Ɉaan 11:28 - Yálá laawoo hɛɓɛ (dc)

²⁸ Yili pulu, Martə ə li ə Mari təli ə mo mą loo hu yɛ mą: «Mąąkwɛli kɛmun aa pa, yɛ ə́ pa.»

Yálá laawoo hɛɓɛ

²⁸ Yili pulu, Martə ə li ə Mari təli ə mo mą loo hu yɛ mą: «Mąąkwɛli kɛmun aa pa, yɛ ə́ pa.»

Bible

²⁸ Tãi e kpɛ̀ɛ a nyiŋi ƃoɔi, e lì e ǹîa-nɛnii Mere toli. E mò a ŋóo maa yeŋɔɔ, ǹyɛɛi, “Gaamɔ̂ɔi káa ƃɛ, ǹyaŋ a ítolîi.”

Ɉaan 11:28 Referans Kwoze

Ɉaan 13:13

Ka kɛ kɛi mą́ą́ ‹Mąąkwɛli kɛmun› da ‹Ną́mu›, ka kɛ moi a nɛlɛɛ, mąąhɔlɔɓo, ɲą́ą́ ɓə.

Ɉaan 11:20

Ɓɛlɔwai Martə ə mɛ̨n na diɛ kɛ mą: Jesus kaa pai, ə muhəɠə yɛ li naa kwiɛn ɉi. Mari nwɛi, ə lɛɛ heeni bɛlɛ́n.

Markə 10:49

Jesus ə tɔɔ, yɛ diɛ: «'Ka dəli ə pa.» Di mo ɲɛ̨ipumun tii ɓa diɛ mą: «Yáámun, ə́ huwalawala ə́ ə́ muhəɠə, gaa ə́ təli.»

Ɉaan 21:7

Galan non ti nwɛli ə kɛ Jesus ɓa, yɛ Piɛrə ɓa: «Ną́mu Jesus ka tii!» Yii lɔ Piɛrə ə mɛ̨n diɛ kɛ mą: «Ną́mu ka tii», aa mą nwɔ həɠəi həɠə aa doo gwaną mąąhɔlɔɓo, ə kɛ a gbuwulu, ə too ɲái.

Ɉaan 20:16

Jesus yɛ mą: «Mari!» Mari ə tinɛ̨n yɛ Jesus ɓa Ɉuifə woo hu: «Rabuni» mukulaa ɓaa: Mąąkwɛli kɛmun.

Ɉaan 10:3

Nui gaa heeni gala laaləi yɛ naa mɛ̨i kaa, a gala laa ɓo mɛlaa mɛ̨i kaa mun dɔwɔ. Mɛlaaɠaa da di mɛ̨i kaa mun nwoo mɛ̨n, ə lɛɛ a nwɔ ɓɛlaa kəlee təli a di laa, di hvilɛn bulu.

Ɉaan 1:45

Filipə ə́ li ə Natanaɛlə kaa, yɛ mą: «Nui ŋɛ̨i Moisə nwɔ tɔ́n ɉɛɓɛ́i da Yálá kwəi mɛ̨nį hukulɔ nuą di mąą mɛ̨nį ɓo, kwa gaa. Da kɛ naa ɓaa: Jesus, Ɉosɛfə Nazarɛtə mun lon ni.»

Ɉaan 1:41

Andre ə gbɛa li tɔlɔɔ ə həli niɛ Simɔn ɓa yɛ mą: «Nwun mąąɓomun Yálá ə naakwɛlanmo kwaa gaa. (Yai da kɛ mą: Kristə.)»

Lukə 22:11

Kaa bɛlɛ nąmu ɓa: Mąąkwɛli kɛmun yɛi: ‹Bɛlɛ nɛlɛ ɓə gaa pai nwɔ pakə kɔ̨nɔ̨n mįi mu, da nwɔ kalan nɛai?›

Markə 14:14

Ɓɛi a lɔ laa, ka lɛɛ bulu ka mo bɛlɛ nąmu ɓa, kaa mą: ‹Kalamɔ̨ɔ̨ yɛ, bɛlɛ nɛlɛ ɓə gaa pai nwɔ pakə hɛli kɔ̨nɔ̨n mį́i laa, da nwɔ kalan nɛai?›

Maafîu 26:18

Jesus yɛ diɛ: «Ka tɛ taai ka li mɛ̨i pɔɔli, kaa mą: ‹Ku wɔ mɛ̨nį nąmu yɛ nwɔ́ɔ́ lɔwai aa həli, kɛlaa, ə́ pɔɔli ɓə gaa nwɔ hɛli pui laa da nwɔ kalan nɛai.›»

Zakari 3:10

Yai-Laa Mɛ̨nį Kəlee ŋą Hééɓomun yɛi, Mąą yələ, ka káá pai ka keeni təlii dowələ wulu mu, da nwiɛ mu.»

Hebreu 12:12

Yili ɓa, yeeɠaa da kɔwɔɠaai di hvįikpɛɛ, 'ká di hvaŋąlɔ,

Tɛsalonikə dɔlɔɔ 5:11

Yili mąą mɛ̨nį ɓa, 'ká kɛ ká keeni hvaŋąlɔi a yələ kəlee, káá ká keeni liikpələ, yɛ bələi ká kɛ gɛi la a bɔlɔ.

Ɉaan 11:29

Yili mɛ̨n Mari ə mo, ə həɠə kpɔlɔɔ ŋąąɓa yɛ li Jesus pɔ.

Ɉaan 11:30

(Mąąhɔlɔɓo, Jesus hvə ni kɛ tɛ li taai, ə kɛ kpɔlɔɔ ɓɛi Martə ə pa naa kwiɛn ɉi laa.)