Ɉaan 10:9 - Yálá laawoo hɛɓɛ (dc)

⁹ Ɲą́ą́ ɓə gáá a bɛlɛ́ laaləi, nui a tɛɛ bɔ́ɔ́ li pələ, nwun mąą a ɓo. A lɔ, yɛ kulɔ, ə lɛɛ, yɛ kɔ̨nɔ̨n ɉɔlɔɓo.

Yálá laawoo hɛɓɛ

⁹ Ɲą́ą́ ɓə gáá a bɛlɛ́ laaləi, nui a tɛɛ bɔ́ɔ́ li pələ, nwun mąą a ɓo. A lɔ, yɛ kulɔ, ə lɛɛ, yɛ kɔ̨nɔ̨n ɉɔlɔɓo.

Bible

⁹ Ńyãa ƃe ŋ́gaa a góraŋ lá; à kɛ̀ núu da à tɛ̀ɛ ŋ́gbonôi é lɔ́, a pâi ƃálôi, gɛ̀ ní, a pâi lɔ̂i é kúla e gɔ́nɔŋ sɔlɔ ƃo.

Ɉaan 10:9 Referans Kwoze

Ɉaan 14:6

Jesus yɛ mą: «Ɲą́ą́ ɓə gáá a bələ gɛ́ ɓo a tɛ̨ą, gɛ́ ɓo a yɛnɛ̨ɛ̨ kpɛɛ hvo mą. Nu ta hva pɛli lii Ną́n Yálá pɔɔli akɛ hvo tɛɛ li ɲą́ą́ bɔ pələ.

Ifisiɛŋ 2:18

Ɛlɛɛ, Kristə háálai ɓə, guɔ mąn, diɛi tii mąn, gwa pɛli lɛɠɛi la gu Nąn Yálá ɓa, Kili-Mąąhəɠɛɛ tanɔ̨n ti hu.

Ɉaan 10:7

Jesus ə mo diɛ nwɔ̨nɔ̨ yɛ diɛ: «A tɛ̨ą kpɔ-kpɔ gáá moi kaa, ɲą́ą́ ɓə gáá a mɛlaa kwənąn naaləi.

Ɉaan 10:1

A tɛ̨ą kpɔ-kpɔ gáá moi kaa, nui hvo tɛɛi a mɛlaa kwənąn naaləi pələ yɛ lɔ, kɛlaa yɛ tɛ gala ɓa, mąą nu kaa a nwuɔ̨mun, da toomɛ̨i kɛmun.

Mąątɛ̨nɛ̨ 95:7

Mąąhɔlɔɓo gu wɔ Yálá li, gu kaa a nu huwui a ɲąąkɔn, a daatɛlɛɛ kpului a ɲɛ̨i kɛ mą. Əgɛ, háákələi, ka nwoo mɛ̨n, 'ka bɔ mɛ̨nį kɛ!

Azaya 40:11

Gaa yɛ ɓɛlaa mɛ̨ikaa mun, ɲɛ̨i kaa nwɔ ɓɛlaaɠaai diɛ, a ɲee haŋą lɔ nwɔ ɓɛlaaɠaai di lɛɠɛ di kee ɓa, yɛ mɛlaa lonnii pɛlɛ ɲee kɔ̨nwɔ̨n ɉu, yɛ mɛlaa kɔ̨nwɔ̨leeɠaa pɛlɛ kɛɛnąą ɲąąlaɠiɛ ɓa.

Zakari 10:12

Yai-Laa ɓə pai kɛi a di hvaŋą, naa hu ɓə di kaa pai kɛi hiɛi laa. Yai-Laa woo li.

Izikiɛ 36:38

yɛ bələi lɔ ɉaláá kulɔ taatɛlɛɛ kpuluɠaa kaa la, yɛ bələi daatɛlɛɛ kpuluɠaa da kɛ la Ɉerusalɛmə, a ɉɛli pu yələɠaa; bələ ɓə daaɠaai ŋɛ̨i a di kpoloon, di laa kaa pai hvɛɛi la, a nu kpulu. Bələ ɓə da gili kɔ́lɔn na, diɛ kɛ, ɲą́ą́ ɓə gáá a Yai-Laa.»

Ɉaan 10:3

Nui gaa heeni gala laaləi yɛ naa mɛ̨i kaa, a gala laa ɓo mɛlaa mɛ̨i kaa mun dɔwɔ. Mɛlaaɠaa da di mɛ̨i kaa mun nwoo mɛ̨n, ə lɛɛ a nwɔ ɓɛlaa kəlee təli a di laa, di hvilɛn bulu.