Ɉaan 13:5 - Yálá laawoo hɛɓɛ (dc)

⁵ Ə ya pu hɛn ɲąŋą ta hu, yɛ nwɔ kalan nɛai kɔ́wɔ mąąwaa, yɛ di kɔ́wɔ mąą kələ a ɉəɠəi ŋɛ̨i kɛ ɲiliɛ ɉaai.

Yálá laawoo hɛɓɛ

⁵ Ə ya pu hɛn ɲąŋą ta hu, yɛ nwɔ kalan nɛai kɔ́wɔ mąąwaa, yɛ di kɔ́wɔ mąą kələ a ɉəɠəi ŋɛ̨i kɛ ɲiliɛ ɉaai.

Bible

⁵ È kɛ̀ tí, é yá pù pâne su, gɛ ŋɔpôlu-ƃelai kɔ́ɔ maa waa la, gɛ dímaa kɔ̀ɔ a tâƃai è ŋìri ǹeŋêi.

Ɉaan 13:5 Referans Kwoze

Lukə 7:44

Yili pulu, Jesus ə tinɛ̨n, ə ɲɛ̨i hee nɛ̨ɛ̨nui tii ɓa, yɛ Simɔn ɓa: «Ə́ kaa nɛ̨ɛ̨nui ŋɛ̨i kaai, ŋą́ą́ pa ə́ yəi bɛlɛ́n, hvo mo li di hvo paa a ya, və́ gɔ́wɔ́ mąą waa. Kɛlaa, nɛ̨ɛ̨nui ŋɛ̨i, aa gɔ́wɔ́ mąą waa a ɲɛ̨iya, ə lɛɛ, aa gɔ́wɔ́ mąątí a nwun-nəɠa.

Mąątɛ̨nɛ̨ 51:2

Ɓɛlɔwai Yálá kwəi mɛ̨nį hu kulɔ mun Natan ə li ɉɔn moi la mą, yɛ hvilɛn na Bɛtsabe mąą mɛ̨nį ɓa.

Zɛnɛse 19:2

Yɛ diɛ: «Nwɔ́ mɛ̨nį nąmįną, gáá nɛ̨ɛ̨mąą hvəi kaa, gɛ́ ka hvaa mą, ka gwə li ɲə́i bɛlɛ́ laaləi, ka ka kɔ́wɔ mąą waa, ka yii laa. Tínąą yələ wala, kaa kɛa li ɓɛi ka káá lii laa.» Nuąi tii diɛ mą: «Kpaa! Ku kaa lii yii gwəli hąąi kɛnɛ̨ ɓa.»

Timote dɔlɔɔ 5:10

hvo kɛli, nu kəlee di kɛ a gɔlɔnŋąą diɛ mąątɛ̨nɛ̨ dúwɔ́ pələ lɛlɛɛɠaa hu, a nɛ̨ɛ̨nui aa lon gulɔ ɉu, ɲɛ̨i ponoɔ, yɛ kpɔnmąą tɛɛ mąąhəɠə nuą pɔ, yɛ kpɔnmąą tɛɛ mąąwɛli nuą pɔ, yɛ mɛ̨nį lɛlɛɛ huwui lɔpee gəlee kɛ nuą diɛ.

Zɛnɛse 18:4

Di pa a yá, ka ka kɔ́wɔ mąąwaa ka hee nwulu nįnįn mu, ka ka hvii tɔɔ.

M̀ɛni-lɛɛi 7:14

Ŋą́ nwoo ŋąąpənə, gɛ́ mą: «Ną́mu, yɛ́ lɔ ɓə gbaɠala kɔ́lɔn!» Yɛ mą́ą́: «Di kulɔ mɔ̨nɔ̨ kɛnɛ̨i tii hu. Daa di wɔ həɠəɠaai waa Mɛlaa lon ɲąmą hu, daa gwələ.

Hebreu 10:22

'Ká gu gu mąąlɛɠɛ kani laa, a gu kwəi kwɛlɛɛ, laa na laa kpɔ-kpɔ hu, a gu lii hu ɲąŋąą, hɔn ɲɔ̨n da hvo gu kili pɔ, gu mąąwaa a yá mąąhəɠɛɛ.

Ifisiɛŋ 5:26

Bələ ɓə ə kɛ la tii bɔ, ə mąąhəɠə, a nwaai a mo a yá, ə yili kɛ tii a Nwoo.

Korɛntə dɔlɔɔ 6:11

Bələ ɓə tɔlɔɔ ká taɠaa di kɛ la. Kɛlaa, ka mąą aa waa, ká mąą aa həɠə, káá kɛ kɛa a tələnmo nuą gu Ną́mu Jesus Kristə laa hu da gu wɔ Yálái nwɔ Kilii háálai.

Gɛlaɠaa 22:16

Lə mɛ̨nį ɓa gaa ə́ hu? 'Ə́ muhəɠə ə́ li, di ə́ mąąwaa, ə́ mąą ə həɠə ə́ wɔ nɛ̨ŋɛ̨nŋaai yəi, a Naa hvɛlii yá mo.›»

Tɔɔɓɛlaa veelɛ 3:11

Ɉosafatə yɛ mą: «Yálá kwəimɛ̨ni hu kulɔmun da hvo ɓɛ yii a pɛli Yai-Laa mąąnin kɛi?» Israɛlə tɔɔmun bɔ mun dɔ̨nɔ̨ yɛ diɛ: «Safatə lon Elise kaa ɓɛ, yai kɛi ya pu Eli yəi.»

Samuɛlə dɔlɔɔ 25:41

Avigailə ə muhəɠə, ə pɛlɛ niiɓa nɔi ɓa, ə kwɛli hvilɛ Yálá ɓa, yɛ mą: «Ə́ wɔ tímun kaa a luwɔ-nɛ̨ą, váái mą gɛ́ nwɔ́ mɛ̨nį nąmu yee pɔ nuą kɔ́wɔ mąą waa.»

Levetekɔ 14:8

Nui tii di mąą waa, a mąą həɠəɠaa waa ə gɔlɔ ɓa ləɠa kəlee kalaan, ə nwaa yái, ə gɛ mąą ə həɠə. Yili pulu, ə tɛ taai, kɛlaa a hvóló mɛ̨ihveelɛ kɛ hva lɔ ɲəi bɛlɛ́n.

Zɔ̂ŋ Maa-ŋuŋ 5:6

Yaa Jesus Kristə ɓə pa a yá da ɲąmą, hvo kɛ lɔ a yá yaa tanɔ̨n, kɛlaa, a yá da ɲąmą; ɛlɛɛ, Kili-Mąąhəɠɛɛ ɓə yili mąą kɛla hvaa ɓoi, mąąhɔlɔɓo, Kili kaa a tɛ̨ą.

Zɔ̂ŋ Maa-ŋuŋ 1:7

Kɛlaa, a kɛ gwa kɛi hiɛ kɛɛ pono hu, yɛ bələi Yaa kpinii gaa la a kɛɛ pono, akɛ tii gu kəlee gu kaa ɉu tanɔn, Non Jesus ɲąmą a gu mąąhəɠə nɛ̨ŋɛ̨n ɲəi.

Ɉaan 19:34

Kɛlaa, gɔ́kulaa tɔ̨nɔ̨ ə Jesus hɔɔ bɛlɛi a kpala, ŋąmą da ya di kulɔ.

Lukə 7:38

Ə lɔ, ə hee la Jesus kɔ́wɔ kwɛlɛ. Yɛ wɔlɔ, ə lɛɛ, yɛ ɲɛ̨iya pu Jesus kɔ́wɔ mɛ̨i, yɛ Jesus kɔ́wɔ mąąkələ a nwun-nəɠa. Yili pulu, ə Jesus kɔ́wɔ mąątí a nwulɔ kun nɛ̨ɛ̨ tii.

Zakari 13:1

Mąą yələi tii, yá nwun gulɔi ta a kulɔ, Davidə nwɔ pɛlɛ́i mąą mɛ̨nį ɓa, da Ɉerusalɛmə nuą; yɛ kɛ a di wɔ nɛ̨ŋɛ̨nŋaai, da di mąąliɓi mɛ̨nį kəlee hali.

Izikiɛ 36:25

Gáá pai ya mąąhəɠɛɛ taɠai ka mɛ̨i, pɔn ɲɛ ɓo la kaa; gáá pai ka mąąhəɠəi, ka wɔ mąąliɓi mɛ̨nįɠaai kəlee yəi; da ka wɔ haliɠaai kəlee yəi.

M̀ɛni-lɛɛi 1:5

ɛlɛɛ, yɛ həɠə Jesus Kristə yəi, yai a kɛlai a kulɔ nwoo ɓa, yai a nu dɔlɔɔi nwun yɛ kulɔ haa nuą lɔwai, ɛlɛɛ, lɔi mɛ̨i hééɓolaa kəlee di wɔɔ Hééɓomun. A nui gu wɛli kaa mą, yai gu kulɔ gu wɔ nɛ̨ŋɛ̨nŋaa yəi a ɲąmą,

Azaya 1:16

'Ka ka waa, ka ka mąąhəɠə, 'ka ka wɔ nwąnąlɔ túwɔ́ɠaa mąą kwɛa mą́ą́, 'ka kpəla mɛ̨nį ɲɔ̨n ma

Lɛɛ gbɔwɔ ɓa 29:4

«Yá pa a Aarɔn da nonnii gee kaa pɛlɛ laaləi, ə́ di waa,

Ɉaan 13:10

Jesus yɛ mą: «Nui a nwaa, di hva pənə di hvo nwaa, mąąhɔlɔɓo, mąąhəɠɛɛi, gɔwɔ lɔ ɓə da waa. Ka mąąhəɠɛɛi, kɛlaa nu kəlee hvəə.»

Ɉaan 13:8

Piɛrə yɛ mą: «Ə́ gɔ́wɔ́ mąąwaai, a ɲą́ą́! Kpaa!» Jesus yɛ mą: «Ŋą́ wala ə́ waa, ə́ nwɔ nąą hvo nwɔ́ mɛ̨nįi hu.»

Zɛnɛse 43:24

yili pulu, da mɛlaa di bɛlɛ gee ɓa diɛ lɔ Ɉosɛfə yəi bɛlɛ́n. Di pa a ya di pɔ, ə gɛ, di di kɔ́wɔ mąą waa, di kala tɛɛ di wɔ hoohvalənŋąąi pɔ.

Nwun mąąɓo 19:21

Ɉulɔgoloi ə nwɛ̨ąąi tii lɔ ɲəi bɛlɛ́n, ə kɔ̨nɔ̨n dɛɛ nwɔ hoohvaalənŋaai pɔ. Ə yá tɛɛ nwɛ̨ąą pɔ, di di kɔ́wɔ mąą waa, di kɔ̨nɔ̨n mįi, di di kpələ.

Ɉaan 13:6

Ə həli Simɔn Piɛrə ɓa, yili yɛ mą: «Ną́mu, yɛ́ ɓə yɛi gɔ́wɔ́ mąąwaa?»