Ɉaan 11:51 - Yálá laawoo hɛɓɛ (dc)

⁵¹ (Yaan, Kaifə hvo kɛi nwoo tii ɓo gbɔwɔ ɓa, mąą kwɛlan tii, yɛ pələi ya ɓə kɛ la a haláá laa həli nuą kpɛa-kpɛa nwun nąmu, ə mɛ̨nį ɓoɔ gɛi lɔwai tɔwɔ woo ɓo, yɛ kɛ diɛ: Jesus mąąnɛ̨ɛ̨i kɛ ə haa Ɉuifə lɔi mąą mɛ̨nį ɓa.

Yálá laawoo hɛɓɛ

⁵¹ (Yaan, Kaifə hvo kɛi nwoo tii ɓo gbɔwɔ ɓa, mąą kwɛlan tii, yɛ pələi ya ɓə kɛ la a haláá laa həli nuą kpɛa-kpɛa nwun nąmu, ə mɛ̨nį ɓoɔ gɛi lɔwai tɔwɔ woo ɓo, yɛ kɛ diɛ: Jesus mąąnɛ̨ɛ̨i kɛ ə haa Ɉuifə lɔi mąą mɛ̨nį ɓa.

Bible

⁵¹ Ve nyiŋi ƃo ni gbɔɔ̂i-yee ma. Kɛ́lɛ, gɛɛ a zâla láa zoŋ-nuu kɛ́tɛi a maa-goraŋ ti, e mɛnii ƃò nyii pâi kɛ̂i a gɛɛ Zîsɛ a pâi saâi ǹɔii mɛni ma,

Ɉaan 11:51 Referans Kwoze

Danîa 9:26

Gwɛlan pow mɛ̨ida kɔ́w hveelɛi heei gwɛlan mɛ̨ihveelɛi tii tɛɛ pulu, hulɔnu ta yii Yálá aa ɉəɠə ɉu ə mąątí, di kaa pai baai, dɔɔ bulu kɛ mun hva hɔlɔɓo nuą lɔwai. Yili pulu, nwun nąmu ta ka pai muhəɠəi, da nwɔ kɔlaɠaɠaai, di daa lee wolo, ə mą kɛ Yálá hee pɛlɛ́. Ə mą kɛ tii, Yálá nwɔ líiɲąnwąną kaa pai pui nui tii mɛ̨i, ə nwɔ yɛnɛ̨ɛ̨ ŋaakpɛɛ. Kɛlaa, gɛɛ hvo pa kɛ haai, gaa pai kɛɛ kalai kɔ́kɔ́ɔ hu, yɛ pələi di mɛ̨nį tii gbən dee la.

Korɛntə veelɛ 5:21

Nɛŋɛ̨n nɔpee hvo Kristə ɓa, kɛlaa, Yálá ə gu wɔɔ nɛ̨ŋɛ̨n diɲɛ̨ɠaa hee nwuɔ̨. Yiihu kɛa, Kristə pɔ pələ, Yálá aa gu kɛ la a tələnmo nuą.

Samuɛlə dɔlɔɔ 23:9

Davidə ə bələ mɛ̨n yɛ kɛ mąą mɛ̨nį ɓə Saulə kaa mɛ̨nį ɲɔ̨nwɔ̨ɔ̨ tii kɛi la. Davidə ə mo ɉaláá laa həli mun Abiatarə ɓa, yɛ mą: «Pa a ɉaláá həɠə!»

Lɛɛ gbɔwɔ ɓa 28:30

Ə́ Yai-Laa nwɔ kpɛɛn doo giti həɠə hu, mąąnɛ̨ɛ̨ di kɛ Aarɔn kəŋə la, ɓɛlɔwai a kɛi lɔ la Yai-Laa lííla, a kɛ ti, Israɛlə lonnii di wɔ kitii a kɛ lɔ Aarɔn kəŋə la a yələ kəlee ɓɛlɔwai gaa la Yai-Laa lííla.

Galatə 3:13

Kristə aa gu nwun mąąɓo dɔ́n ŋą nɛ̨ŋɛ̨n naa yəi a hɔ̨nwɔ̨ kɛnɛ̨, a yaa kpinįi ti kɛi ə mo a nɛ̨ŋɛ̨n naa gu mąą mɛ̨nį ɓa. Mąąhɔlɔɓo, bɛ̨ɛ̨i ɉɛɓɛ́ hu, yɛ mą: «Nui daa ɉɛlɛn wulu ɓa, nɛŋɛ̨n naai!»

Korɛntə dɔlɔɔ 13:2

Ə mą kɛ ŋą́ pɛli Yálá-taa mɛ̨nįɠaa kəlee hu kulɔi, gɛ́ ɓo a mɛ̨nį looɔɠaa kəlee kɔ́lɔnŋąa, da kili mɛ̨nį kəlee, ə mą kɛ laa na laa kaa ɲɛ̨́i gɛ́ yeeɠaa həɠə la dɔɔi, akɛ wɛlikɛmąąlaa awala kɛ ɲə́i, gáá a kpɛli-kpɛli.

Ɉaan 10:15

Yɛ bələi ną́n ə gɔ́lɔn na, pələ lɔ ɓə ɲą́ą́ gbɛli ŋį́ ną́n gɔlɔn na, ŋį́ gbɔ́ɔ́ kwɛlɛ nwɔ́ ɓɛlaaɠaai mąą mɛ̨nį ɓa.

Maafîu 20:28

Yili ɓə gaa mą, Nu lon ə pa, ə gɛ, ə kɛ a nuą di wɔ kólo kɛmun, ə gɛ ə gbɔwɔ kwɛlɛ nu kpulu kɛnɛ̨ nwun mąąɓo mɛ̨nį ɓa.»

Samuɛlə dɔlɔɔ 28:6

Saulə ə Yai-Laa mąąnin gɛ, kɛlaa, Yai-Laa hvo nwoo pulu pənə, ə kɛ a hįi pələ, ə ma kpɛli kɛ a ɉaláá laa həli mun, ə kɛ a Yálá kwəi mɛ̨nį hukulɔ mun.

Lonon mo 24:2

Balaamə ə ɲɛ̨i muhəɠə, ə Israɛlə nuą kaa diɛ di hvįįtɔɔ. Di hee kpəlin na kɛɛ a di kpolo laa. Yálá nwɔ Kilii ə pa bɔ.

Lonon mo 22:28

Yai-Laa ə nu woo too ɉoohvaalən na, yɛ Balaamə ɓa: «Lə ɓə ŋį́ gɛ yai yáá gɛ́lɛ a gbɔn gee mɛ̨i haaɓa?»

Piɛrə dɔlɔɔ 3:18

Hvó gaai, Kristə kpinįi, yaa tii a tələnmomun, ə mɔ̨nɔ̨ mįi nɛ̨ŋɛ̨nŋaa mąą mɛ̨nį ɓa, lɔ tanɔ̨n gbən, nuąi di hvo tələnmo li, di mąą mɛ̨nį ɓa, ə gɛ, ə ká mąą lɛɠɛ Yálá ɓa, yai di gɔlɔ paa, kɛlaa, Kili-Mąąhəɠɛɛ ə gɛ a vulú.

Piɛrə dɔlɔɔ 2:24

yaa tii ɓə gu wɔɔ nɛ̨ŋɛ̨nŋaa həɠə gbɔwɔ kɔlɔ hu, ə haa la wulu ɓa, əgɛ, gu haai gu mo wɔɔ nɛ̨ŋɛ̨nŋaa diɛ, gu yɛnɛ̨ɛ̨ kɛ tələnmolaa yee kɔnma; yaa tii, mąą nwąnąi di mo, yili ɓə a gu ɓalo.

Ɉaan 11:49

Mąą kwɛlan tii, nu ta ə kɛ di lɔwai diɛ kɛ naa ɓa a Kaifə, ya ɓə kɛ a Ɉaláá laa həli nuą nwun nąmu; ya ɓə mo Ɉaláá laa həli nuą kpɛa-kpɛa diɛ, yɛ diɛ: «Ka hva mɛ̨nį ta kpaɠala kaa.

Ɉaan 18:13

Di li tɔlɔɔ a Jesus Hanə lííla. Hanə mɔlɔ Kaifə ɓə kɛ a ɉaláá laa həli nuą nwun nąmu kwɛlan tii yee mu.

Zɔ̂ŋ Maa-ŋuŋ 2:2

Mąąhɔlɔɓo, yaa tii ɓə gbɔwɔ kulɔ a haláá, ə gu wɔ nɛ̨ŋɛ̨nŋaa waa, ɛlɛɛ, gu wɛiɠaa lɔ hvəə, kɛlaa, ə mą kɛ, yɛnɛ̨ɛ̨ nuą kəlee di wɛi.