Ɉaan 14:20 - Yálá laawoo hɛɓɛ (dc)

²⁰ Volói tii a pa ɉəli, ka káá pai gɔlɔn ɉi kaa diɛ: kwa Yálá ku kaa tɔ̨nɔ̨, ə lɛɛ, gwa kaa ni gu ɓo tɔ̨nɔ̨.

Yálá laawoo hɛɓɛ

²⁰ Volói tii a pa ɉəli, ka káá pai gɔlɔn ɉi kaa diɛ: kwa Yálá ku kaa tɔ̨nɔ̨, ə lɛɛ, gwa kaa ni gu ɓo tɔ̨nɔ̨.

Bible

²⁰ Maa-ɣele-kuui ti su ka pâi gɔ́lɔnîi a gɛɛ ŋ́gaa Ńâŋ kponôi, káaŋ kakɛ ƃo ŋ́gbonôi, ńyaŋ ŋ́gɛ ƃo kákponôi.

Ɉaan 14:20 Referans Kwoze

Ɉaan 17:26

Ŋą́ą́ ə́ laa lɛ diɛ, gáá nwɔ̨nɔ̨ pai kɛi lɔ nɛi diɛ. Ya ɓə a gɛ, nwɛlikɛmąą laa ə́ gɛ a ɲą́ą́, nwɛlikɛmąą laa tii ə kɛ di lɔwai, kwa diɛni ku kɛ ɉu tɔ̨nɔ̨.»

Galatə 2:20

ŋą́ kɛli kɛa yɛnɛ̨ɛ̨ kɛ, və́ gɛi gbɔ́wɔ́ ɓa, Kristə ka tii yɛnɛ̨ɛ̨ kɛi ɉú. Gbala ə tɔɔ, ɲɛnɛ̨ɛ̨ yii ŋɛ̨i gáá gɛi nu kɔlɔ hui, gáá gɛi laa na laa hu, Yálá lon ŋɛ̨i nwɛ́lilakɛi, yɛ gbɔwɔ kwɛlɛ mą́ą́ mɛ̨nį ɓa, ɉáálai.

Zɔ̂ŋ Maa-ŋuŋ 4:12

Nui lɔpee ta hvo ta Yálá kaa li. Akɛ gwa gu keeni wɛlila kɛi, akɛ tii Yálá kaa gu hu, ɛlɛɛ, nwɔ wɛlikɛmąąlaai gu hu, naa kulaai.

Ɉaan 14:10

Hvo laa li ná yɛ diɛ kwa Ną́n ku kaa tɔ̨nɔ̨n? Nwooɠaa ŋɛ̨i ŋį́ kɛ moi kaa, ɲą́ą́ gbinįi váá woo hvəli. Kɛlaa, kwa Ną́n Yálá ku yee lɔɔi gee hu, yɛ nwɔ kólói kɛ ɲą́ą́ ɲéé hu.

Lomaŋ 8:1

Yiihu kɛa, nuąi di kaa Jesus Kristə hu, nwun na pili hvo kɛa diɛ.

Ɉaan 10:38

Kɛlaa, akɛ ŋą́ą́ kɛi mɛ̨nįɠaa tii kɛ, ka wala laa ná, ka laa gɛ́ mɛ̨nįɠaa tii la, kaa diɛ kwa ná Yálá ku kaa tɔ̨nɔ̨.»

Korɛntə veelɛ 13:5

Káá kpinįi, 'ká ká kpɔwɔ mąą mɛ̨nį hukpɛ, ká gaa tai, akɛ ká káá laa na laa hu. 'Ká ká kpɔwɔ hukɔɔn dai, ká hvo mɔ̨ɔ̨ gbaɠala kɔlɔn, káá kɛ Jesus Kristə kaa ká hu? Hvo kɛli lɔ kani ká hukɔɔn di moi, ká hvo kulɔ li ɉu.

Kolosə 1:27

Bələ ɓə ə kɛ la tii bɔ, ə mɛ̨nįi tii ŋą yəi-kɛnɛ̨laa da ŋą mąąwiɛlaa lɛ la huwu takpɛliɠaa lɔwai, a Kristə kɛ mɛ̨nį ká lɔwai, a kilitɔɔmąą laa, a mąąwiɛlaa!

Ɉaan 16:26

Ɲələi tii a həli, kaa kpinįi ka káá pai kɛi Ną́n vɛlii. Və́ kɛi kaa: gáá pai Ną́n vɛlii ka mąą mɛ̨nį ɓa,

Kolosə 2:9

Mąąhɔlɔɓo, Kristə kpinį hu ɓə Yálá ə ɉuɓo laa.

Kolosə 1:19

Hvo gaai, Yálá ə naa gwəi, ə ɉuɓo ɉu,

Ɉaan 6:56

Nui a ɉúwɔ mįi, ə gbələ a ŋą́mą, ŋą kɛ mąą nu hu, ɛlɛɛ, yaan yɛ ɓo ɉú.

Korɛntə veelɛ 5:17

Yili ɓa, nui gaa Kristə hu, gaa kɛa a gulaa-nįnɛ̨, ɲɛnɛ̨ɛ̨ pɔlɔ aa tɛɛ, mąą aa hvalin a nįnɛ̨.

Ɉaan 17:11

Və́ kɛa pai lɛɛi yɛnɛ̨ɛ̨, kɛlaa di wɛi, di kaa ni yɛnɛ̨ɛ̨, ɲą́ą́n nwɛ́i, ba hiɛ ka Ə́ pɔ. Ną́n Mąąhəɠɛɛ, nuąi Ə́ di tɛɛ bɔ́, Ə́ ɲɛ̨i kɛ diɛ Ə́ laa hu, di kɛ ɉu tanɔ̨n, yɛ bələi gu kaa la.

Ɉaan 16:23

«Mąą yələi tii, ka hvo kɛa pai mą́ą́nin kɛ mɛ̨nį lɔpee ta ɓa. A tɛ̨ą kpɔ-kpɔ gáá moi kaa, ka hɛn da hvɛli Ną́n ma náá hu, a dɛɛ ka pɔ.

Ifisiɛŋ 2:10

Gbala ə tɔɔ, Ya ɓə gu pɛli, ə gu pɛli Jesus Kristə hu, kóló lɛlɛɛɠaa kɛ mɛ̨nį ɓa, a gólóɠaa tii Yálá ə di hee gu tɔwɔ, guɔ pɛli gɛ mɛ̨nį laai gu nwuɔ̨.

Korɛntə dɔlɔɔ 1:30

Yai ɉáálai ɓə ka káá la Jesus Kristə hu, yai gaa a ku wɔ kilikɛɲəi laai həɠə Yálá pɔ, a təlimolaa, a mąąhəɠəlaa da ɓalo mɛ̨nį,

Ɉaan 17:7

Daa gɔlɔn yiihu diɛ yii lɔpee Ə́ dɛɛ bɔ́, ə həɠə Ə́ yee ŋą.

Korɛntə veelɛ 12:2

Ŋą́ Kristə ŋą nu ta kɔlɔn, gwɛlan bow kɔw nąąn ga, kɛlɛ ə kɛ nu kɔlɔ hu, kɛlɛ hvo kɛ ɉu? Gbaɠala hvo mą́ą́, Yálá ɓə gbaɠala kɔlɔn! Nui tii, di dɛ kpɔ yələkɔlɔn mɛ̨i yələkɔlɔn ɉu.

Korɛntə veelɛ 5:19

Mąąhɔlɔɓo, ə kɛ a pələ lɔpee gəlee, Yálá ɓə, yaa kpinįi da nu kanŋaa di lɔwai ponnaa kulɔ a Kristə; hvo nu kanŋaa di wɔ nɛ̨ŋɛ̨nŋaa kwələ kulɔ diɛ; ɛlɛɛ, ə bonnaa kulɔ woo tii lɔ gu la.

Lomaŋ 16:7

Ŋą́ Andronikusə da nɛ̨ą Ɉuniasə di tuwɔ ɓo, diɛi di kaa a nwɔ nuą, kwa diɛni ku kaa gaho tɔ̨nɔ̨ ŋą. Di gbɛa kɛ a Kristə nwɔ kɛlaɠaa dɔ́wɔ́.

Ɉaan 14:11

Ŋą́ kɛ kaa, kwa Ną́n Yálá ku kaa tɔ̨nɔ̨. Ka wala laa yili la, ka pɛli ka laa túwɔ́ pələɠaai gaa gɛi na.