Ɉaan 11:11 - Yálá laawoo hɛɓɛ (dc)

¹¹ Nwooɠaa tii ɓoɔ pulu, Jesus ə mo nwɔ kalan nɛai diɛ, yɛ diɛ: «Gu ɓɛlan Lazarə aa yii, gáá lii ŋą nwun.»

Yálá laawoo hɛɓɛ

¹¹ Nwooɠaa tii ɓoɔ pulu, Jesus ə mo nwɔ kalan nɛai diɛ, yɛ diɛ: «Gu ɓɛlan Lazarə aa yii, gáá lii ŋą nwun.»

Bible

¹¹ E mò ti, naa pôlu ma e mò dîa, ǹyɛɛi, “Kúwɛli-nuui Lâzara a nyiî. Kɛ́lɛ, ŋa liî a gɛɛ ŋa ŋ̀ɛi la ƃo.”

Ɉaan 11:11 Referans Kwoze

Danîa 12:2

Nuą tamąą daa haa, di kaa laani di kámą hu, di kaa pai di muhəɠəi, di kɛ a di hvulú. Daɠaa da di muhəɠə də li yɛnɛ̨ɛ̨ kpɛɛ hvo mą ɉu; daɠaa də li nwun napili hu, nwumɛ̨ hu yii hva kpɛɛ.

Ɉaan 11:13

Jesus nwɛi, Lazarə haa mɛ̨nį ɓə ə kɛi mo. Nwɔ́ kalan nɛai di wɛi, di kɛi di kiliŋąhiɛ yii leelee ɓa.

Tɛsalonikə dɔlɔɔ 5:10

ə haa gu mąą mɛ̨nį ɓa, əgɛ, gu kɛ yíi-o, gu kɛ a ɲɛ̨i-o, guɔ yɛnɛ̨ɛ̨ kɛ a ɲiliɛ mą.

Korɛntə dɔlɔɔ 15:51

Gáá mɛ̨nį loɔ ta lɛi kaa; gu kəlee gu hvo pai haai, kɛlaa, gu mąą kaa pai hvalin ɉii,

Gɛlaɠaa 7:60

Yili pulu, ə pu gbəlin na, ə tomą kpɔ a nwoo kɛnɛ̨ɛ̨, yɛ mą: «Ną́mu! 'Hvó nɛ̨ŋɛ̨n ŋɛ̨i pɛ̨ɛ̨ di nwuɔ̨.» Moi ə mo tii, ə haa.

Maafîu 27:52

Kámą tamąą laa yɛ ɓo, Yálá nwɔ nuą mąąhəɠɛɛɠaa tamąą di nwun di kulɔ haa yəi

Ifisiɛŋ 5:14

gbala ə tɔɔ, mɛ̨nįi aa doo pono ɲą, kɛɛ pono li. Yili ɓə gɛ, da kɛ mą: «Yɛ́i ŋɛ̨i yįi, 'nwún, ə́ muhəɠə 'ə́ kulɔ haa nuą lɔwai, ɛlɛɛ, Kristə kaa pai ə́ mąą ponoi.»

Markə 5:39

Ə lɔ bɛlɛ́n, yɛ nuą tii diɛ: «Nɛlɛ nwɔ wɔlɔ ɓə ka káá moi, kaa kɔ̨nwɔ̨? Nɛ̨ɛ̨non hvo haa li, gaa yii.»

Maafîu 9:24

Jesus ə mo diɛ yɛ diɛ: «'Nu kəlee di kulɔ! Nɛ̨ɛ̨non hvo haa li, gaa yii.» Nuą tii kəlee di yɛlɛ Jesus ɓa.

Lɛɛ gbɔwɔ ɓa 33:11

Yai-Laa ə kɛi pələ ɓo Moisə ɓa, da yaa di ɲɛ̨i heɛ di kee ɓa, yɛ nu a kɛi pələ ɓo mɛlan ma, yili pulu, Moisə ə kɛi pənə yɛ pa muwu la, kɛlaa, bɔ mun ŋɛ̨i kɛ a Nun lon Ɉosue, hvo kɛi tee gee kaa kələ mu.

Zĩi 2:23

ɛlɛɛ, mɛ̨nįi ɉɛɓɛ́ ə mo, bɔ mɛ̨nį ə kɛ, yai ə kɛ mą: «Abrahamə, ə laa Yálá la, yili ɓə gɛ a tələnmomun»; ɛlɛɛ, di naa hee a Yálá mɛlan.

Korɛntə dɔlɔɔ 15:34

'Ká pənə ká hvilɛn tɛ̨ą pələ mɛ̨i, 'ká hvo nɛ̨ŋɛ̨n ɉəɠɛɛ. Gbala ə tɔɔ, ká taɠaa di hvo Yálá kɔlɔn, gáá yili ɓoi a ká nwumɛ̨ mɛ̨nį.

Korɛntə dɔlɔɔ 15:18

Akɛ kani tii, nuąi haa Kristə hu laa hu, di nwun na aa pili.

Ɉaan 11:3

Lazarə mąąhalani di wəlɛɛ tɔɔ Jesus pɔ diɛ mą: «Ną́mu, nui ŋɛ̨i nwɛli ə kɛ yɛ, gaa ɲɔ̨n gɛi.»

Ɉaan 3:29

Nɛ̨ą nąmu pɔɔ ɓaa nɛ̨ą, kɛlaa, nɛ̨ą nąmu mɛlan a tɔɔ mɛlan gwɛlɛ yɛ nwoo mɛ̨n, a kɛi nɛ̨ą nąmui tii woo mɛ̨n, gwəi yɛ nɛɛ kpɔ kɛnɛ̨. Pələ ɓə nwɔ kwəinɛ̨ɛ̨ kaa la, ə lɛɛ, nwɔ kwəinɛ̨ɛ̨ laa aa hvɛɛ.

Azaya 41:8

Kɛlaa yɛ́ Israɛlə, nwɔ́ tí mun, Ɉakɔbə, yɛ́i ŋį́ ə́ həɠə ɉu, kaai a mɛ́lan Abrahamə lonnii,

Kɔlɔnikɔ Veerɛi 20:7

Kɛlɛi ku wɔɔ Yálá ɓaa a Yɛ́! Nuąi kɛ heeni nɔi ŋɛ̨i hu, Yɛ́ ɓə di kpɛ, Ə́ wɔɔ nu huwui Israɛlə tɔwɔ, Ə́ nɔi kulɔ di yəi, Ə́ dɛɛ, Ə́ ɓɛlanmun Abrahamə lonnii pɔ, a di wɔɔ a yələ kəlee mɛ̨nį-e!

Dutɛrɔnome 31:16

Yai-Laa yɛ tɔlɔɔ Moisə ɓa: «Ə́ laa hiɛ ka ə́ nąnni kwɛlɛ. Ə́ haa pulu, Israɛlə nuą kaa pai tɔɔi diɛ kwɛli hvilɛn haliɠaa diɛ nɔi tii di kaa lii ɉu. Di kaa pai nɛ́ɛ́i laa, mįnɛ̨i ŋɛ̨i kwa diɛni ku ɉəɠə, di həɠə bulu, di mąą kala.

Tɔɔɓɛlaa veelɛ 4:31

Gehazi aa kɛ li di tɔwɔ, lii ə mo, ə dunwɔ̨n nąą nokoloi ɲɛ̨ilai, kɛlaa, nokoloi nɔ̨ɔ̨ hvo too ɉu, hvo kpɛli hvaa. Gehazi ə pənə ə pa, ə Elise laakwiɛn, ə nwoo hukulɔ mą, yɛ mą: «Nokoloi hvo ɲįnąą ɓo li.»

Ɉaan 11:10

Kɛlaa, nu a kɛi hiɛ kpinįi, a gɔwɔ tuwɔ, mąąhɔlɔɓo, kɛɛ pono hvo ɲəi.»

Ɉaan 11:12

Nwɔ́ kalan nɛai diɛ mą: «Ną́mu, akɛ aa yii, gɔlɔi kaa pai ponoi.»