Ɉaan 12:42 - Yálá laawoo hɛɓɛ (dc)

⁴² Ə mą kɛ tii, ɲɛ̨i tɔwɔ nuą lɔwai, damąą di laa Jesus la. Kɛlaa, di hvo kɛ bɔ di hvo di kpɔwɔ lɛ, ə gɛ, di hvo pa di kpɛ Yálá hvɛli pɛlɛ́ mu, mąąhɔlɔɓo, di kɛi ɲɔ̨w Farisiɛ̨ɠaa diɛ.

Yálá laawoo hɛɓɛ

⁴² Ə mą kɛ tii, ɲɛ̨i tɔwɔ nuą lɔwai, damąą di laa Jesus la. Kɛlaa, di hvo kɛ bɔ di hvo di kpɔwɔ lɛ, ə gɛ, di hvo pa di kpɛ Yálá hvɛli pɛlɛ́ mu, mąąhɔlɔɓo, di kɛi ɲɔ̨w Farisiɛ̨ɠaa diɛ.

Bible

⁴² E máŋ kɛ̀ ti ǹúu kpaya-kpayai kpîŋ dámaa dí làa la. Kɛ́lɛ, dí kɛ́ɛ yáôi Faresii-ŋai diai, dífe m̀o ni, a gɛɛ dífe làa díkula la Ŋ̀âla-fɛli-kerei mu.

Ɉaan 12:42 Referans Kwoze

Azaya 51:7

Kaai tələnmolaa kɔ́lɔn, 'ka ka wəli tɔɔ nwóó ɓa, kaai a nu huwui nwɔ́ tɔ́n kaa ɉui, ka hvo ɲɔwnuą di wɔ yɛlɛ mąą laa ɓa, da kɛi ka lalan, yili hvo ka hviikpɛɛ,

Ɉaan 9:22

Ɉulɔnui tii kaa nuą di kɛi mo tii, mąąhɔlɔɓo, di kɛi ɲɔ̨w Ɉuifəɠaa diɛ. Hvó gaai, daa kɛ mo diɛ kɛ: «Nui lɔpee a kɛ diɛ: ‹Jesus kaa a Nwun mąąɓomun Yálá ə naakwɛlanmo›, da gbɛ di wɔ Yálá hvɛli pɛ́lɛ́i mu.»

Ɉaan 7:13

Kɛlaa, nu ta lɔpee hvo kɛi Jesus mąą mɛ̨nį ɓo a pono ŋą, mąąhɔlɔɓo, di kɛi ɲɔ̨w Ɉuifəɠaa diɛ.

Hanwon 29:25

Ɲɔw kɛnɛ̨ a hɛlɛn dɛ nuą tɔwɔ. Kɛlaa, nui a gilitɔɔ Yai-Laa ɓa, a mąą nu mɛ̨i kaa.

Maafîu 10:32

Jesus ə mo diɛ, yɛ diɛ: «Nui a mo nu kpɔn ɉu yɛ mą, ɲą́ą́ ɓə gáá a Nąmu, ɲą́ą́ gbɛli, ŋą mąą nu lɛ Ną́n gaa yələkɔlɔn ɉu mą, gɛ́ mą, mąą nu kaa a nwɔ́ɔ́.

Zɔ̂ŋ Maa-ŋuŋ 4:15

Nui lɔpee a mo yɛ kɛ: Jesus kaa a Yálá Lon, Yálá kaa mąą nu hu, ɛlɛɛ, yɛ ɓo Yálá hu.

Zɔ̂ŋ Maa-ŋuŋ 4:2

Bələi ká pɛli Yálá nwɔ Kilii kɔlɔn ɉii la, bələ ka: nui lɔpee a kɛ diɛ, Jesus Kristə ə gbɔwɔ kɛ a nu, gaa a Yálá nwɛi ta,

Lomaŋ 10:10

Mąąhɔlɔɓo, nu a laa na nii hu, a kɛ a tələnmomun, ɛlɛɛ, yɛ́ mo a ə́ laaləi ə́ nwun mąą a ɓo.

Gɛlaɠaa 5:41

Gɛlaɠaai di həɠə dɔ́n vili nąmįną lííla a di kwəinɛ̨ɛ̨, diɛ li, mąąhɔlɔɓo, Yálá aa hvaa mą daa kɛ a nuąi mąąnɛ̨ɛ̨ di di mɔ̨nɔ̨ɓo Jesus laa mąą mɛ̨nį ɓa.

Ɉaan 19:38

Mɛ̨nįɠaa tii kəlee tɛɛ pulu, Ɉosɛfə Arimate mun, ə kɛ a Jesus nwɔ kalan non ta loo hu, mąąhɔlɔɓo, ə kɛi ɲɔ̨w Ɉuifə nwun nąmįną diɛ ya ɓə li, ə Jesus powa hu hvɛli Pilatə ɓa. Pilatə ə hvaa mą. Ɉosɛfə ə li, ə bowa kulɔ nwulu ɓa.

Ɉaan 16:2

Di kaa pai kɛi ka kpɛi Yálá hvɛli pɛlɛ́ɠaa mu; yələ ta kaa pai ɉəlii, nui a ka ta paa, yɛ kɛ gaa Yálá mąąwiɛi ka tii.

Ɉaan 12:11

Mąąhɔlɔɓo, Lazarə tii mąą mɛ̨nį ɓə gɛ Ɉuifə tamąą diɛ kulɔ la di pɔ, diɛ laa Jesus la.

Ɉaan 11:45

Mɛ̨nį tii Jesus ə gɛ, Ɉuifəɠaa tii pa Mari pɔɔli naa kaai, di laa Jesus la.

Ɉaan 9:34

Diɛ mą: «Yɛ́i di ə́ kaa, ə́ ɓo a nɛ̨ŋɛ̨n dee teei, yɛ́ ɓə yɛ́ ə́ ku kalan?» Di di yee hee mą, di bili ɲɛnɛ̨ɛ̨ pələ.

Ɉaan 3:2

Ə pa a kpinį Jesus pɔ, yɛ mą: «Mąąkwɛli kɛmun, ku gɔlɔn kuɔ Yálá ɓə ə́ kɛ a mąąkwɛli kɛmun, mąąhɔlɔɓo, mɛ̨nįɠaai ŋɛ̨i ə́ kaa gɛi, nu hva pɛli hvo gɛ, akɛ.»

Lukə 12:8

«A tɛ̨ą kpɔ-kpɔ gáá moi kaa, nui lɔpee a gbɔwɔ lɛ nuą ɲɛ̨i ɓa a nwɔ́ɔ́, Nu Lon yaa kpɛli, a gbɔwɔ lɛ a nui tii nwɔɔ Yálá nwɔ malakaɠaa ɲɛ̨i ɓa.

Lukə 6:22

«Nwun na nɛ̨ɛ̨ nuą ɓaa a kaa, akɛ nuą da ka wɛli kpɛɛ diɛ, di lənə kaa, diɛ ka lalan, ə lɛɛ, diɛ ka ɓɛlɛkpɛɛ kaa, a ɲɔ̨nwɔ̨ɔ̨ ɲą́ą́ ŋɛ̨i a Nu Lon náá mąą mɛ̨nį ɓa.

Azaya 66:5

'Ka ka wəli tɔɔ Yai-Laa woo ɓa, kaai nwoo a ka mąą kpɛlin. Ka kaayɔwɔɠaa da wɛlikpɛɛmąą laa kulɔ a kaa, diɛ ka kpɛ Náá mąą mɛ̨nį ɓa, mɛ̨nįi da kɛ moi ya ka: «Yai-Laa ə nwɔ mąąwiɛ lɛ tai, ə gɛ, ku mąą kwəinɛ̨ɛ̨ kulɔi kaa ka yəi.» Kɛlaa, diɛ mun mə pai nwumɛ̨i.

Azaya 57:11

Gbɛɛ ɓə ə́ kɛi ɲɔw mą, yɛ́ mówo kpɔ tii? Yai ə́ lənə la mą́ą́? Yai gíli hvo mą kɛa lɛɛ ə́ ɲąą? Nwɛ́i, ɉu aa kɛa, və́ kwɛi hvaa ə́ pɔ, hvo kɛ tii? Nąąlɔwai, hvó kɛli kɛa mą́ą́wiɛ.

Ɉeremi 38:19

Tɔɔmun Sedesiasə yɛ Ɉeremi ɓa: «Mɛ̨nįi niihɛlɛn gaa mą́ą́, ya ɓaa: Ɉuda nuąi tii daa li Kalde nuą pɔi, di hvo pa nee dɛ́ɛ́ di pɔ, diɛ mɔ̨nɔ̨ ɓo.»

Lukə 23:13

Pilatə ə ɉala laa həli nuą kpɛa-kpɛaa da nɔi kalanɉonŋąa, ə mą kɛ nɔi lonnii taɠaa təli,

Ɉaan 7:31

Nu kpului tii lɔwai, nu tamąą di laa Jesus la, diɛ kɛ diɛ: «Ɓɛlɔwai nwun mąąɓomun a pa pai, gaa mɔ̨ɔ̨ pai kpalo mɛ̨nį kɛi ə tɛɛ ɉulɔnui ɓa?»