Ɉaan 14:24 - Yálá laawoo hɛɓɛ (dc)

²⁴ Nui hva nwɛ́li la kɛ hva nwóó hon. Yaan, nwooɠaa ŋɛ̨i gaa kulɔi ná kaa mɛ̨n, hvo həɠəi ɲą́ą́ bɔ, gaa həɠəi Ną́n Yálá pɔ yii ə dɔ́ɔ́.

Yálá laawoo hɛɓɛ

²⁴ Nui hva nwɛ́li la kɛ hva nwóó hon. Yaan, nwooɠaa ŋɛ̨i gaa kulɔi ná kaa mɛ̨n, hvo həɠəi ɲą́ą́ bɔ, gaa həɠəi Ną́n Yálá pɔ yii ə dɔ́ɔ́.

Bible

²⁴ Ǹúui nyii ve ŋ́wɛli ni, va ŋ́ooi mɛi kâa. Ǹyaŋ ŋ̀óoi ka mɛ̀ni ve a ḿbɔɔ, kɛ́lɛ, Nâŋ-nuui pɔ́ɔ nyii ńdɛ̀ɛi.

Ɉaan 14:24 Referans Kwoze

Ɉaan 7:16

Jesus ə di woo pulu pənə yɛ diɛ: «Galan ŋɛ̨i gáá gɛi, hvə həɠəi li ɲą́ą́ ɲei; kɛlaa ə həɠə nui dɔ́ɔ́ ɲei.

Ɉaan 14:10

Hvo laa li ná yɛ diɛ kwa Ną́n ku kaa tɔ̨nɔ̨n? Nwooɠaa ŋɛ̨i ŋį́ kɛ moi kaa, ɲą́ą́ gbinįi váá woo hvəli. Kɛlaa, kwa Ną́n Yálá ku yee lɔɔi gee hu, yɛ nwɔ kólói kɛ ɲą́ą́ ɲéé hu.

Ɉaan 8:42

Jesus yɛ diɛ: «Akɛ ka nąn ɓaa a Yálái, ka li nwɛ́li la kɛ. Mąąhɔlɔɓo, ŋą́ həɠə Yálá pɔ, naa hu ɓə gáá la ɓɛ. Və́ kɛ pa li gbɔ́wɔ́ ɓa, kɛlaa, yaa tii ɓə dɔ́ɔ́.

Ɉaan 5:19

Kɛlaa Jesus ə pənə ə mo diɛ yɛ diɛ: «A tɛ̨ą, tɛ̨ą kpɔkpɔɔ, gaa moi kaa: Lon va pɛli mɛ̨nį lɔpee ta kɛi bɔɔ ɓa, yii hvo nąn gaa li yɛ gɛ; mąąhɔlɔɓo, yii lɔpee Nąn a gɛ, Non yaa kpɛli mąn a ɲɔ̨nwɔ̨mąn gɛ lɔ.

Ɉaan 3:34

Yaan, nui ɲɛ̨i Yálá ə dɔɔ, a Yálá mąą mɛ̨nį ɓo, mąąhɔlɔɓo, Yálá a Kili kəlee tɛɛ bɔ.

Ɉaan 14:15

«Akɛ ka nwɛ́li la kɛ, ka nwɔ liɛwooɠaa hon,

Ɉaan 5:38

Nwoo kili hva lɛɛ ka ŋą, mąąhɔlɔɓo, nui Ə dɔɔ, ka hvo mąą mɛ̨nį kaa li a tɛ̨ą.

Ɉaan 8:38

Yii ŋą́ mɛ̨n Ną́n na, ya ɓə gáá moi kaa, Yii kaa kpɛli ka mɛ̨n ka nąn na, ya ɓə ka káá gɛi.»

Ɉaan 8:26

Yii vilɛn ŋąąi kaa, mɛ̨nį tamąą kaa laa, gɛ́ pɛli moi, ə ɓo a ka kiti tee mɛ̨nį. Mąąhɔlɔɓo, nui dɔ́ɔ́ gaa a tɛ̨ą. Yii ŋą́ mɛ̨n yaa tii na, ya ɓə ŋą́ naa həli yɛnɛ̨ɛ̨ nuą diɛ.»

Ɉaan 8:28

Jesus, yɛ diɛ: «Ɓɛlɔwai ka káá pai Nu Lon tɛi la yələi, nąąlɔwai ɓə ka káá pai gɔlɔn ɉii la, kaa kɛ diɛ: Ɲą́ą́ ɓə gáá a Yaai Gaa Lɔ Laa. Ka káá pai gɔlɔn ɉii kaa diɛ: Və́ mɛ̨nį ta lɔpee kɛi gbɔ́wɔ́ ɓa, ɛlɛɛ, yii Ną́n ə mąąkwɛli mą, ya ɓə ŋą́ mo.

Ɉaan 7:28

Jesus kɛɛ nuą mąąkwɛlii Yálá hvɛli pɛlɛ mu, ə mo kpɔ a nwoo kɛnɛ̨ yɛ diɛ: «Ka gɔ́lɔ́n! Ɓɛi ŋį́ həɠə laa, ka nąą kɔ́lɔn a neelee. Və́ pa li gbɔ́wɔ́ ɓa. Nui ŋɛ̨i dɔ́ɔ́ gaa a tɛ̨ą. Kɛlaa, ka hvo gɔlɔn.

Maafîu 19:21

Jesus yɛ mą: «Akɛ ə́ kaa bɔ ə́ mąą mɛ̨nį laa ə hvɛɛ, li, Ɉɛnɉaai gaa ə́ yəi, ə́ gəlee lɔwɔ́tɔɔ, ə́ nwali ɉaa kwɛlɛ yeehowolo nuą diɛ. Yili pulu ə́ pa ə́ hvilɛn búlú. A kɛ tii ya kɛ a hɛn gɔw nąmu Yálá-taa tɔɔlaa hu.»

Ɉaan 3:11

Gáá moi ya a tɛ̨ą, yii ku gbaɠala kɔ́lɔn, ya ɓə kwa mąą mɛ̨nį ɓo, mɛ̨nį yii ku gaa, ya ɓə kwa mąą kɛla hvaa ɓo. Kɛlaa, mɛ̨nį kwa mo kaa, ka hva ka yee hee mu.

Ɉaan 14:25

«Ŋą́ nwooɠaa ŋɛ̨i ɓo kaa, ɓɛlɔwai gu kɛ la gu kee ɓa,