Ɉaan 12:32 - Yálá laawoo hɛɓɛ (dc)

³² Yii ɓaa a nwɛ́i, da pa dɛ́ yələi, gáá pai nu kpulu kəlee yalai bɔ́ pələ.»

Yálá laawoo hɛɓɛ

³² Yii ɓaa a nwɛ́i, da pa dɛ́ yələi, gáá pai nu kpulu kəlee yalai bɔ́ pələ.»

Bible

³² ǹyaŋ tãi da pâi ńdɛ̂i la ŋá kúla ǹɔii mai, ŋa pâi núu-kpune kélee ɣalâi ŋ́gbîŋ ma.”

Ɉaan 12:32 Referans Kwoze

Ɉaan 8:28

Jesus, yɛ diɛ: «Ɓɛlɔwai ka káá pai Nu Lon tɛi la yələi, nąąlɔwai ɓə ka káá pai gɔlɔn ɉii la, kaa kɛ diɛ: Ɲą́ą́ ɓə gáá a Yaai Gaa Lɔ Laa. Ka káá pai gɔlɔn ɉii kaa diɛ: Və́ mɛ̨nį ta lɔpee kɛi gbɔ́wɔ́ ɓa, ɛlɛɛ, yii Ną́n ə mąąkwɛli mą, ya ɓə ŋą́ mo.

Ɉaan 3:14

Pələi tii Moisə ə kaalə pɛli la a ɓala kwɛli, ə ɉɛlɛn wulu ɓa ɲɛa lɔi hui, hvo kɛ li lɔ di Nu Lon gɛ tii.

Piɛrə dɔlɔɔ 2:24

yaa tii ɓə gu wɔɔ nɛ̨ŋɛ̨nŋaa həɠə gbɔwɔ kɔlɔ hu, ə haa la wulu ɓa, əgɛ, gu haai gu mo wɔɔ nɛ̨ŋɛ̨nŋaa diɛ, gu yɛnɛ̨ɛ̨ kɛ tələnmolaa yee kɔnma; yaa tii, mąą nwąnąi di mo, yili ɓə a gu ɓalo.

Ɉaan 6:44

Nui lɔpee ta hva pɛli pai bɔ́ akɛ Ną́n dɔ́ɔ́ hvo nii muhəɠə li. Ɛlɛɛ, ɲą́ą́n gáá pai nwun ɉi a yɛnɛ̨ɛ̨ ŋąąkpɛɛ yələ.

Zɔ̂ŋ Maa-ŋuŋ 2:2

Mąąhɔlɔɓo, yaa tii ɓə gbɔwɔ kulɔ a haláá, ə gu wɔ nɛ̨ŋɛ̨nŋaa waa, ɛlɛɛ, gu wɛiɠaa lɔ hvəə, kɛlaa, ə mą kɛ, yɛnɛ̨ɛ̨ nuą kəlee di wɛi.

Timote dɔlɔɔ 2:6

yaa ɓə gbɔwɔ kulɔ a haláá nu kanŋaa mąą mɛ̨nį ɓa. Gɛla hvaai di mo a guuii di ɉee, yaa li;

Hebreu 2:9

Kɛlaa, lə ɓə gwa pɛli gaai yiihu? Nui gɛ pələ tawolo too malakaɠaa di wɛi mui, yai a Jesus, ɉaa mɔ̨nɔ̨i tii ə mįi mąą mɛ̨nį ɓa, ə mąąwiɛlaa da lɛlɛ laa hɔlɔɓo, a mąą hon ɉɛn. Yili ɓa tii, Yálá ŋą mɛ̨inɛ̨ɛ̨ háálai, ə haa kɔlɔn, nu kanŋaa kəlee mąą mɛ̨nį ɓa.

Galatə 3:13

Kristə aa gu nwun mąąɓo dɔ́n ŋą nɛ̨ŋɛ̨n naa yəi a hɔ̨nwɔ̨ kɛnɛ̨, a yaa kpinįi ti kɛi ə mo a nɛ̨ŋɛ̨n naa gu mąą mɛ̨nį ɓa. Mąąhɔlɔɓo, bɛ̨ɛ̨i ɉɛɓɛ́ hu, yɛ mą: «Nui daa ɉɛlɛn wulu ɓa, nɛŋɛ̨n naai!»

Ɉaan 1:7

Ɉaan tii ə pa, ə kɛ a gɛɛ ponoi tii mąą kɛla hvaa ɓomun, ə gɛ, nu kəlee di laa gɛɛ ponoi tii mąą mɛ̨nį la.

Osia 11:4

Ŋą́ di hon a nu laa yɛli, gɛ́ li a diɛ, yɛ bələi da nu kan ɉon na, a wɛlikɛmąą yɛli, ɲą́ą́ ɓə luwɔ kalan gulɔ di kwaną gɛ́ kɔ̨nɔ̨n dɛɛ di pɔ.

M̀ɛni-lɛɛi 5:9

Diɛ wələ nįnɛ̨ too, diɛ kɛ mą: «Yɛ́ ɓə ə́ mąąnɛ̨ɛ̨ ə́ ɉɛɓɛ́i ŋɛ̨i hon, ɛlɛɛ, ə́ gɔlɔn ɉɛnɠaa kulɔ mą, gbala ə tɔɔ, Yɛ́ ɓə di ə́ kulɔ a haláá, ɛlɛɛ, yáá nu huwu tamąą, híiwoo tamąą, lɔi lonnii, ɛlɛɛ, da lɔi tamąą nwun mąąɓo a Yálá nwɔɔ, a ə́ ɲąmą

Piɛrə dɔlɔɔ 3:18

Hvó gaai, Kristə kpinįi, yaa tii a tələnmomun, ə mɔ̨nɔ̨ mįi nɛ̨ŋɛ̨nŋaa mąą mɛ̨nį ɓa, lɔ tanɔ̨n gbən, nuąi di hvo tələnmo li, di mąą mɛ̨nį ɓa, ə gɛ, ə ká mąą lɛɠɛ Yálá ɓa, yai di gɔlɔ paa, kɛlaa, Kili-Mąąhəɠɛɛ ə gɛ a vulú.

Ɉaan 19:17

Jesus ɓə nwɔ kolɔwa həɠə, di kulɔ la taai, diɛ li ɓɛi da kɛ mą: Nwun gonon ɲee ɓa (Ɉuifə woo hu, da kɛ mą: Gɔlgota).

Azaya 49:6

Yɛ mą́ą́: «Ə́ kɛ mɛ̨nį ɲə́i a nwɔ́ tímun, yɛ́ Ɉakɔbə huwu muhəɠə, yɛ́ pənə, yɛ́ pa a Israɛlə huwu kpəli, yili kolɔɔ ɓə, Ŋą́ą́ nwɔ̨nɔ̨ ə́ kɛ a huwu takpɛliɠaa di wɔ kɛɛ pɔ̨nɔ̨, lɔi kpɛlai kəlee yɛ nwɔ́ ɓalo mɛ̨nįi hɔlɔɓo ə́ yə́i.»

Ɉaan 12:34

Nuą tii kəlee di nwoo pulu pənə diɛ mą: «Ku mɛ̨n dɔ́n ɉɛɓɛ́ hu, diɛ kɛ: Nwun mąąɓomun Yálá ə naakwɛlanmo haa hvo mą. Gɛ pələ kaa ləi yaai, ə́ kaa kɛi diɛ: di kaa pai Nu Lon dɛi yələi? Akɛti, gbɛɛ ɓə a Nu Lon tii?»

Wɛli 1:4

'Ɲéé hon, gwəli! Gu gilɛ həɠə! Yɛ́ ɓə a nwɔ́ tɔɔmun; 'gwəli; ə́ yəi bɛlɛ́ lon mu. Yɛ́ lɔ ɓə a gu wɔ kwəinɛ̨ɛ̨, da gu wɔ ɲąŋą kulaa! Gu ə́ wɔ wɛlikɛmąąlaa mąą ɲąŋą kulɔ, ə tɛɛ lɔɔ ɓa. Tɛ̨ą kaa nɛ̨ɛ̨lɛa pɔ, di ə́ wɛli la kɛ.

Samia Veerɛi 18:9

Absalɔn ə tɛ Davidə nwɔ nuąi mɛ̨i dɛɠii. Absalɔn ə kɛ heeni tiɛ̨-hŋəŋ hoo mɛ̨i, ɉoo ə bələ haŋą wulu kɛnɛ̨ ta pɔ pələ, yii kɛ ŋonwo tamąą ma. Absalɔn ə lɛɛ hɛlɛn ni nwulu wonwo ta ɓa ɲələi gɔwɔ hvo nɔi ɓa, ɉoo ə ɓɔ mu.

Azaya 11:10

Mąą yələi tii, Ɉɛse mąąpoo, a kɛ a dɛɛ yələi yɛ, Ɉilɛyili, yɛnɛ̨ɛ̨ nuą kəlee ɲɛ̨i ɓa, lɔi kəlee yɛ mąą gilɛ həɠə, ɓɛi a kɛ laa heeni, nąą laahvɛɛ a nwɔ mąąwiɛ.

Ɉaan 18:32

Nwooi ŋɛ̨i Jesus ə mo yɛ hvilɛn na ɉaa mɛ̨nį ɓa, ə gɛ, bɔ mɛ̨nį ə kɛ.

Lonon mo 21:9

Moisə ə kaalə mąą nįnįn ɉəɠə a ɓala kwɛli, ə ɉɛlɛn wulu gbiɛ da ɓa. Gaaləi tii ta a nu ɲin nɔ kɛ, mąą nu a ɲɛ̨i hee gwɛli kaaləi tii ɓa, ə ɓalo.