Ɉaan 12:43 - Yálá laawoo hɛɓɛ (dc)

⁴³ Nuą tii di wɛi, mąąwiɛlaai a həɠə nuą pɔ, ya ɓə di kɛi gwɛli, ə tɛɛ yii a həɠə Yálá yəi mą.

Yálá laawoo hɛɓɛ

⁴³ Nuą tii di wɛi, mąąwiɛlaai a həɠə nuą pɔ, ya ɓə di kɛi gwɛli, ə tɛɛ yii a həɠə Yálá yəi mą.

Bible

⁴³ Kpɛ́ni fêi, dí núu-kpune ŋɔlaa-maa-tɛi wɛ̀li é tɛ́ɛ Ɣâla ŋɔlaa-maa-tɛi ma.

Ɉaan 12:43 Referans Kwoze

Ɉaan 5:44

Nuą di wɔ mąątɛ̨nɛ̨ ɓə ka gwɛli, ka hvo Yálá nwɛi pɔ. Ka pɛli ka laa pələ kɛ ləi ná?

Ɉaan 5:41

«Nwɛ́i vá ɲɛ̨́i pono mɛ̨nį kwɛli nu yəi.

Lukə 16:15

Jesus ə mo diɛ, yɛ diɛ: «Ka kɛ ka kpɔɔ kɛi a nu haŋąąɠaa nuą ɲɛ̨i ɓa. Kɛlaa, Yálá ə ka kwəi kiliŋąhiɛ kɔ́lɔn. Mąąhɔlɔɓo, yii mąąwia nuą ɲɛ̨i ɓa, mɛlɛkpɛɛi ma Yálá ɲɛ̨i ɓa.

Tɛsalonikə dɔlɔɔ 2:6

Ɛlɛɛ, ku hvo ku mąątɛ̨nɛ̨i kwɛlii, ə kɛ ká yəi, ə kɛ a nu takpɛli yəi.

Korɛntə veelɛ 10:18

Nui a gbɔwɔ mąą liɛwoo kɛ, yɛ gbɔwɔ mąątɛ̨nɛ̨, yaa hvəə dɔlɔ ka mą, kɛlaa, nui gu Nąmu a mąą liɛwoo kɛ, a mąątɛ̨nɛ̨ pələ.

Maafîu 6:2

Akɛ yá kɛi mąąwɛli mun gɔ́, a hɛn da, hvo ə́ kpɔɔ mɛ̨i lolo too, yɛ bələi tɛ ɲɛ̨i mɛ̨nį kɛ nuą da gɛ la, di wɔ Yálá hvɛli pɛlɛ́ɠaa mu; da pələ leeɠaa mɛ̨i; ə gɛ, nuą di di mąąwiɛ. Gáá moi kaa a tɛ̨ą, daa gbɛa di hvɛla hɔlɔɓo.

Korɛntə dɔlɔɔ 4:5

Yili ɓa, ká hvo nuą kiti tee nąąlɔwai tɔwɔ, gɛɛ gu Ną́mu hvo pa. Ya ɓə pai, mɛ̨nįɠaai noɔ kpįnįi, gəlee tooi pono ɲą, ə mą kɛ di kwəi kiliɠaa. Yili pulu, nu tɛitɛi da mąąwiɛ hɔlɔɓo Yálá yəi yɛ bələi bɛliɛ la diɛ.

Ɉaan 12:26

Nui a kɛ ə tí mą́ą́, ə hvilɛn búlú. Ɓɛi gáá laa, nąą ɓə nwɔ́ tímun gaa laa. Ɛlɛɛ, nui a tí mą́ą́, Ną́n a mąąwiɛ.

Ɉaan 8:54

Jesus ə di woo pulu pənə yɛ diɛ: «Ŋą́ kɛi gbɔ́ɔ́ mąąwiɛ ɲą́ą́ gbíníí, nwɔ́ɔ́ mąąwiɛ hva kɛ a hɛn da. Ną́n mə gaa mą́ą́wiɛi, a yaa ŋɛ̨i ka káá kɛi diɛ: ‹Kuɔ Yálá lii.›

Lukə 19:17

«Tɔɔmun yɛ mą: ‹Yaa gɛ a nɛlɛɛ, koló kɛmun nɛlɛɛ ɓaa yɛ yii yaa tələnmolaa kɛ mɛ̨nį logolo hu, gáá pa ə́ heei taa pow nwun na.›

Samuɛlə dɔlɔɔ 2:30

Yili mąą mɛ̨nį ɓa, Yai-Laa Israɛlə nwɔ Yálá woo ka: Ŋą́ ta mo tii, gɛ́ kɛ diɛ, ə́ wɔ pɛlɛ́i da ə́ nąn nwɔ pɛlɛ́i di kaa pai hiɛi ɲɛ̨i ɓa a yələ kəlee, kɛlaa, yiihu, Yai-Laa woo yili aa həɠə mą. Mąąhɔlɔɓo, nuąi da mą́ą́wiɛ, ŋą́ di mąąwiɛ, nuąi da tɛɠɛɓo ɉú, di ɓɛlɛ aa kpɛɛ diɛ.

Piɛrə dɔlɔɔ 3:4

kɛlaa, ə kɛ a liinɛ̨ɛ̨ gwəi laai noɔ ká hu pələ, yai a mąąyili hɛn hva kala, a lii lɛlɛɛ, a kpɔwɔ hu hon naa; yili ɓə mɛlɛ kaa mą Yálá ɲɛ̨i ɓa.

Lomaŋ 2:7

Nuąi di kanąn ŋąą mɛ̨nį lɛlɛɛ kɛɛ ɓa, diɛ mąąwiɛ kwɛli, diɛ ɓə Yálá kaa pai yɛnɛ̨ɛ̨ tɛɛi di pɔ kpɛɛ hvo mą.

Mąątɛ̨nɛ̨ 22:29

Heeɓolaa kaa a Yai-Laa nwɔɔ! Gaa heeni lɔi kəlee nwun mɛ̨i.

Samuɛlə dɔlɔɔ 15:30

Saulə yɛ mą: «Ŋą́ą́ nɛ̨ŋɛ̨n ɉəɠə, yiihu, gáá nɛ̨ɛ̨mąą hvəi yɛ́, gɛ́ ə́ hvaa mą, ə́ mą́ą́wiɛ nwɔ́ nuą da Israɛlə nuą di ɲɛ̨i ɓa. Pa gwə li, ŋą́ pɛlɛ Yai-Laa ə́ wɔ Yálái kɔ́wɔ mu.»

Hanwon 29:25

Ɲɔw kɛnɛ̨ a hɛlɛn dɛ nuą tɔwɔ. Kɛlaa, nui a gilitɔɔ Yai-Laa ɓa, a mąą nu mɛ̨i kaa.

Ɉaan 7:18

Nui a gbɔwɔ woo ɓo, a gbɔwɔ nwɔ mąąwiɛ kwɛli. Kɛlaa, nui a dímun nwɔ mąąwiɛ kwɛli, tɛ̨ą ɓomun, hva wɛa túwɔ́ ɓo.

Lomaŋ 2:29

Kɛlaa, yii nu hu pələ, noɔ, ya ɓə a nu kɛ a Ɉuifə mun neelee, ɛlɛɛ, kɛ́nɛ̨lonnaa ɓaa, yii nu kili ɓa pələ yɛ bələi Yálá kaa la bɔ, ya hvaa yii ɉɛɓɛ́ hu. Mąą nu ŋą mąąwiɛ hva həɠə nuą pɔ pələ, kɛlaa a həɠə Yálá pɔ.