Ɉaan 13:3 - Yálá laawoo hɛɓɛ (dc)

³ Jesus ə gɔlɔn gɛ yɛ ə həɠə Yálá pɔ, Yálá aa hɛn gəlee tɛɛ bɔ, ɛlɛɛ, Yálá pɔɔli ɓə gaa lii laa.

Yálá laawoo hɛɓɛ

³ Jesus ə gɔlɔn gɛ yɛ ə həɠə Yálá pɔ, Yálá aa hɛn gəlee tɛɛ bɔ, ɛlɛɛ, Yálá pɔɔli ɓə gaa lii laa.

Bible

³ Zîsɛ e gɔ̀lɔŋ a gɛɛ Nàŋ-nuui a sɛŋ kélee tɛ́ɛ bɔ a gɛɛ ǹyaŋ e kula Ɣâla yée ŋá gɛ ŋɔ́nɔ li bɔ,

Ɉaan 13:3 Referans Kwoze

Ɉaan 3:35

Lon wɛli kaa Nąn ma, a mɛ̨nįɠaa kəlee mąą huwalawala lɛɛ ɲei.

Maafîu 11:27

«Nąn aa hɛn gəlee tɛɛ bɔ́. Nu ta hvo Nąn gɔlɔn, hvo kɛ li Non. Nu ta hvo Non gɔ́lɔn, hvo kɛ li Nąn, ɛlɛɛ, da nui Non gaa bɔ ə Nąn nɛ mą.

Hebreu 1:2

ya ka, yiihui ŋɛ̨i, gu kaa kɛa la vóló gbɛlamąąɠaa hu, aa pələ ɓo guɔ, Non ɉu pələ, yai ə ɉee a gwɛlin gəlee həɠəmun, a yai ə yɛnɛ̨ɛ̨ kəlee pɛli la.

Ɉaan 17:2

Bələi Ə́ tɔɔlaa tɛɛ la bɔ yɛnɛ̨ɛ̨ nuą kəlee mɛ̨i, 'Gɛ, nuąi Ə́ di tɛɛ bɔ ə yɛnɛ̨ɛ̨ hva kpɛɛ tɛ di pɔ.

Ɉaan 8:42

Jesus yɛ diɛ: «Akɛ ka nąn ɓaa a Yálái, ka li nwɛ́li la kɛ. Mąąhɔlɔɓo, ŋą́ həɠə Yálá pɔ, naa hu ɓə gáá la ɓɛ. Və́ kɛ pa li gbɔ́wɔ́ ɓa, kɛlaa, yaa tii ɓə dɔ́ɔ́.

Maafîu 28:18

Jesus ə lɛɠɛ diɛ yɛ diɛ: «Daa hééɓolaa kəlee tɛɛ bɔ́ yələkɔlɔn ɉu ə mą kɛ lɔi mɛ̨i.

Korɛntə dɔlɔɔ 15:27

Mąąhɔlɔɓo aa gəlee too gɔwɔ mu. Kɛlaa, ɓɛlɔwai gaa pai kɛi la mą: «Hɛn gəlee aa pɛlɛ gɔwɔ mu», ə kulɔ nui hɛn gəlee pɛlɛ gɔwɔ mu, bulu.

Gɛlaɠaa 2:36

«Mąąnɛ̨ɛ̨ Israɛlə nu huwu kəlee di gɔlɔn diɛ kɛ: Jesus ŋɛ̨i ka gbanwo kolɔwa ɓa, ya ɓə Yálá ə gɛ a hɛn gəlee Ną́mu da nuą ɓalomun.»

Ɉaan 13:1

Gɛɛ pakə hɛli hvo kɛ ɉəli, Jesus ə gaa yɛ nwɔ lɔwai aa ɉəli yɛ pa kulɔi ɲɛnɛ̨ɛ̨ ŋɛ̨i hu, yɛ li Nąn bɔ. Nwɔ́ nuą ŋɛ̨i yɛnɛ̨ɛ̨, yaai ə di wɛli la kɛ, ə di wɛli la kɛ kpɔ kɛnɛ̨ɛ̨.

Ɉaan 7:33

Jesus yɛ diɛ: «Gu kaani wolo ɓo ɓɛ, gɛ́ kɛa pa lii nui dɔ́ɔ́ bɔ.

Ɉaan 7:29

Nwɛ́i ŋį́ gɔlɔn, mąąhɔlɔɓo, ŋą həɠə bɔɔli, ɛlɛɛ, ya ɓə dɔ́ɔ́.»

Ɉaan 3:13

Mąąhɔlɔɓo, nu ta hvo ta tɛ li yələi, hvo kɛ li lɔ Nu Lon yii həɠə yələkɔlɔn ɉu.

Ɉaan 1:18

Nu ta hvo ta Yálá kaa li, kɛlaa, Yálá Lon dɔ̨nɔ̨ gbən yii da Nąn di kɛ di kee pɔ, ya ɓə Nąn nɛ nuą diɛ.

Lukə 10:22

«Nán Yálá aa huwalawala kəlee tɛɛ bɔ́; nu ta hvo Non gɔ́lɔn, hvo kɛ li lɔ Nąn; nu ta hvo Nąn gɔlɔn, hvo kɛ li lɔ Non, da nui Non a kɛ bɔ ə Nąn nɛ mą.»

Ɉaan 8:14

Jesus ə di woo pulu pənə yɛ diɛ: «Ŋą́ą́ kɛi gbɔ́wɔ́ mąą kɛla hvaa ɓoi, yili kaa a tɛ̨ą. Mąąhɔlɔɓo, ɓɛi ŋą́ həɠə laa, da ɓɛi gaa lii laa, ŋą́ nąą kɔ́lɔn. Kɛlaa ka wɛi ɓɛi ŋą́ həɠə laa, da ɓɛi gaa lii laa, ka hvo nąą kɔ́lɔn.