Ɉaan 13:31 - Yálá laawoo hɛɓɛ (dc)

³¹ Yii kɛa Ɉudasə ə kulɔ, Jesus yɛ diɛ: «Yiihu, Nu Lon aa mąąwiɛ hɔlɔɓo, ɛlɛɛ, Yálá mąą aa wiɛ yaa mąą mɛ̨nį hu.

Yálá laawoo hɛɓɛ

³¹ Yii kɛa Ɉudasə ə kulɔ, Jesus yɛ diɛ: «Yiihu, Nu Lon aa mąąwiɛ hɔlɔɓo, ɛlɛɛ, Yálá mąą aa wiɛ yaa mąą mɛ̨nį hu.

Bible

³¹ Tãi e lì lai, Zîsɛ e mò, ǹyɛɛi, “Núu-kpune Ǹóŋ ŋɔfólo-laai maa a nâa tɛ́, ǹyaŋ Ɣâla ŋɔfólo-laai maa a tɛ́ gbonôi;

Ɉaan 13:31 Referans Kwoze

Piɛrə dɔlɔɔ 4:11

Nu ta a kɛli pələ ɓo, ə kɛ a Yálá laa woo laa həli mɛ̨nį; nu ta a kɛli ə́ wɔɔ mąątíi kɛ, gɛ a hvaŋąi Yálá a dɛɛ bɔ, ya ɓə a gɛ, Jesus Kristə háálai, Yálá ə mąąwiɛ laa hɔlɔɓo kpɔ a neelee, yai, mąąwiɛ laa, hee mɛ̨i laa kaa a nwɔɔ a yələ kəlee mɛ̨nį. Yálá ə kɛ ti!

Ɉaan 14:13

Yii lɔpee ka vɛli Yálá ɓa ɲą́ą́ náá hu, ŋą dɛɛ ka pɔ, ə gɛ, ną́n mąą ə wiɛ non Ɉaalai.

Ɉaan 7:39

Nuąi da laa Jesus la Yálá nwɔ Kilii da ɉɔlɔɓo, mąą mɛ̨nį ka tii ə kɛi ɉanwon ɉɔɔ diɛ. Gilii ti hvo nii kɛ pa li nąąlɔwai, mąąhɔlɔɓo, Jesus mąąɲįnɛ̨n hvo nii kɛ too li pono ŋą.

Piɛrə dɔlɔɔ 1:21

Yaa ɉáálai, káá laa Yálá la, yai nwun, ə gulɔ haa yəi, ə gɔ a mąąwiɛlaa, gɛ pələi tii, ká wɔɔ laa na laa, da wɔɔ kilitɔɔmąą laa kɔwɔ hvilɛnŋąąi la Yálá ɓa.

Ifisiɛŋ 3:10

Bələ ɓə, ə həɠəla yiihu ɓa, ɲąąwooɓo laa da huwalawala laai yələkɔlɔn ɉu pələ, Yálá ŋą kpɔn háálai ɓə, da Yálá ŋą kilikɛɲəi tamąąi tii gbaɠa la gɔlɔn naa.

Gɛlaɠaa 3:13

Abrahamə, Isaakə da Ɉakɔbə di nwɔ Yálá, gu nąnni di wɔ Yálá ə nwɔ tímun Jesus ɲɛ̨i pono, a yaa ti ka ɲąɓalɔ mą, ka gwɛlɛ Pilatə ɓa, bələi mąn yili ə kɛ la bɔ, ə ɓo la ma.

Gɛlaɠaa 2:36

«Mąąnɛ̨ɛ̨ Israɛlə nu huwu kəlee di gɔlɔn diɛ kɛ: Jesus ŋɛ̨i ka gbanwo kolɔwa ɓa, ya ɓə Yálá ə gɛ a hɛn gəlee Ną́mu da nuą ɓalomun.»

Ɉaan 16:14

Gaa pai mą́ą́wiɛ pələ lɛi kaa, mɛ̨nį yiiɠaai da həɠə ɲą́ą́ bɔ diɛ ɓə gaa pai kɛi nɛi kaa.

Ɉaan 12:23

Jesus ə di woo pulu pənə yɛ diɛ: «Nu Lon mąąwiɛi lɔwai aa həli.

Ɉaan 11:4

Ɓɛlɔwai Jesus ə nwəlɛɛ tii mɛ̨n na, ə mo yɛ diɛ: «Lazarə nwɔ ɲɔ̨n tii, hvo pai baai, kɛlaa, ɲɔ̨n tii, nwun mąą: Ə Yálá nwɔ huwalawala mąąwiɛ kulɔ pono ŋą, ə Yálá Lon ɉulɔnu nwɔ mąąwiɛ kulɔ pono ŋą.»

Filipə 2:11

ɛlɛɛ, hįi kəlee diɛ mo, diɛ kɛ: Jesus Kristə ɓə a Ną́mu, Ną́n Yálá ŋą mąąwiɛlaa hu.

Ifisiɛŋ 2:7

Yálá lii nɛ̨ɛ̨i mɔ̨ɔ̨ gwəi gu pɔ, Jesus Kristə háálai, Ə kɛ bɔ, ə nɛ, ɲɛnɛ̨ɛ̨i pai tɔwɔ pələ ɉu nuą diɛ, bələi nwɔ nɛ̨ɛ̨laa hu kɛnɛ̨ɛ̨ la, gɔɔnmąą hvo mą.

Ifisiɛŋ 1:12

Guɔi gbɛa gu kilitɔɔ Kristə ɓa tɔwɔi, 'ká gu Yálá mąątɛ̨nɛ̨ wələ too.

Korɛntə veelɛ 3:18

Ɛlɛɛ, gu kəlee kpɔ, ɉəɠə ɓɛla aa həɠə gu ɲɛ̨i, gu Nąmu ŋą mąąwiɛlaa ta aa həli guɔ, gu ɲɛ̨ilai mąą aa hvalən, gwaa kɛ a gulɔmąą, gu wɔ mąąwiɛlaa ta yɛ pɛlɛ lɔ mą a yələ kəlee gu Nąmu haalai, yai a Kili.

Ɉaan 12:28

Ną́n, ə́ laa mąąwiɛ!» Nąąlɔwai woo ta ə kulɔ yələi, yɛ diɛ: «Ŋą́ą́ náá mąąwiɛ, gáá nwɔ̨nɔ̨ pai mąąwiɛi.»

Lukə 12:50

Mą́ą́ waa mɛ̨nį niihɛlɛn gaa mą́ą́, hvo kɛli naa ə kulɔ.

Maafîu 8:20

Jesus ə mo mą yɛ mą: «Kɛlɛnŋąa lɔ wolo kaa di yəi, ə mą kɛ nwɛ̨nįɠaa taa kaa di yəi. Kɛlaa, kɛɛnąą ta hvo kpɛli Nu Lon yəi ɓɛi a vįitɔɔ laa.»

Piɛrə dɔlɔɔ 2:12

Ká túwɔ́ pələ ə kɛ a nɛlɛɛ, hali pulu nuą lɔwai, ə mą kpɛli kɛ di kaa ká laamąą hiɛi yɛ tuwɔ pələ ɲɔ̨n gulɔ nuą, ká wɔ tuwɔ pələ lɛlɛɠaa ə di kilaa pono, ɛlɛɛ, diɛ Yálá mąąwiɛ a yələi gaa pai di nąą kaai la.