Ɉaan 12:20 - Yálá laawoo hɛɓɛ (dc)

²⁰ Hį́i takpɛliɠaa di pa Ɉerusalɛmə kwɛli hvilɛn ɉii Yálá, a ɉɛli yələ.

Yálá laawoo hɛɓɛ

²⁰ Hį́i takpɛliɠaa di pa Ɉerusalɛmə kwɛli hvilɛn ɉii Yálá, a ɉɛli yələ.

Bible

²⁰ Gurii da-ni-ŋa dí kɛ̀ dísama, diai lì gúui su Ɣâla fɛlîi.

Ɉaan 12:20 Referans Kwoze

Ɉaan 7:35

Ə həɠə ɲələ ɓa, Ɉuifəɠaa di kɛi kɛ diɛ kɛ di kee ɓa: «Mįnɛ̨ ɓə gaa pai lííla yai ku hvo pai gaai? Akɛti, Ɉuifəɠaa ŋɛ̨i di taɠa-taɠa hį́i takpɛliɠaa lɔwai nąą pələ ɓə mɔ̨ɔ̨ gaa pai lííla, yɛ ɉį́i takpɛliɠaa tii kalan?

Gɛlaɠaa 17:4

Ɉuifə taɠaa di Polə da Silasə di nwoo kaa a tɛ̨ą, ə pɛlɛ la Grɛkəɠaa tamąą diɛ, diɛi kɛi kwɛli hvilɛn Yálá ɓa, da nɛ̨ąą tamąą, a laa-nąmįną kpɛa-kpɛaa.

Azaya 11:10

Mąą yələi tii, Ɉɛse mąąpoo, a kɛ a dɛɛ yələi yɛ, Ɉilɛyili, yɛnɛ̨ɛ̨ nuą kəlee ɲɛ̨i ɓa, lɔi kəlee yɛ mąą gilɛ həɠə, ɓɛi a kɛ laa heeni, nąą laahvɛɛ a nwɔ mąąwiɛ.

Gɛlaɠaa 8:27

Filipə ə nɛɛɲąąɓa ə li, ya ɓə, ə kwiɛn a Etiopi mun da, ə kɛ a gbɛtɛgbuwulu, yɛ ɓo a nɔi mɛ̨nį ɲɛ̨i kulɔmun gɛnɛ̨, a Etiopi nɛ̨ɛ̨nu Kandasə ŋą hɛn gɔw mɛ̨ikaamun; aa kɛ li Yálá mąąwiɛ hiɛ ɓa Ɉerusalɛmə.

Markə 7:26

Nɛ̨ɛ̨nui tii hvo kɛ a Ɉuifə mun. Ə kɛ a Fenisi taa ta hu mun Siri lɔi hu. Ə Jesus mąąnɛ̨ɛ̨ yɛ mą: «Gɛ́ ə́ ɲinɛ̨n ŋɛ̨i kpɛ nón nɛ̨ɛ̨nu pulu.»

Galatə 2:3

Kɛlaa, Titei ŋɛ̨i kɛ bɔ́, yɛ ɓo a Grɛkə mun, di hvo kpɛli kpala ná, a ɉee mɛ̨nį kɛ́nɛ̨ ɓa;

Gɛlaɠaa 21:28

Di kɛi tomą diɛ kɛ mą: «Israɛlə nuą, ka lɛɠɛ kuɔ! Nui ŋɛ̨i aa kɔ́ pɛlɛ gu huwu ɓa, aa bɛlɛ dɔn ɉɛɓɛ́ ɓa, da Gɛɛnąą mąąhəɠɛɛ ŋɛ̨i, a nwɔ kalan a kɛ lia gɛ nu kəlee ɓa, kɛɛnąą kəlee. Aa tɔɔ kpɔ hɔlɔɔmun Grɛkəɠaa tɔwɔ, yɛ lɔ a diɛ Yálá hee pɛlɛ́ mu, ɛlɛɛ, yɛ gɛɛnąą ŋɛ̨i kɔ́hɔɓo la.»

Gɛlaɠaa 20:21

Nwɔ́ kɛla hvaa ə kɛli Ɉuifəɠaa da nuąi di hvo a Ɉuifəɠaa di təli, ə gɛ, di pa Yálá pɔ pələ, di laa gu Ną́mu Jesus la.

Gɛlaɠaa 16:1

Polə ə həli Dɛrbe, da Listrə, kalan non da ə kɛ laa, diɛ kɛ mą: Timote, nee ə kɛ a Ɉuifə mun da, laa na laa ə ɓo ɲəi; nąn ə ɓo a Grɛkə mun.

Gɛlaɠaa 14:1

Ikoniumə daai kpɛlimąn, di nwɛlɛɛ tanɔ̨n ti laa həli lɔ laa; Polə da Barnabasə di lɔ Yálá hvɛli pɛlɛ́ɠaa mu, bələ ɓo pələi ti kɛ di yəi, Ɉuifəɠaa da nuąi di hvo a Ɉuifəɠaa, di laa Yálá la.

Kolosə 3:11

Yiihu kɛa, Grɛkə mɛ̨nį hvo kɛa ɉu, Ɉuifə mɛ̨nį hvo kɛa ɉu, kɛ́nɛ̨-lon mɛ̨nį hvo kɛa ɉu, kɛ́nɛ̨-kpoloaa mɛ̨nį hvo kɛa ɉu, huwu takpɛli mɛ̨nį hvo kɛa ɉu, lɔwɔ-pɔmun mɛ̨nį hvo kɛa ɉu, luwɔ mɛ̨nį hvo kɛa ɉu, lɛɛ gbɔwɔ ɓamun mɛ̨nį hvo kɛa ɉu, kɛlaa, Kristə ɓə a gəlee, gəlee hu.

Galatə 3:28

Ɉuifə mɛ̨nį hvo kɛa ɉu, Grɛkə mɛ̨nį hvo kɛa ɉu, luwɔ mɛ̨nį hvo kɛa ɉu, lɛɛgbɔwɔ ɓa mɛ̨nį hvo kɛa ɉu, hulɔnu mɛ̨nį hvo kɛa ɉu, nɛ̨ɛ̨nu mɛ̨nį hvo kɛa ɉu; gbala ə tɔɔ, ká kəlee káá kɛ kɛa tanɔ̨n Kristə hu

Lomaŋ 10:12

Yili ɓa, ɓɛlaɓo hvo Ɉuifəɠaa da huwu takpɛliɠaa di lɔwai. Di kəlee di Nąmu kaa tanɔ̨n, nui a nwoo tɛ bɔ pələ, a mɛ̨inɛ̨ɛ̨ kɛ mąą nu ɓa.

Lomaŋ 1:16

Gbala ə tɔɔ vá nwumɛ̨ nwɛlɛɛ lɛlɛɛ laa həli. Mąąhɔlɔɓo, nuąi pai laa na, yili kaa di yəi a Yálá nwɔ huwalawala laa. Ə gɔwɔ tɔɔ Ɉuifəɠaa diɛ, ə mą kɛ diɛi di hvo a Ɉuifəɠaa.

Ɉaan 12:1

Pakə hɛli ə lɛɛ pulu a hvoló mɛ̨ida, Jesus ə li Bɛtani Lazarə ŋɛ̨i ə nwun ə gulɔ haaɓɛlaa lɔwai di pɔ taai.

Ɉaan 12:19

Farisiɛ̨ɠaa diɛ di kee ɓa: «Ka káá nąą kaai, gu hva pɛli mɛ̨nį ta kɛi, nuą kəlee daa hvilɛn bulu.»