Ɉaan 11:27 - Yálá laawoo hɛɓɛ (dc)

²⁷ Martə yɛ mą: «Oowei, Ną́mu, náái na gɛ́ diɛ: yɛ́ ɓə ə́ kaa a Nwun mąąɓomun Yálá ə naakwɛlanmo, yɛ́ ɓo a Yálá Lon, yii Yálá ə dɛɛ yɛnɛ̨ɛ̨.»

Yálá laawoo hɛɓɛ

²⁷ Martə yɛ mą: «Oowei, Ną́mu, náái na gɛ́ diɛ: yɛ́ ɓə ə́ kaa a Nwun mąąɓomun Yálá ə naakwɛlanmo, yɛ́ ɓo a Yálá Lon, yii Yálá ə dɛɛ yɛnɛ̨ɛ̨.»

Bible

²⁷ E mò ma, ǹyɛɛi, “Ooei, Kúnuu-namui; ŋa láa la a gɛɛ yá ƃa Kôrai, Ɣâla Ǹóŋ, nyii gáa pâi ǹɔii sui.”

Ɉaan 11:27 Referans Kwoze

Maafîu 16:16

Simɔn Piɛrə ə nwoo ŋąąpənə yɛ mą: «Ə́ kaa a Kristə, yai di dɔɔ, Yálái gaa a vulú Non ɉulɔnu.»

Ɉaan 6:69

Ku wɛi, kwaa laa na, kwaa gɔlɔn kuɔ ə́ kaa a Yálá nwɔ mąąhəɠɛɛ.»

Ɉaan 6:14

Nuą tii di wɛi, mɛ̨nįi tii Jesus ə gɛ, nąą kaai di mo, di kɛi kɛ diɛ: Nui ŋɛ̨i kaa kpɔ a Yálá nwɔ kwəi mɛ̨nį hukulɔ mun gbɔ-kpɔɔ, yai pai yɛnɛ̨ɛ̨ nwun mąąɓoi.

Malasi 3:1

Yai-Laa Mɛ̨nį Kəlee ŋą Hééɓomun kaa kɛi káá: Gáá nwɔ́ wɛlɛɛ ɓomu dɔɔi dɔ́wɔ́, ə pələ laa ɓo. Yálái ŋɛ̨i ka káá gwɛlii, gaa pai ɉee pɛlɛ́ mu, ɉu hvo kwɛa li. Nwɛlɛɛ ɓomu ŋɛ̨i ka káá mąąkpɔn ɉi, gaa pai nwɔ́ mįnɛ̨i laa həlii kaa. Gaa bələ ɓa, yɛ pa.

Zɔ̂ŋ Maa-ŋuŋ 5:1

Nui lɔpee a laa na, yɛ: Jesus ɓə a Kristə, mąą nu kaa a Yálá lon; ɛlɛɛ, nui a Yálá wɛlila kɛ, yai a non gaamun a non tii Yálá ə gaa, nwɛlila kɛ.

Zɔ̂ŋ Maa-ŋuŋ 5:20

Gu gbaɠala kɔlɔn guɔ Yálá Lon ə pa ɛlɛɛ, ə kili tɛɛ gu pɔ, ə gɛ, gu Dɛ̨ą kɔlɔn. Ɛlɛɛ, gu kaa kɛa Dɛ̨ą hu, Non Jesus Kristə hu. Yaa tii ɓə a Dɛ̨ą, yaa ɓə a Yálá, ɛlɛɛ, a yɛnɛ̨ɛ̨i kpɛɛ hvo mą.

Gɛlaɠaa 8:36

Di kɛɛ kɛa bələ pɔ, di həli kɛɛnąą ta, yálee yɛ ɓo laa, gbɛtɛgbuwului ti yɛ Filipə ɓa: «Yálee ka, lə mɛ̨nį ɓə a pɛli kpɛ̨ąn ɉii mą́ą́waa mɛ̨nį hu?»

Ɉaan 4:42

Nɔi nuą di mo nɛ̨ɛ̨nui tii ɓa, diɛ mą: «Kwaa laa na, yii ŋɛ̨i ə́ mo kuɔ mąą mɛ̨nį ɓa; ə lɛɛ, da yiiɠaai kuɔ kpinįi ku mɛ̨n mąą mɛ̨nį ɓa. Yili pulu, kwaa gɔlɔn gbɔ a tɛ̨ą kuɔ: ya ɓə gaa a yɛnɛ̨ɛ̨ ɓalo mun.»

Ɉaan 1:49

Natanaɛlə ə pənə yɛ mą: «Mąąkwɛli kɛmun, ə́ kaa a Yálá Lon, yɛ ɓo a Israɛlə tɔɔmun.»

Lukə 2:11

Daa ka Nwun mąąɓomun gaa, háákələi, Davidə ŋą taaleei hu, naa ɓaa a Kristə, mɛ̨nį kəlee nąmu.

Maafîu 11:3

Diɛ kɛ mą: «Akɛti, nui kwa kɛ mąą mɛ̨nį mɛ̨n ɉii diɛ kɛ: Gaa pai, ya ɓaa a yɛ́? A wala kɛ tii, mąąnɛ̨ɛ̨ ku da kpɛli mąą kpɔn?»

Maafîu 16:20

Yili pulu, ə mo nwɔ kalan nɛai diɛ yɛ diɛ: «'Ká hvo kɛ nui lɔpee ta ɓa: Ɲą́ą́ ɓə gáá a Nwun mąąɓomun Yálá ə naakwɛlanmo.»

Gɛlaɠaa 8:37

Filipə yɛ mą: «Akɛ yáá Ɉésu mąą mɛ̨nį kaa a tɛ̨ą a ə́ kwəi kwɛlɛɛ, ŋą́ pɛli ŋą́ ə́ mąąwaa.» Gbɛtɛgbuwului ti ə nwoo ɲąąpənə yɛ mą: «Ŋą́ą́ gaa kpɔ a tɛ̨ą, gɛ́: Jesus Kristə kaa a Yálá lon.»