Ɉaan 12:2 - Yálá laawoo hɛɓɛ (dc)

² Di Jesus nwɛalaa kɛ laa. Martə ɓə kɛi nuą kɔ̨nɔ̨n gɛ, Lazarə da Jesus ni kəlee ɓə kɛ laa.

Yálá laawoo hɛɓɛ

² Di Jesus nwɛalaa kɛ laa. Martə ɓə kɛi nuą kɔ̨nɔ̨n gɛ, Lazarə da Jesus ni kəlee ɓə kɛ laa.

Bible

² Nàa ƃe dí mii-sɛŋ kpɛ̀tɛ naa mì; Maatɛ ƃe pà a mii-sɛŋ teƃelei ma, kɛ́lɛ, Lâzara e kɛ̀ a ǹúui dɔnɔ kɛ̀ teƃele ma da dîa-ni.

Ɉaan 12:2 Referans Kwoze

M̀ɛni-lɛɛi 3:20

Ɓɛ kaa, gáá tɔɔni bɛlɛ́ laaləi, gɛ gbon gɛlɛ. Nui a nwóó mu hon, ɛlɛɛ, ə bɛlɛ laa ɓo, ŋą́ lɔ bɔ bɛlɛ́n, ɛlɛɛ, kwa yaa ku ku yee lɔ kɔwɔ tɔ̨nɔ̨ hu.

Lukə 22:27

Gbɛɛ ɓə a nu kɛnɛ̨ laamun? Nui heeni gɔ̨nɔ̨n ma, awala kɛtii, nui goló kɛi? Kɛlɛi nui heeni ya ɓə? Ya ka tii gáá ka lɔwai yɛ nui goló kɛi!

Markə 14:3

Ɓɛlɔwai Jesus ə kɛ la Bɛtani daai, Simɔn ŋɛ̨i ta volóɲɔ̨n ə kɛ mą, ə kpɛɛ; di kɛ ɲəi bɛlɛ́n, diɛ kɔ̨nɔ̨n mį́i, nɛ̨ɛ̨nu ta ə lɔ múlún non yɛ ɓo ɲəi naa hvɛɛ a wulɔ kun-nɛ̨ɛ̨ yii kɛ ɉɔ̨nwɔ̨ kɛnɛ̨. Nɛ̨ɛ̨nui tii ə múlún tii laa ɓo, ə nwulɔi tii kəlee pu Jesus nwuɔ̨ ə mąątí la.

Lukə 14:12

Nui ŋɛ̨i dəli, yɛ yili ɓa: «Yá kɛ ə́ kaa nuą təli la kɔ̨nɔ̨n mai, ə kɛ a hvóló ŋą, ə kɛ a yələwulii, hvó gɛ lɔ a ə́ wɛlikɛmąą nuą da ə́ kaayɔɠaa, a wala kɛ tii, hɛn nąmįnąi di kaa ə́ kwɛlɛ; əgɛ, diɛ kpɛli di hvo pa ə́ təli kɔ̨nɔ̨n ma hvóló ta. A kɛ tii, mɛ̨inɛ̨ɛ̨ tii ə́ gɛ, daa gwələ kulɔ.

Lukə 12:37

Góló kɛ nuąi tii di nąmu a pa, ə di kaa a di ɲɛ̨i, nwun na nɛ̨ɛ̨ nuą ɓaa diɛ. A tɛ̨ą kpɔ-kpɔ gáá moi kaa, di nąmu a koló kɛ həɠə too gwaną, ə nwɔ koló kɛ nuąi hee, ə kɔ̨nɔ̨n dɛɛ di pɔ.

Lukə 5:29

Yili pulu, Levi ə Jesus təli ɲəi bɛlɛ́n, ə nwea laa kɛ. Nįįhɔ̨nwɔ̨ kulɔ nuą tamąą, ə mą kɛ da nu takpɛliɠaa, da Jesus ni diɛ kɔ̨nɔ̨n mį́į́ kɛɛnąą tɔ̨nɔ̨ ɓa.

Maafîu 26:6

Jesus ə kɛ Bɛtani daai, Simɔn yii hvólóɲɔ̨n ə kɛ mą ɲəi bɛlɛ́n.

Wɛli 4:16

Ɲánwuɔ̨ hvaŋą da ɉɛɠɛɛ pələ hvaŋą! Ka ka ɲįnąą ɓo! Ka pa gwəli. Ka pu nwɔ́ nɔw yɛai ɓa, ka mąą kun daɠa. Yɛ́i ɓaa níiɓa nɛ̨ɛ̨nu, Pa! Ə́ yəi nɔw yɛa. Ə́ naa wulu ɓa nɛ̨ɛ̨ɠaa kɔ́ɔn.