Ɉaan 11:40 - Yálá laawoo hɛɓɛ (dc)

⁴⁰ Jesus yɛ mą: «Martə, kɛlɛi ŋį́ kɛ yɛ a kɛ ya laa ná ya Yálá nwɔ mąąwiɛ ka?»

Yálá laawoo hɛɓɛ

⁴⁰ Jesus yɛ mą: «Martə, kɛlɛi ŋį́ kɛ yɛ a kɛ ya laa ná ya Yálá nwɔ mąąwiɛ ka?»

Bible

⁴⁰ Zîsɛ e mò ma, ǹyɛɛi, “Kɛrɛ̂e, ŋá mò yâ, a gɛɛ yà làa la ya pâi Ɣâla ŋɔfólo-laai kâai?”

Ɉaan 11:40 Referans Kwoze

Ɉaan 11:4

Ɓɛlɔwai Jesus ə nwəlɛɛ tii mɛ̨n na, ə mo yɛ diɛ: «Lazarə nwɔ ɲɔ̨n tii, hvo pai baai, kɛlaa, ɲɔ̨n tii, nwun mąą: Ə Yálá nwɔ huwalawala mąąwiɛ kulɔ pono ŋą, ə Yálá Lon ɉulɔnu nwɔ mąąwiɛ kulɔ pono ŋą.»

Mąątɛ̨nɛ̨ 63:2

Yálá, nwɔ́ Yálá ɓaa a yɛ́, ŋą́ humon a ə́ mąą lii hɛlɛn ɉəɛ, ə́ mąą pulu yɛ ɉon, yɛ ɉúwɔ hu kpɛlin, yɛ lɔi hu kpalaai, yá hvo laa.

Ɉaan 1:14

Nwoo tii, ə nu kɔ́lɔ həɠə, kwa diɛni ku yɛnɛ̨ɛ̨ kɛ gee pɔ, naa hvɛɛ a mɛ̨inɛ̨ɛ̨ da tɛ̨ą, ku nwɔ mąąwiɛ kaa yɛ bələi Lon gɔw tɔ̨nɔ̨ gbən a mąąwiɛ hɔlɔɓo la Nąn ɲəi.

Kɔlɔnikɔ Veerɛi 20:20

Yələ wala pɔ, nuą di humo kpɔ, di di muhəɠə, diɛ li Tekoa nɔi pun ɉu pələ. Nuą lii lɔwai, Ɉosafatə ə haŋą ə tɔɔ, yɛ diɛ: «'Ka ká wəli tɔɔ Ɉuda nuą da Ɉerusalɛmə heeɓo nuą! 'Ka ká kilitɔɔ Yai-Laa ka wɔɔ Yálái ɓa, di yee hva lɔ kaa! 'Ka ká kilitɔɔ gwəi mɛ̨nį hukulɔ nuą woo ɓa, ka yee kaa lii lɔi!»

Korɛntə veelɛ 3:18

Ɛlɛɛ, gu kəlee kpɔ, ɉəɠə ɓɛla aa həɠə gu ɲɛ̨i, gu Nąmu ŋą mąąwiɛlaa ta aa həli guɔ, gu ɲɛ̨ilai mąą aa hvalən, gwaa kɛ a gulɔmąą, gu wɔ mąąwiɛlaa ta yɛ pɛlɛ lɔ mą a yələ kəlee gu Nąmu haalai, yai a Kili.

Korɛntə veelɛ 4:6

Mąąhɔlɔɓo, Yálá ŋɛ̨i kɛ diɛ: 'Kɛɛ ə pono kpinį hu! Yaa ti lɔ ɓə kɛ a kɛɛ pono ku lii hu, yɛ ŋą mąąwiɛlaa kɔ́lɔn gili tɛɛ ka gu pɔ, yai lən ɉii Kristə ɲɛ̨ilaai.

Mąątɛ̨nɛ̨ 90:16

'Ə́ kɛ kolóɠaa too pono ŋą ə́ wɔ tínuąi ɲɛ̨i ɓa, ɛlɛɛ, ə́ wɔ mąąwiɛ ə hvələ di lonnii mɛ̨i!

Ɉaan 9:3

Jesus ə di woo pulu pənə yɛ diɛ: «Yaa mąŋoo, gaa nuą-oo di ta hvo nɛ̨ŋɛ̨n ɉəɠə li. Kɛlaa, ə kɛ tii, əgɛ, Yálá kɛ mɛ̨nįɠaa di kulɔ pono ɲą a mąą mɛ̨nį.

Ɉaan 12:41

Esai Jesus nwɔ mąąwiɛ kaa, ya ɓə gɛ yɛ mo la tii.

Lɛɛ gbɔwɔ ɓa 16:7

Yələwala pɔ, ka káá pai Yai-Laa nwɔ mąąwiɛ kaai. Mąąhɔlɔɓo, mɛ̨nįɠaai ka kɛi mo ka nwun ɉu, Yai-Laa aa mɛ̨n. Lə ɓaa kuɔ, yai ka li hvaai ka nwun ɉu kuɔ?»

Maafîu 17:20

Ə di woo ŋąąpənə yɛ diɛ: «Mąąhɔlɔɓo, ka wɔ laa na laa hvo kɛnɛ̨ li. Gáá moi kaa a tɛ̨ą, akɛ, ka wɔ laa na laa kɛnɛ̨ pələ a kɛ yɛ bələi ɓənən gɔw, ka pɛli kaa ɲee ŋɛ̨i ɓa: Həɠə ɓɛi ŋɛ̨i ə kaa laai, ə li pələ takpɛli. A həɠə kpɔlɔɔ tii laa. Mɛ̨nį lɔpee ta hva walawala kɛ kaa.

Markə 9:23

Jesus yɛ mą: «Ə kaa kɛi mą́ą́: ‹Akɛ yá pɛli mą.› Nui laa na laa kaa ɲei, mɛ̨nį kəlee a pɛli kɛi ɲɛ̨i.»

Lomaŋ 6:4

Nwɔ haai mąą pɔɔ kɔ́ɔn ŋɛ̨i gu gɛ a mąąwaa, gwaa nɛ guɔ ma: Gwa diɛ ni gwaa haa, daa gu loo. Yɛ bələi ti Kristə ə kulɔ la haaɓɛlaa lɔwai Nąn nwɔ mąąwiɛ hu, guɔ kpɛli, gwaa yɛnɛ̨ɛ̨ kɛ pələ nįnɛ̨ hɔlɔɓo.