.»

Ɉaan 10:9

Ɲą́ą́ ɓə gáá a bɛlɛ́ laaləi, nui a tɛɛ bɔ́ɔ́ li pələ, nwun mąą a ɓo. A lɔ, yɛ kulɔ, ə lɛɛ, yɛ kɔ̨nɔ̨n ɉɔlɔɓo.

Ifisiɛŋ 2:18

Ɛlɛɛ, Kristə háálai ɓə, guɔ mąn, diɛi tii mąn, gwa pɛli lɛɠɛi la gu Nąn Yálá ɓa, Kili-Mąąhəɠɛɛ tanɔ̨n ti hu.

Ɉaan 1:4

Nwoo tii ɓə yɛnɛ̨ɛ̨ kpɛɛ hvo mą kaa ɉu, ɲiipoo tii ɓə a nuą di wɔ kɛɛ pono.

Zɔ̂ŋ Maa-ŋuŋ 5:20

Gu gbaɠala kɔlɔn guɔ Yálá Lon ə pa ɛlɛɛ, ə kili tɛɛ gu pɔ, ə gɛ, gu Dɛ̨ą kɔlɔn. Ɛlɛɛ, gu kaa kɛa Dɛ̨ą hu, Non Jesus Kristə hu. Yaa tii ɓə a Dɛ̨ą, yaa ɓə a Yálá, ɛlɛɛ, a yɛnɛ̨ɛ̨i kpɛɛ hvo mą.

Ɉaan 1:14

Nwoo tii, ə nu kɔ́lɔ həɠə, kwa diɛni ku yɛnɛ̨ɛ̨ kɛ gee pɔ, naa hvɛɛ a mɛ̨inɛ̨ɛ̨ da tɛ̨ą, ku nwɔ mąąwiɛ kaa yɛ bələi Lon gɔw tɔ̨nɔ̨ gbən a mąąwiɛ hɔlɔɓo la Nąn ɲəi.

Ɉaan 1:17

Gu Yálá nwɔ tɔ́n ɉɔlɔɓo Moisə háálai. Kɛlɛɛ, gu mɛ̨inɛ̨ɛ̨ da teŋą hɔlɔɓo Jesus Kristə háálai.

Hebreu 7:25

Ɛlɛɛ, nuąi da di mąąlɛɠɛ Yálá ɓa, yaa ɉáálai, a pɛli mą ə di nwun mąąɓo, gbala ə tɔɔ, yaa tii gaa lɔ laa a yələ kəlee, yɛ di mąą mɛ̨nį laa həli a nɛlɛɛ kɔlɔi.

Ɉaan 8:32

Ka káá pai tɛ̨ą kɔ́lɔn ɉii, dɛ̨ą tii kaa pai ka nwun mąąɓoi.»

Piɛrə dɔlɔɔ 3:18

Hvó gaai, Kristə kpinįi, yaa tii a tələnmomun, ə mɔ̨nɔ̨ mįi nɛ̨ŋɛ̨nŋaa mąą mɛ̨nį ɓa, lɔ tanɔ̨n gbən, nuąi di hvo tələnmo li, di mąą mɛ̨nį ɓa, ə gɛ, ə ká mąą lɛɠɛ Yálá ɓa, yai di gɔlɔ paa, kɛlaa, Kili-Mąąhəɠɛɛ ə gɛ a vulú.

Ɉaan 5:21

Bələi lɔ Ną́n a haa nuą nwun na, yɛ yɛnɛ̨ɛ̨ tɛɛ di pɔ, bələ lɔ ɓə Non a yɛnɛ̨ɛ̨ tɛɛ la nwɛlikɛmąą nuą pɔ.

Zɔ̂ŋ Veerɛi 1:9

Nui lɔpee a mąą kwea mą ɛlɛɛ, hvo lɛɛ li Kristə ŋą laa na pələi mɛ̨i, akɛ tii, Yálá nwɛi ta hvə li. Nui a lɛɛ laa na pələ mɛ̨i, kɛ tii aa, Nąn da Non di hɔlɔɓo.

M̀ɛni-lɛɛi 20:15

Ɛlɛɛ, nuąi kpɔ di laa hvo kɛ pɛ̨ɛ̨ li ɲɛnɛ̨ɛ̨ hɛɓɛ́ hu, di gəlee pili nwɔ̨n balayá hu.

Ɉaan 15:1

Jesus yɛ diɛ: «Ɲą́ą́ ɓə gáá a ɉihɛn nwulu kpinį, Ną́n yɛ ɓo a ɉihɛn nąmu.

Maafîu 11:27

«Nąn aa hɛn gəlee tɛɛ bɔ́. Nu ta hvo Nąn gɔlɔn, hvo kɛ li Non. Nu ta hvo Non gɔ́lɔn, hvo kɛ li Nąn, ɛlɛɛ, da nui Non gaa bɔ ə Nąn nɛ mą.

Ɉaan 6:51

Ɲą́ą́ ɓə gáá a kɔ̨nɔ̨n vúlu mąą, yai həɠə yələi. Nui a da mįi, a yɛnɛ̨ɛ̨ hva kpɛɛ hɔlɔɓo. Yaan, gɔ̨nɔ̨n ŋį́ dɛɛ nuą pɔ ya ɓaa a gbį́nį́, yai ŋį́ gwɛlɛ yɛnɛ̨ɛ̨ nuą ɓola mɛ̨nį ɓa.»

M̀ɛni-lɛɛi 22:17

Kili, ɛlɛɛ, da ɉilɛtai nɛ̨ą, diɛ mą: «'Pá!» Nui a mɛ̨n, ə mu hon yɛ mą: «'Pá!» Nui kpələ wɛli kaa mą, ə pá, ɲái a yɛnɛ̨ɛ̨ tɛɛ nu pɔ, nui nwɛli kaa mą, ə ɉon a mɛ̨inɛ̨ɛ̨.

Ɉaan 8:51

Gáá tɛ̨ą ɓoi kaa, nui a nwóó hon, hva haa.»

Zɔ̂ŋ Maa-ŋuŋ 2:23

Nui a lənə Non ma, aa lənə Ną́n yaa kpɛlimąn mą, nui a ɲee hee Non mu aa ɲee hee Nąn yaa kpɛlimąn mu.

Ɉaan 10:28

Ŋą́ yɛnɛ̨ɛ̨ kpɛɛ hvo mą tɛɛ di pɔ, ə lɛɛ, di nwun na hvo pai pili; nu ta hva pɛli di kulɔi ɲéi.

Ɉaan 18:37

Pilatə ə mo mą yɛ mą: «Akɛti, tɔɔmun mąą yɛ́?» Jesus ə nwoo pulu pənə yɛ mą: «Yɛ́ lɔ ɓə mo: gáá a tɔɔmun. Ŋą́ pa lɔi mɛ̨i di gáá a lon, ə gɛ, ŋą tɛ̨ą mąą kɛla hvaa ɓo. Nui lɔpee gaa tɛ̨ą pələ mɛ̨i, a nwəli tɔɔ nwóó ɓa.»

Ɉaan 6:33

Mąąhɔlɔɓo, gɔ̨nɔ̨n Yálá a dɛɛ nu pɔ, ya ɓaa yii həɠə yələi ə pa yɛnɛ̨ɛ̨, əgɛ, ə yɛnɛ̨ɛ̨ hva kpɛɛ tɛɛ nuą pɔ.»

Ɉaan 14:19

Ɉu hvo kɛa kwɛa li, yɛnɛ̨ɛ̨ nuą di hvo pai kɛa gáái, kɛlaa, ka wɛi, ka káá pai gáái mąąhɔlɔɓo, gáá a vúlú, kaa kpɛli ka káá pai kɛi a ka hulu.

Ɉaan 6:57

Ną́n Yálá ŋɛ̨i dɔ́ɔ́ gaa a vulú, gáá yɛnɛ̨ɛ̨ kɛi ɉaalai. Yili ɓə gaa mą, nui a ɉúwɔ mįi, a kɛ a vulú ɲą́ą́ ɉaalai.

Piɛrə dɔlɔɔ 2:4

'Ká ká mąąlɛɠɛ mą, yai a gwɛnį hvulúmąą, ya ɓə nu kanŋaa di bili, kɛlaa, ya ɓə Yálá ə ɉəɠə ɉu, ɛlɛɛ, mąą mɛ̨nį nwąnąą ɲɛ̨i ɓa.

Ɉaan 10:7

Jesus ə mo diɛ nwɔ̨nɔ̨ yɛ diɛ: «A tɛ̨ą kpɔ-kpɔ gáá moi kaa, ɲą́ą́ ɓə gáá a mɛlaa kwənąn naaləi.

Lomaŋ 5:2

Ɉaalai, gwa pɛli kɛa gu mąą lɛɠɛ Yálá ɓa, laa na laa pɔ pələ, nwɔ mɛ̨inɛ̨ɛ̨ hu ɓə, gwa gu kpɔwɔɲąą kɛnɛ̨, a kilitɔɔmąąlaa Yálá mąąwiɛ pələ hu.

Kolosə 3:4

Ɓɛlɔwai Kristə, yai a ká wɔ yɛnɛ̨ɛ̨, a pa pai la, káá kpɛlimąn, ká pa ka diɛni mąąwiɛlaa hu.

Korɛntə dɔlɔɔ 15:45

Yɛ bələi bɛ̨ɛ̨ la, yɛ mą: «Nu tɔlɔɔ, Adamə, nu kɔ́lɔ ə kɛ mą, nɔ̨ɔ̨ yɛ ɓo ɉu», kɛlaa, Adamə gbɛlamąą, gaa a Yálá-taa mun, ɛlɛɛ, yɛ yɛnɛ̨ɛ̨ tɛɛ nu kanŋaa pɔ.

Zɔ̂ŋ Maa-ŋuŋ 1:8

Gwa kɛ nwɔ̨nɔ̨ diɛ, gu hvo a nɛ̨ŋɛ̨n ɉəɠə nuą, akɛ tii gu kaa gu kpɔwɔ lan ɉi, ɛlɛɛ, tɛ̨ą hvo gu hu.

Ɉaan 6:68

Simɔn Piɛrə ə nwoo pulu pənə yɛ mą: «Ną́mu, gbɛɛ takpɛli ɓə kwa pɛli lii bɔ? Mąąhɔlɔɓo, nwooɠaai gaa ə́ la, da yɛnɛ̨ɛ̨ kpɛɛ hvo mą tɛɛ nu pɔ.

Lomaŋ 5:21

Ya ɓə gɛ, yɛ bələi nɛ̨ŋɛ̨n ə hee la gu mɛ̨i a haa, bələ lɔ ɓə Yálá nwɔ mɛ̨inɛ̨ɛ̨ a tɔɔlaa kɛ la tələnmolaa háálai, ə gɛ, ə li a guɔ yɛnɛ̨ɛ̨ hva kpɛɛ hu, gu Ną́mu Jesus Kristə háálai.

M̀ɛni-lɛɛi 1:5

ɛlɛɛ, yɛ həɠə Jesus Kristə yəi, yai a kɛlai a kulɔ nwoo ɓa, yai a nu dɔlɔɔi nwun yɛ kulɔ haa nuą lɔwai, ɛlɛɛ, lɔi mɛ̨i hééɓolaa kəlee di wɔɔ Hééɓomun. A nui gu wɛli kaa mą, yai gu kulɔ gu wɔ nɛ̨ŋɛ̨nŋaa yəi a ɲąmą,

Piɛrə dɔlɔɔ 1:21

Yaa ɉáálai, káá laa Yálá la, yai nwun, ə gulɔ haa yəi, ə gɔ a mąąwiɛlaa, gɛ pələi tii, ká wɔɔ laa na laa, da wɔɔ kilitɔɔmąą laa kɔwɔ hvilɛnŋąąi la Yálá ɓa.

M̀ɛni-lɛɛi 19:11

Yili pulu, ŋį́ yələkɔlɔn gaa naa ɓoɔ, hoo kwɛlɛɛ ta ə kulɔ laa, nui kɛ heeni mɛ̨i, naa ɓaa a: Tələnmo, da Tɛ̨ą. A kiti tee, ɛlɛɛ, yɛ kɔ́ kɔ́ a ɉaŋąą.

Kolosə 2:9

Mąąhɔlɔɓo, Kristə kpinį hu ɓə Yálá ə ɉuɓo laa.

Zɔ̂ŋ Maa-ŋuŋ 5:6

Yaa Jesus Kristə ɓə pa a yá da ɲąmą, hvo kɛ lɔ a yá yaa tanɔ̨n, kɛlaa, a yá da ɲąmą; ɛlɛɛ, Kili-Mąąhəɠɛɛ ɓə yili mąą kɛla hvaa ɓoi, mąąhɔlɔɓo, Kili kaa a tɛ̨ą.

M̀ɛni-lɛɛi 3:14

Malakai gbɔn nwun na Laodise, hɛɓɛ́ kɛ ə́ dɛɛ mą: «Nui a Amįįną, yai a Kɛlai a kulɔ nwoo ɓa, ɛlɛɛ, yɛ ɓo a Dɛ̨ą, nwoo ka, yai a Hééɓomun Yálá ŋą pɛli hɛn gəlee nwun na, yɛ diɛ:

Kolosə 2:17

Yili kəlee kaa lɔ a mɛ̨nįi kɛli la kɛi ɉunįnįn, kɛlaa, nwun neelee ɓaa a Kristə.

M̀ɛni-lɛɛi 3:7

Malakai gbɔn nwun na Filadelfi, hɛɓɛ́ kɛ ə́ dɛɛ mą: «Mąąhəɠəmun, Dɛ̨ą, yai Davidə nwɔ pɛlɛ́ gbon gwɛli kaa ɲəi, a naaɓo, ɛlɛɛ, nu ta hva naa kpulu, a naa kpulu ɛlɛɛ, nu ta hva naa ɓo, yɛ:

Gɛlaɠaa 3:15

Bələ ɓə ka yɛnɛ̨ɛ̨ Ną́mu paa la. Kɛlaa, Yálá ə gulɔ haaɓɛlaa lɔwai, a vulú; ku kaa a mąą kɛla.

M̀ɛni-lɛɛi 22:1

Yili pulu, malaka ə ɓaloyá-lee ta lɛ mą́ą́, yɛ lən gbɔ yɛ pɛ̨nɛ̨n galan, ə kɛli kulɔ Yálá da mɛlaa Lon di wɔ tɔɔkpəlin gɔwɔ mu.

Hebreu 9:8

Kili-Mąąhəɠɛɛ ə kɛi nɛ tii, yɛ kɛ, bələi a lɔ ɉəɠə pɛlɛ́ mu, hvo ni too li pono ɲą, yii kpɔ dɔlɔɔ tii kaa ni ɓɛ.

Lomaŋ 15:16

Ə gɛ ŋį́ kɛ a Jesus Kristə ŋą tímun, huwu takpɛliɠaa mąą mɛ̨nį ɓa. Daa ɉə́ɠə ɉu, Yálá nwɔ wɛlɛɛ lɛlɛɛi laa həli mɛ̨nį ɓa, ə gɛ, huwu takpɛliɠaa diɛ pɛli kɛi a haláá hɛn Kili-Mąąhəɠɛɛ aa mąą həɠə, yɛ nɛ̨ɛ̨ Yálá ɓa.

Gɛlaɠaa 9:2

ə hɛɓɛ́ hu hvɛli ɉaláá laa həli mun gɛnɛ̨ ɓa, yɛ pɛli lɔi la Yálá hvɛli pɛlɛ́ɠaa mu Damasə. Ə gɛ, a nuą kaa laa di ɓo bələi ti mɛ̨i, ə kɛ a hulɔnu, ə kɛ a nɛ̨ɛ̨nu, ə di hon, ə pa a diɛ Ɉerusalɛmə, a di yili.