Ɉaan 12:16 - Yálá laawoo hɛɓɛ (dc)

¹⁶ Mɛ̨nįi tii kɔ́wɔ tɔɔi lɔwai, Jesus nwɔ kalan nɛai di hvo kɛi gbaɠala kaa, kɛlaa, Jesus mąąwia pulu, di kili ə pu ɉu, diɛ kɛ: mɛ̨nį kɛ bɛ̨ɛ̨ mąą mɛ̨nį hu, aa gulɔ mą.

Yálá laawoo hɛɓɛ

¹⁶ Mɛ̨nįi tii kɔ́wɔ tɔɔi lɔwai, Jesus nwɔ kalan nɛai di hvo kɛi gbaɠala kaa, kɛlaa, Jesus mąąwia pulu, di kili ə pu ɉu, diɛ kɛ: mɛ̨nį kɛ bɛ̨ɛ̨ mąą mɛ̨nį hu, aa gulɔ mą.

Bible

¹⁶ Ŋɔpôlu-ƃelai dífe táre ni nyiŋi su a maa-ŋuŋ; kɛ́lɛ, tãi Zîsɛ ŋɔfólo-laai ma e tɛ̀ lai, e pà díkili ŋá a gɛɛ nyiŋi e kɛ̀ a bɔ̃yɛɛ é pîlaŋ mà, e ŋɔ́nɔ kɛ́ la.

Ɉaan 12:16 Referans Kwoze

Ɉaan 2:22

Ɓɛlɔwai Jesus ə muhəɠə la ə kulɔ haaɓɛlaa lɔwai, nąąlɔwai ɓə nwɔ kalan nɛai di di kili lɛɛ la nwoo tii hu, di laa Yálá laawoo hɛɓɛ́ da Jesus hvaa woo la.

Ɉaan 14:26

Ka mąąkɔ̨nwɔ̨ mun yai a Kili-Mąąhəɠɛɛ, yai Ną́n gaa pai dɛɛi ka pɔ ɲą́ą́ náá hu, gaa pai ka mąąkwɛlii mɛ̨nįɠaa ti kəlee ɓa, yiiɠaai ŋį́ mo kaa, ə nąą kili too ka ŋą.

Ɉaan 7:39

Nuąi da laa Jesus la Yálá nwɔ Kilii da ɉɔlɔɓo, mąą mɛ̨nį ka tii ə kɛi ɉanwon ɉɔɔ diɛ. Gilii ti hvo nii kɛ pa li nąąlɔwai, mąąhɔlɔɓo, Jesus mąąɲįnɛ̨n hvo nii kɛ too li pono ŋą.

Gɛlaɠaa 2:36

«Mąąnɛ̨ɛ̨ Israɛlə nu huwu kəlee di gɔlɔn diɛ kɛ: Jesus ŋɛ̨i ka gbanwo kolɔwa ɓa, ya ɓə Yálá ə gɛ a hɛn gəlee Ną́mu da nuą ɓalomun.»

Ɉaan 12:23

Jesus ə di woo pulu pənə yɛ diɛ: «Nu Lon mąąwiɛi lɔwai aa həli.

Hebreu 12:2

'gu ɲɛ̨i kpalaa laa na laa pələi kulɔmun ma, yai a Jesus, a pɛli mą, ə gu həli naa kulɔi ɓa, a yai lənə kwəinɛ̨ɛ̨i kɛ dɔwɔ mą, ə niikpələ yɛ ɓɛlɛkpɛɛmąą haa ɓo kolɔwa ɓa, gaa heeni Yálá ŋą tɔɔkpəlin ɲee lɛlɛɛ hu.

Hebreu 8:1

Mɛ̨nįɠaa ŋɛ̨i ku kaa moi, gəlee nwun gbɔ-kpɔɔi ga mą, ya ka: ɉaláá laa həli mun gɛnɛ̨ɛ̨ taaləi tii ɓə gaa ká gu yəi, yai heeni dɔɔkpəlin ŋą mąąwiɛlaa yee lɛlɛɛ hu, yələkɔlɔn ɉu.

Gɛlaɠaa 3:13

Abrahamə, Isaakə da Ɉakɔbə di nwɔ Yálá, gu nąnni di wɔ Yálá ə nwɔ tímun Jesus ɲɛ̨i pono, a yaa ti ka ɲąɓalɔ mą, ka gwɛlɛ Pilatə ɓa, bələi mąn yili ə kɛ la bɔ, ə ɓo la ma.

Gɛlaɠaa 2:33

Ə tɛ ə hee Yálá yee lɛlɛɛ mɛ̨i, Yálá ə nwɔ Kili-Mąąhəɠɛɛ tɛɛ bɔ yɛ bələi ə naakwɛlan mo la, ə gbɛŋąn gu mɛ̨i yɛ pələi ka káá gaai la, ɛlɛɛ, kaa mąą mɛ̨nį mɛ̨n na.

Ɉaan 16:4

Gáá yiliɠaa ɓoi tii kaa, ə gɛ, nąąlɔwai a həlii, kaa ka kiliŋąhiɛ nwóóɠaa diɛ. «Və́ ni kɛ yili ɓo li kaa a gɔwɔ tɔɔ yələ, mąąhɔlɔɓo, ŋį́ kɛ ni ka pɔ.»

Lukə 24:45

Nąąlɔwai, Jesus ə di wɔ kilaa pono ɲɛ̨i hvólóon, əgɛ, di Yálá laawoo hɛɓɛ́ kpaɠala kaa

Lukə 24:25

Nąąlɔwai, Jesus ə mo diɛ, yɛ diɛ: «Ee kə́! Ka hva mɛ̨nį kpaɠala kaa ɉa, ə lɛɛ, mɛ̨nį Yálá kwəi mɛ̨nį hukulɔ nuą di mo ka laa la walai yili la!

Lukə 18:34

Kɛlaa galan nɛa di hvo kpɔ nwoo tii ŋąą kaa. Nwooɠaai tii hu kpinįɛi kɛ a diɛ. Yii Jesus ə kɛi mo diɛ di hvo kɛi gbaɠala kaa.

Lukə 9:45

Kɛlaa, di hvo nwoo tii kpaɠala kaa, mąąhɔlɔɓo, nwoo tii mukulaa loɔi kɛ diɛ, ə lɛɛ, di kɛi ɲɔw Jesus mąąni kɛi yili mąą mɛ̨nį ɓa.

Ɉaan 17:5

Ną́n! Yiihu kɛa mąąwiɛi ŋɛ̨i kɛ ɲə́i gɛɛ yɛnɛ̨ɛ̨ kɔ́wɔ hvo tɔɔ, dɛɛ bɔ́.

Markə 16:19

Jesus kpɛɛ kɛa a nwooɠaa tii ɓoɔ diɛ, ə muhəɠə ə tɛ yələi ə hee Yálá yee lɛlɛɛ mɛ̨i.

Markə 9:32

Kɛlaa, galan nɛa di hvo kɛi nwoo tii mukulaa kɔ́lɔn; di kɛ ɲɔ̨w mąąni kɛi.