Ɉaan 13:18 - Yálá laawoo hɛɓɛ (dc)

¹⁸ Və́ bələi ŋɛ̨i ɓoi a ka kəlee ka mąą mɛ̨nį, yiiɠaa ŋą́ di həɠə ɉu a nííɓa, ŋą́ di kɔ́lɔn. Hvo kɛ li mɛ̨nįi bɛ̨ɛ̨ Yálá laawoo hu bɔ mɛ̨nį ə kɛ; yaai ə kɛ mą: ‹Nui ŋɛ̨i kwa yaa ku yee kaa kɔ́wɔ tɔ̨nɔ̨ hu, aa muɠəɠə náá ɓa.›

Yálá laawoo hɛɓɛ

¹⁸ Və́ bələi ŋɛ̨i ɓoi a ka kəlee ka mąą mɛ̨nį, yiiɠaa ŋą́ di həɠə ɉu a nííɓa, ŋą́ di kɔ́lɔn. Hvo kɛ li mɛ̨nįi bɛ̨ɛ̨ Yálá laawoo hu bɔ mɛ̨nį ə kɛ; yaai ə kɛ mą: ‹Nui ŋɛ̨i kwa yaa ku yee kaa kɔ́wɔ tɔ̨nɔ̨ hu, aa muɠəɠə náá ɓa.›

Bible

¹⁸ Fe lônoi é pîlaŋ kákelee kâa; ŋá diai kɔ́lɔŋ ŋa dísiɣei; gáa a sɛŋ a gɛɛ Ɣâla ŋɔwóoi ŋa-see é kɛ́, ‘Núui ŋákpoloi mii a dúmƃe mu siɣe mâ.’

Ɉaan 13:18 Referans Kwoze

Mąątɛ̨nɛ̨ 41:9

Di woo laa diɛ: «Ɲɔ̨n ɲɔ̨nwɔ̨ɔ̨ ta tii aa yili mą, a nu yee kulɔ mu, mąą nu hva kɛa ɓalo.»

Maafîu 26:23

Jesus ə mo diɛ, yɛ diɛ: «Nui ŋɛ̨i kwa yaa ku kaa ku yee lɔi kɔ́wɔ tɔ̨nɔ̨ hu, ya ɓə.

Ɉaan 17:12

Gɛ́ɛ́ di pɔ, ŋą kɛi ɲɛ̨́i kɛ diɛ Ə́ laa hu, yaai ə́ dɛɛ bɔ́. Dɔ̨nɔ̨ kpɛli nwun na hvo pili, hvo kɛli lɔ nwun na pilimun; ə gɛ, mɛ̨nį Ɉɛɓɛ́ ə mo bɔ mɛ̨nį ə kɛ.

Markə 14:20

Jesus ə di woo pulu pənə, yɛ diɛ: «Ka nu pow kɔ́w hveelɛ ŋɛ̨i, ka lɔwai, nui kwa yaa ku kaa ku yee lɔi kɔ́wɔ tɔ̨nɔ̨ hu, ya ɓə.

Ɉaan 13:26

Jesus ə nwoo pulu pənə yɛ mą: «Nui gáá pai nɛɠɛ kpuɔi ŋɛ̨i tɛɛi bɔ, mąą nu ɓə.» Jesus ə mo lɔ tii, ə nɛɠɛ kpuɔ həɠə ə dɛɛ Simɔn lon Ɉudasə Iskariɔtə mun bɔ.

Ɉaan 6:70

Jesus ə di woo pulu pənə yɛ diɛ: «Ka nu pow kɔ́w hveelɛ ŋɛ̨i, kɛlɛi ɲą́ą́ ɓə ka həɠə ɉu? Kɛlaa yaamun, nu tɔ̨nɔ̨ kaa ka lɔwai a nąnį.»

Ɉaan 15:19

Ka kɛ kɛ a yɛnɛ̨ɛ̨ nwɔɔi, yɛnɛ̨ɛ̨ ə li ka wɛli la kɛ. Nuąi di kaa a yɛnɛ̨ɛ̨ nwɔɔ, diɛ ɓə yɛnɛ̨ɛ̨ a di wɛli la kɛ. Kɛlaa, ɲą́ą́ ka ɉəɠə ɉu, ŋą́ą́ ka kulɔ yɛnɛ̨ɛ̨ hu. Ka hvo kɛa a yɛnɛ̨ɛ̨ nwɔɔ, mɛ̨nįi yɛnɛ̨ɛ̨ hvo pai ka wɛli la kɛi la yaa li.

Hebreu 4:13

Hɛn nɔpee ta hvo yɛnɛ̨ɛ̨, noɔ mą, hɛn gəlee mąąkpoloonŋąąi ɲɛ̨i mu, gəlee laa niila. Yai gu kaa lii gu kwɛlanmoi mą.

Ɉaan 15:16

Kaa hvəə ɉə́ɠə́ ɉu, ɲą́ą́ ɓə ka həɠə ɉu, ŋį́ ka kɛ a nwɔ́ tínuą, ə gɛ, ka ɓai, ə lɛɛ ka yəi; ya ɓə a gɛ, yii lɔpee ka vɛli Ną́n mą náá hu, ə dɛɛ ka pɔ.

Maafîu 10:36

Nu ɲowo ɓa pai kɛi a ɲəi bɛlɛ́n nuą.

M̀ɛni-lɛɛi 2:23

Nonnii di wɛi, gáá pai di kɛlɛi a haa; ɛlɛɛ, gbɔn gəlee kaa pai gbaɠala kaa, diɛ kɛ, Ɲą́ą́ ɓə ŋą́, nu kwəi mɛ̨nį da nii hu mɛ̨nįɠaa kaa, ɛlɛɛ, ŋą́ ká tɛitɛi ká hvɛla kulɔ yɛ bələi ká tuwɔ la.

Ɉaan 21:17

Ɉaaɓanąą, yɛ mą: «Simɔn Ɉaan lon, nwɛ́li kaa yɛ́?» Piɛrə kwəi hvo nɛ̨ɛ̨, mąąhɔlɔɓo, Jesus aa mąąnikɛ gee mɛ̨i hveelɛ, ɉaaɓanąą ka ti, yɛ kɛ mą: «Nwɛ́li kaa yɛ́?» Simɔn ə Jesus woo pulu pənə yɛ mą: «Ną́mu, ə́ mɛ̨nį kəlee kpaɠala kɔ́lɔn, ə́ gɔlɔn gbɔ yɛ́ diɛ, ə́ wɛli kaa mą́ą́.» Jesus yɛ mą: «Nwɔ́ ɓɛlaaɠaai laahɔnmo.»

Korɛntə veelɛ 4:5

Ku kpɔwɔ mąą kalan vəi ku kaa gɛi, kɛlaa gu Nąmu Jesus Kristə ɓə. Yii ɓaa ku kpinįi ku wɛi, kwa ku kpɔwɔ lɛ a ká wɔɔ tínuą Jesus mąą mɛ̨nį ɓa.

Ɉeremi 41:2

Netania lon Yismaɛlə da nu powi tii kɛ bɔ, di di muhəɠə nuą tɛɠii, di Ahikamə lon Gedaliasə paa a ɓɔwa kwɛa, nui tii Babilonə tɔɔmun ə ɉee, yɛ ɲɛ̨i kɛ nɔi ɓa. Bələ ɓə di baa la.

Maafîu 26:21

Di kɛɛ di kɔ̨nɔ̨n mį́į́, Jesus ə mo diɛ, yɛ diɛ: «Gáá moi kaa a tɛ̨ą, ka tɔ̨nɔ̨ kaa pai nɔ́wɔ tɔɔi.»

Markə 14:17

Yələ wulii həliɛ kɛa, Jesus da nwɔ kalan nɛa pow kɔ́w-hveelɛ di pa laa.

Markə 14:18

Di kɛɛ kɛa di kɔ̨nɔ̨n mį́i, Jesus yɛ diɛ: «Gáá tɛ̨ą ɓoi kaa, guɔi ŋɛ̨i kɔ̨nɔ̨n mį́i kɛɛnąą tɔ̨nɔ̨ ɓa, nu tɔ̨nɔ̨ kaa pai nɔ́wɔ tɔɔi.»

Lukə 22:21

Kɛlaa, ya ka, nui pai ną́ą́ lɛi, gwa yaa ku yee kaa kɔ́wɔ tɔ̨nɔ̨ hu.

Ɉaan 13:21

Jesus kpɛɛ kɛa a nwooɠaa tii ɓoɔ, nii ə kələn gbɔ gwəi kɛnɛ̨, yɛ diɛ: «A tɛ̨ą kpɔ-kpɔ gáá moi kaa, ka tɔ̨nɔ̨ kaa pai nɔ́wɔ́ tɔɔi.»

Ɉaan 13:22

Galan nɛa di di ɲɛ̨i hee di kee ɓa, diɛ di kee mąąnikɛ, diɛ kɛ mą: gbɛɛ gaa mąą mɛ̨nį ɓoi?

Ɉaan 15:25

Kɛlaa, yili ə kɛ tii, ə gɛ, mɛ̨nįi bɛ̨ɛ̨ di wɔ tɔ́n ɉɛɓɛ́i hu naa ə hon, yaai da kɛ mą: ‹Daa nwɛ́li kpɛɛ diɛ, nwun və mą.›

Ɉaan 18:32

Nwooi ŋɛ̨i Jesus ə mo yɛ hvilɛn na ɉaa mɛ̨nį ɓa, ə gɛ, bɔ mɛ̨nį ə kɛ.

Ɉaan 19:24

Ɉolahiɠaa diɛ di kee ɓa: «Mąą hvo nɛ̨ɛ̨li gu hvo ɉu ɓɛla, kɛlaa, ka gu gɔ́ a kpɛɛn.» Yili ə kɛ tii ə gɛ, mɛ̨nįi Yálá laawoo hɛɓɛ́ ə mo bɔ mɛ̨nį ə kɛ, yai ə kɛ mą: «Di mą́ą́ həɠəɠaa ɲąąkwɛlɛ di kee lɔwai, Di nwɔ́ həɠə muhəɠəi kɔ́ a kpɛɛn.» Bələ ɓə gɔ́kulááɠaa di gɛ la.

Ɉaan 19:36

Yaan, mɛ̨nį tii ə kɛ, ə gɛ, mɛ̨nį Yálá laawoo hɛɓɛ́ ə mo bɔ mɛ̨nį ə kɛ, yai ə kɛ mą: «Gɔw tɔ̨nɔ̨ kpɛli hu hvo pai yalii.»

Gɛlaɠaa 1:2

ə mą kɛ, ə lɛɛ ɉu ə həli la ɲələi ə tɛ la yələkɔlɔn ɉu mą, yili kəlee ɓə ŋį́ bɛ̨ɛ̨. Gɛɛ hvo kɛ tɛi yələi, Kili-Mąąhəɠɛɛ ŋą huwalawala háálai, nuą ŋɛ̨i ə di həɠə ɉu ə di kɛ a nwɔ kɛlaɠaa, ə di kili ɲą pono, ə di tɔɔ.

Gɛlaɠaa 1:16

«Ną́n nonnii, mɛ̨nįi Kili-Mąąhəɠɛɛ ə mo ɉɛɓɛ́ mąąhəɠɛɛ hu, hvo kɛli kɛ bɔ mɛ̨nį ə kɛ, yai ə bu Davidə la yɛ hvilɛn na Ɉudasə ɓa, yaai tɔɔ nuą tɔwɔ diɛ pa Jesus hon ɉii.