Ɉaan 13:34 - Yálá laawoo hɛɓɛ (dc)

³⁴ Gáá nwɔ̨nɔ̨ tíɓo nįnɛ̨ tɛɛi ka pɔ, ya ɓaa: Ka ka kee ni wɛli la kɛ yɛ bələi ŋą́ ka wɛli la kɛ la.

Yálá laawoo hɛɓɛ

³⁴ Gáá nwɔ̨nɔ̨ tíɓo nįnɛ̨ tɛɛi ka pɔ, ya ɓaa: Ka ka kee ni wɛli la kɛ yɛ bələi ŋą́ ka wɛli la kɛ la.

Bible

³⁴ Ŋa tɔ̂ŋ nina tɛɛ̂i kápɔ, a gɛɛ ka kákîe-ni wɛli; yɛ̂ɛ berei ŋa káwɛli lai, a gɛɛ káa máŋ ka kákîe-ni wɛli ti.

Ɉaan 13:34 Referans Kwoze

Ifisiɛŋ 5:2

'Ká ɲɛnɛ̨ɛ̨ kɛ wɛlikɛmąąlaa hu, yɛ bələi Kristə ə gu wɛlila kɛ la, ə gbɔwɔ kulɔ a halaa, mąą kun nɛ̨ɛ̨ Yálá ɓa, gu mąą mɛ̨nį ɓa.

Levetekɔ 19:18

'Hvó ə́ nwąną kulɔ, 'hvo ka wɔ lɔi hu nuą hɔn ɉee ə́ kwəi. Ə́ ɓɛlan gaalon nwɛli la kɛ yɛ ə́ kpinį. Ɲą́ą́ ɓə gáá a Yai-Laa.

Ɉaan 15:17

Yii gáá ka tíi la, ya ɓaa: ka ka keeni wɛli la kɛ.

Piɛrə dɔlɔɔ 1:22

Káá ká nįį mąąhəɠə, a lɛɛi ká mo tɛ̨ą woo pulu, əgɛ, ká wɛlikɛmąą laa kɛ, hva kɛ a tɛ ɲɛ̨i mɛ̨nį. 'Ká ká keeni wɛli la kɛ kani, a kwəi kwələ laa, 'ká hvįi hvo kpɛɛ,

Galatə 6:2

'Ká ká keeni nwuɔ̨ tíɛ̨ həɠə, káá Kristə nwɔ tɔ́n pɔ yíiɓo la tii.

Zɔ̂ŋ Maa-ŋuŋ 3:23

Ɛlɛɛ, nwɔ tíɓoi ka: 'Ká kąnąn Non Jesus Kristə ɓa a laa na laa, ɛlɛɛ, gu gu keeni wɛlila kɛ; yɛ bələi Yaa tii a Jesus ə gu tí la.

Zɔ̂ŋ Maa-ŋuŋ 4:21

Ɛlɛɛ, díɓoi ku ɉɔlɔɓo ɲəi, ya ka: Nui Yálá wɛli kaa mą, 'ə nąn non nwɛlila kɛ.

Zĩi 2:8

A tɛ̨ą, akɛ ká dɔɔlaa hu tɔ́n bɔ túwɔ́ ɓo, yɛ bələi ɉɛɓɛ́ ə mo la, yɛ kɛ: «Ə́ ɓɛlan gaalon nwɛli la kɛ yɛ ə́ kpɔwɔ kpinįi, ká túwɔ́ tii, akɛtii, káá gɛ a nɛlɛɛ.»

Tɛsalonikə dɔlɔɔ 3:12

Nwɛlikɛmąąlai gaa ká yəi ká keeni mąą mɛ̨nį ɓa, gu Nąmu ə gɛ, ɉu ə kɛnɛ̨, ɉu ə ɓɔlɔ, nu takpɛliɠaa mąą mɛ̨nį ɓa, kpɔlɔɔ yɛ bələi kwaa ká wɛlila kɛ la.

Lomaŋ 12:10

Gɛ́, lee-lon nwɛlikɛmąąlaa ə ka yili ka kee ɓa, ká wɛlikpɛɛmąąlaa kpɛ ká lɔwai.

Zɔ̂ŋ Veerɛi 1:5

Yiihu kɛa, Bɛlɛ́-lee-nɛ̨ą, və́ tíɓo nįnɛ̨ mąą mɛ̨nį pɛ̨ɛ̨i, gɛ́ dɛɛ yɛ́, kɛlaa yii gaa kɛ gu yəi a gɔwɔ tɔɔ yələ, yaa lɔ ɓə, gáá ɉu vɛlii yɛ́, 'ká gu gu keeni wɛlila kɛ,

Galatə 6:10

Yili ɓa, yii kpɔ gu kaa nii gu hvulú kɔwɔ ɲą, 'ká gu kolo kɛ, dɔlɔ ə həli nu kəlee ɓa, gəlee ə mą kɛ, nuąi di lɛɠɛɛ guɔ, laa na la hu.

Zɔ̂ŋ Maa-ŋuŋ 3:11

Mąąhɔlɔɓo, nwɛlɛɛi tii ká mɛ̨n a gɔɔ tɔɔ yələ, ya ɓaa: Gu gu keeni wɛlila kɛ.

Levetekɔ 19:34

Mąąnɛ̨ɛ̨ ka nwɛ̨ą hon yɛ nɔi lon da, yɛ ka ta. Nwɛli la kɛ yɛ ə́ kpinį, mąąhɔlɔɓo, kaa kpɛli ka kɛ a nwɛ̨ą Eziptə lɔi hu. Ɲą́ą́ ɓə gáá a Yai-Laa ka wɔ Yálá.

Hebreu 13:1

Lee-lon nwɛlikɛmąą laa ə ɉeei kulɔ ká lɔwai.

Tɛsalonikə veelɛ 1:3

Ną́n nonnii, mąąnɛ̨ɛ̨ ku Yálá mąmąɓo a yələ kəlee ká mąą mɛ̨nį ɓa, ɛlɛɛ, yili kpɔ ɓə bɛliɛ ɉu, gbala ə tɔɔ, ká wɔɔ laa na laa kaa lɔ yɛ tɛ tɔwɔ, ɛlɛɛ, nwɛlikɛmąą laai ká yəi ka kee mąą mɛ̨nį ɓa, ɉu kaa lɔ mą yɛ kɛnɛ̨ ká kəlee ká yəi;

Galatə 5:22

Kɛlaa, Kili-Mąąhəɠɛɛ yee pɔ mɛ̨nį ɓaa a: Wɛlikɛmąąlaa, kwəinɛ̨ɛ̨, liilaa, liikpələ, túwɔ́ pələ lɛlɛ, kilikɛɲəi mɛ̨nį, laa na laa,

Piɛrə veelɛ 1:7

Yili pulu, ka nɛɛ laa pɛlɛ ka wɔ Yálá kɔ́lɔn ŋąą ɓa, ka wɛlikɛmąąlaa pɛlɛ ka wɔ nɛ̨ɛ̨laa ɓa.

Kolosə 1:4

Bələi ká wɔ laa na laa kaa Jesus Kristə hu, ɛlɛɛ, wɛlikɛmąą laai ká yəi, yɛ hvilɛn na Kristalɛa kəlee diɛ, kwaa yili kəlee bələ mɛ̨n.

Galatə 5:6

Gbala ə tɔɔ, nui gaa Jesus Kristə hu, yɛ ə kɛ a kɛ́nɛ̨-lon, yɛ ə kɛ a kɛ́nɛ̨-kpolaa, yili hvo neelee, kɛlaa, yii a neelee, ya ɓaa: laa na laai bɔ túwɔ́ kaa mą.

Ɉaan 17:21

Ə gɛ, di kəlee di kɛ ɉu tɔ̨nɔ̨, yɛ pələi gu kaa la ɉu tɔ̨nɔ̨. Gwa diɛni gu kɛ ɉu tɔ̨nɔ̨, ə gɛ, yɛnɛ̨ɛ̨ nuą di gɔlɔn diɛ: yɛ́ ɓə dɔ́ɔ́.

Mąątɛ̨nɛ̨ 119:63

Nuąi kpɔ da ɲɔw yɛ́, kwa diɛni ɓə ku tɔɔ, a diɛi tii da kɛ ə́ wɔ tiɓoɠaai hon ɉii.

Mąątɛ̨nɛ̨ 16:3

Ɓɛ yɛnɛ̨ɛ̨, ɉeeɓolaaɠaai kpɔ a Yálá nwɔɔ, di ɓɛlɛ kaa diɛ, gəlee wɛli kaa mą́ą́ kpɔ kɛnɛ̨.

Maafîu 5:44

Nwɛ́i gáá moi kaa, ka ka yowo wɛli la kɛ, nuąi da ɓɛlɛkpɛɛ kaa, ka Yálá hvɛli diɛ.

Lomaŋ 13:8

Nu ta nwɔ kwələ hvo kɛ kaa, hvo kɛli lɔ nwɛlikɛmąą kwələi ka lɔwai. Mąąhɔlɔɓo, yá ə́ ɓɛlan gaalon nwɛlilakɛ, akɛ, yáá dɔ́n woo pɔ mɛ̨nį kpɛ kpɔ tɛ̨ɛ̨tɛ̨ɛ̨?.

Lomaŋ 13:10

Wɛlikɛmąąlaa hva mɛ̨nį ɲɔ̨n gɛ a nu. Wɛlikɛmąąlaa ɓə a dɔ́n nwoo laa hvɛɛ.