Ɉaan 12:46 - Yálá laawoo hɛɓɛ (dc)

⁴⁶ Ɲą́ą́i a kɛɛ pono, ŋą́ pa yɛnɛ̨ɛ̨, ə gɛ, nui lɔpee a laa ná, hvo lɛɛ kpinį hu.

Yálá laawoo hɛɓɛ

⁴⁶ Ɲą́ą́i a kɛɛ pono, ŋą́ pa yɛnɛ̨ɛ̨, ə gɛ, nui lɔpee a laa ná, hvo lɛɛ kpinį hu.

Bible

⁴⁶ Ŋá pá yɛ̂ɛ kwaa-ponoɔ ǹɔii su, a gɛɛ ǹúui nyii kélee à làa a ńyãai, ve lɛɛ kpinîi.

Ɉaan 12:46 Referans Kwoze

Ɉaan 8:12

Jesus ə pənə ə mo nuą tii kɛ laa diɛ, yɛ diɛ: «Gáá a yɛnɛ̨ɛ̨ kɛɛ pono. Nui a hvilɛn búlú, hva hiɛ kpinį hu. Kɛɛ ponoi a yɛnɛ̨ɛ̨ hva kpɛɛ nu pɔ a ɉɔlɔɓo.»

Mąątɛ̨nɛ̨ 36:9

Diɛ pilɛ ə́ yəi bɛlɛ́n gɔ̨nɔ̨n nɛ̨ɛ̨ɠaa hu; ɲái yá dɔɔ di la, gaa a yɛnɛ̨ɛ̨ ɲąąnɛ̨ɛ̨ yá.

Ɉaan 9:5

Yii kpɔ gáá ni ɓɛ yɛnɛ̨ɛ̨, yɛnɛ̨ɛ̨ nwɔ kɛɛ pono.»

Gɛlaɠaa 26:18

Yɛ́ di ɲɛ̨i hvoloon, yɛ́ di kulɔ kpinį hu, yɛ́ pa a diɛ kɛɛ pono hu, yɛ́ di kulɔ ɓilihi nwɔ huwalawala yəi, yɛ́ pa a diɛ Yálá pɔ, akɛ tii, da mą́ą́ mɛ̨nį kaa a tɛ̨ą, di nwɔ nɛ̨ŋɛ̨nŋaa mąąhvaa ə lɛɛ; ɛlɛɛ, diɛ di wɔɔ hɔlɔɓo mąąhəɠə nuą kwɛlin ɉu.›»

Azaya 42:7

Yɛ́ ɲɛ̨ipu nuą ɲɛ̨i hvólóon, yɛ́ gaho nąmįną kulɔ di wɔ gahoi ŋą, nuąi kpinį pɛlɛ́ mu kpono ŋą, yɛ́ di kulɔ laa.

Ɉaan 3:19

Kití tii nwun mąą: kɛɛ pono ə pa yɛnɛ̨ɛ̨ nuą pɔ, di lənə ma, di kpinį wɛli la kɛ; mąąhɔlɔɓo, di túwɔ́ pələɠaa ɲɔ̨nwɔ̨ɔ̨i.

Ɉaan 1:9

Nwoo tii, ə kɛ a kɛɛ pono kpɔ-kpɔɔ, yii pa yɛnɛ̨ɛ̨, ə gɛ, ə nu kəlee mąą pono.

Maafîu 4:16

Nu huwuɠaai tii di kaa hiɛi kpinį hu, daa kɛɛpono kɛnɛ̨ɛ̨ kaa. Diɛi tii di kaa haa nįnįn mu, kɛɛpono kɛnɛ̨ɛ̨ aa kulɔ di mɛ̨i.»

Ifisiɛŋ 5:14

gbala ə tɔɔ, mɛ̨nįi aa doo pono ɲą, kɛɛ pono li. Yili ɓə gɛ, da kɛ mą: «Yɛ́i ŋɛ̨i yįi, 'nwún, ə́ muhəɠə 'ə́ kulɔ haa nuą lɔwai, ɛlɛɛ, Kristə kaa pai ə́ mąą ponoi.»

Lukə 2:32

Gaa a kɛɛ pono yii gaa pai ə́ lɛi yɛnɛ̨ɛ̨ hį́i kəlee ɓa, ə kɛ a Israɛlə mąą ɲįnɛ̨n.»

Azaya 42:15

Gáá kɛa pai yeeɠaa da yee kpukpuɠaa di hu taɠai, gɛ́ di mɛ̨i kalaɠaa kəlee laa kpala di ɲą, gɛ́ tɛɛyá kpɛa-kpɛa hu tee a gbįnįn-gbįnįn, gɛ́ powaɠaa hu kpala.

Ɉaan 9:39

Jesus yɛ mą: «Ŋą́ pa ɲɛnɛ̨ɛ̨ ŋɛ̨i hu, kiti tee mɛ̨nį ɓa. Ə gɛ, nuąi di ɲɛ̨ipuɔ, di kɛɛ kaa. Yiiɠaai di ɲɛ̨i hvo pu li, di ɲɛ̨i ə pu.»

Azaya 40:1

'Ka nwɔ́ nuąi hvaŋąlɔ, 'ka di hvaŋąlɔ, ka wɔ Yálái woo li.